حصلت حاجة زي كدة في الفورد اللي كانت معايا و مكنتش عارف السبب
بس كانت بتبقى على فترات متباعدة و كانت بتظهر لما بنقل من نقلة اعلى لاقل في التهدية
حصلت حاجة زي كدة في الفورد اللي كانت معايا و مكنتش عارف السبب
بس كانت بتبقى على فترات متباعدة و كانت بتظهر لما بنقل من نقلة اعلى لاقل في التهدية
اعتقد طلمبة بنزين ضعيفه
طلمبه البنزين
عند الكشف بالاسكانر علي السيارة كان ايه اخبار حساس البوابة
ممكن يكون هو الي عامل المشكلة دي لو مقاومته عاليه
صباح الخير علي اجمل اعضاء في النيل موتورز
ذهبت للتوكيل امس وعمل الاتي
1- غير حساس شكمان + طقم بوجيهات لانه البوجيهات قال انها بتهبب وكلف هذا 465 جنيه بالمصنعيه بس مطلعش العيب فيهم
بس طبعا مش هيطلع نفسه غلط في التشخيص فقال انهم كانو سبب من اسباب توقف العربيه
2- فتح وش السلندر وقالي ان في صبابين بيسيحو بنزين وطبعا قالي تم عمل اللازم بس هيقفل الوش وهيجرب العربيه تاني
وهيشوف تاني ايه الاخبار وطبعا هيكلف هذا ايضا 450 بالمصنعيه
ويارب يستر لحسن انا استويت والمشكله تخلص
انا قلتله ممكن يكون فلتر بنزين او طرمبه البنزين قال اعطالهم متعملش كده انها يعني توقف العربيه
بس انا اي اضافه من الاعضاء بتفتح بصرتي وبسال في التوكيل علي طول علشان اسمع الرد منه
ياريت احد من الاعضاء يقولي رد التوكيل عليا ده منطقي ولا لا
يا رب يا باشا مشكلتك تتحل لانى عارف معاناتك و كنت عايز استفسر من حضرتك لو امكن تشرحلى اللى قالهولك التوكيل فيما يخص موضوع الصبابات و علاقتها بالتبطيل و البنزين لان كان عندى مشكلة تبطيل برده بس فى ليجانزا و كانت بتزيد فى بداية تشغيل العربية وهى باردة و كان الكلام ده بعد ما غيرت الصبابات برده
و سؤال اخر اين التوكيل اللى بتتعامل معاه و لك جزيل الشكر
السلام عليكم اجمل منتدي واجمل اعضاء لانوس
الحمد لله تم حل المشكله بعد ما استويت خلاص الحمد لله
اولا التوكيل اللي انا بتعامل معاه بجد توكيل كويس جدا وامناء بس حراقين شويه العنوان فوق مترو الخلفاوي شارع شبرا
ثانيا لقد تم عمل الاتي في التوكيل بالاسعار لكي يستفيد بها من يصادفه نفس المشكله
1- تم تغيير حساس شكمان 375 جنيه
2- تم تركيب طقم بوجيهات 40 جنيه
3- مصنعيه 50 مصنعيه ده اول ما رحت التوكيل
المرحله الثانيه عندما وجدو العيب يتكرر
1- تم فتح وتركيب واصلاح وش سلاندر تظبيط الصبابات التي تقوم بتسييح البنزين 450 جنيه
2- تركيب جوان وش سلندر + جوانات اخري للوش
3- تم تنظيف خرطوم يقال ان اسمه kg / KJ مش فاكر بالظبط بس لو حد عرف اسمه يقولي عليه
وكل هذا ب 330 جنيه اي المرحله الثانيه كلفت 780 جنيه ولاكن بعد فصال حار تم تنزيل المبلغ الي 650 جنيه
والحمد لله العربيه اصبحت خفيفه وناعمه والحمد لله رب العالمين
واشكر كل من ساهم في حل مشكلتي والله منتدي محترم جدا وكل اعضاء بيساهمو لوجه الله
الف مبروك علي الاصلاح
وربنا يهديهالك يارب وتكون اخر الاصلاحات