الف شكر ليكو يا رجالة
@أبومريم
الف شكر ليك يا غالى انا هروح بكرة ان شاء الله و اسيبها هناك و اعمل مقايسة و اوديها التأمين عشان ينزل المعاين تانى يوم او تالت يوم ان شاء الله و لو جد جديد و هروح الاتنين هبقى اقول لحضرتك بس برضه ابقى هات مريم معاك :ma:
@ramyso4
والله يا باشا انا وديتها لواحد قاللى هينفع تتعمل بس هية ضعيفة و هية فعلا متهيألى ضعيفة عندنا فى الجين فمش عايز اعملها و مع مطب او حكة او اى حاجة تفك و تبهدلنى تانى و العربية جديدة و مش عايز اهنها يعنى وانا لو اضمن انها تبقى تمام 100 % كنت لحمتها بس الاحسن تتغير و خلاص :B4_237:
@sayed911
والله يا ابو السيد انا مأمن شامل المفروض و كلمتهم قالولى وديها التوكيل و هات مقايسة و هنودى المعاين تانى يوم ان شاء الله انا مشكلتى كلها فى الوقت بس محبوش يطول زيادة عن اللزوم و كله متوقف على القطعة دى ان شاء الله لو لقتها بكرة هحجزها علطول :satelite:
و انا ان شاء الله هقطرها بالسيراتو بكرة و لو انها تعز علية و دى اهانة للجين تو :120146b بس يالله زى بعضه السيراتو سيراتو برضه :ma:
و الموضوع مش موضوع فلوس انا بس عايز اوديها بكرة و موضوع الونش ده عايز تظبيط و طبعا مفيش وقت دلوقتى لو على الفلوس انا حتى جبت زيت عارف انه هينزل تانى و جبته شيل مرضتش استرخص مع انه زمانه بينزل دلوقتى :120146b
و لاحمد لله ان الدبشة دى منزلتش على الكبوت ولا الازاز ولا فى وش العربية الحمد لله كانت تبقى مصيبة اعظم
اللى عايز حاجة من التوكيل بكرة يقولى و انا اسأله بقى ان شاء الله