ملاحظة على كامبرو 2009 المزود ب aifm

**araouf222** · 25-09-2010 07:39 PM

يا جماعة عندي أحساس غريب ان الفلتر ده حسن الأداء نسبيا بس لأن العلربية بطيئة نوعا ما تحت ال 3000 أر بي أم أول م أوصل 3500 أحس ان العربية عملت كيك داون و بتجلري زيادة أوي مع العلم أني مانيوال جربتها كذا مرة بمعنى التسارع تحت 3500 أر بي ام بطيء بس بعد كده ما شاء الله طلقة زي ما تكون مكتومه و فكت فجأة و ده حاجة كويسة علشان نص البلد أعتقد

**Tayer** · 26-09-2010 03:21 PM

نفس الأساس يا باشا بالضبط

**Raul_7** · 26-09-2010 07:31 PM

على فكرة ده التعديل ده معمول عشان يعلي التسارع تحت ال 3000 rpm لإن الموديلات القديمة كانت بتبقى تسارعها ضعيف تحت ال 3000.

**momopersona** · 26-09-2010 09:52 PM

فعلا كلامك صحيح
وده اللى بيخلى الواحد غصب عنه بيحتاج يحرق جامد عشان يجرى

بعكس النيو كسينت مثلا
ماتحبش تحرق لانها تسارعها قوى جدا منغير حرق ولكن بالحرق البروتون افضل

للتوضيح
يعنى مثلا لو عملت سباق بين جين واكسينت تحت 3000 لفه الاكسينت تطلع بسهوله جدا وتفرق قوى كمان
لكن لو عملت سباق والحرق ل 7 الجين تكسب او يبئو مع بعض

وده عيبه انه مخلينى باحرق كتير وده مضر على عمر الموتور

الاسباب ممكن تكون كالتالى من تصورى
1- نقاط ضعف لمنحنى عزم وقدرة المحرك تحت 3500
2- وزن السياره التقيل شويه
3- الكاوتشات العريضه 195

**eslam_wega** · 27-09-2010 03:06 AM

انا هتكلم عن عربيتى حاليا بعد البوجيهات ngk الحمدلله وطبعا علطول فى صيانات باستمرار و طبعا اتخرب بيتى ههههههههه
بكون على 2000 rbm وكيك دون العربية بتنط بيا ماشاء الله والكلام دة ملحوظ جدا فى الغيار الاول والتانى
بالمنسبة عربيتى جين 2010 مانويل
ممكن حضرتك تكون عندك مشكلة فى السحب ودة له اسباب كتير جدا
اولا يريت تغير البوجيهات الاصلية بى ngk
ثانيا نظف باستمرار فلتر الهواء وغير فلتر البنزين كل 15 او 20 الف على الاكثر واختر طبعا بنزينة كويسة للتعامل معها
ثالثا حط زيت فيسكو 5000 ممتاز جدا واحسن من شال ومن موبيل ومن كل المركات التانية وعن تجربة
رابعا ظبط ضغط الهواء بالنسبة للعجل لانه مهم جدا وبيفرق جدا فى السحب طبعا 31 امامى 28 خلفى
خامسا اطلع بالليل الساعة 3 او 4 وشوف طريق محترم وطبع كل غيارتك وادخل فى الريد زنيون ومتنقلش غير لما الغيار يفصل معك واعمل كدا مرتين يعنى مثلا يوم مرة النهردا ومرة بكرة ومتعملش الموضوع دة تانى عشان كتره غلط
سادسا بعد كل دة كل اسبوع او10 ايام اجرى واحرق على الغيارات بس بدون ما ال rbm يدخل فى الريد
سابعا بلاش تحرق جامد على الغيارت وانت مشغل التكيف يعنى انقل عند 4 او 4.5
اعمل ال 7 نقط دول وجرب وشوف الفرق بنفسك

**tutankhamoun** · 28-09-2010 08:52 AM

فعلا كلامك صحيح
وده اللى بيخلى الواحد غصب عنه بيحتاج يحرق جامد عشان يجرى

مش عربية والدك دي برسونا
يعني عندكم iafm
يعني معنكدش الموضوع اللي بيتكلم عليه الأخ صاحب الموضوع

موضوع أن العزم ثابت مش بيزيد ده موجود في الموديلات القديمة قبل 2009 و لغاية 2008
غير كدا أي موديل فيه iafm مفيهوش الموضوع ده خالص

راجع كدا على الرسم التوضيحي ده اللي خارج من بروتون نفسها .