الموضوع: يا جماااااااعة سعدوني

نقل الملكيه او البيع بتسجبل الاتنين حاجه واحده يا باشا

ولكن ده الناس بتعملو لو انت هتشترى عربيه ورخصتها على وشك

الانتهاء او بالفعل منتهيه.....ولما تعمل نقل الملكيه او البيع بتسجيل

فى الشهر العقارى بتدفع رسوم نقل الملكيه حسب موديل العربيه

وسعه الموتور واذا كانت مصرى ولا مستورده .....اما بقى فى حاله

لو كان لسه فى وقت فى الرخصه لما تنتهى الافضل ان انت تستفيد

بالفتره دى وخاصه لو كانت كبيره وده عن طريق ان انت بتشترى

العربيه بتوكيل بيع للنفس او للغير ولا يجوز الغاؤه الا

بوجود الطرفين...ولما رخصه العربيه تنتهى انت بتبيع لنفسك

بالتوكيل وتسجل فى الشهر العقارى ...

.ارجو انى اكون افدتك

وعلى فكره انت ممكن برده تبيع العربيه بالتوكيل ده

لاى حد تانى ........انا قبل كده اشتريت عربيه بالتوكيل

وكان لسه فى رخصتها سنه وبعتها بالتوكيل برده

قبل الرخصه ماتنتهى بشهر

المشاركة الأصلية كتبت بواسطة thegoodhacker

1- اه الاتنين مختلفين
2-انت دلوقتي اشتريت بعقد مسجل في الشهر العقاري كده بتكون العربية متسجلة باسمك في الشهر العقاري .... لازم في خلال شهر بحد اقصي انك تروح للمرور تعمل فحص فني للسيارة و تعمل ( نقل ملكية ) اللي معناه انك تطلع رخصة العربية باسمك ....
3-لما بتيجي تسجل العربية ( يعني تسجل عقد البيع بين البائع و المشتري ) في الشهر العقاري بتدفع ثمن التسجيل طبعا
[gdwl]لما تشتري عربية فيها رخصة فترة طويلة سنة او اكثر بيكون الافضل ان البائع ما يعملش عقد بيع مسجل في الشهر العقاري و في الحالة دي بتعملوا عقد بيع ابتدائي و البائع يعملك توكيل بيع للنفس و الغير و التعامل مع المرور .... و في الحالة دي حتفضل الرخصة باسم صاحبها القديم و بالتالي حتضطر تمشي بالرخصة والتوكيل دائما .... ولما تخلص رخصة العربية تروح تبيع لنفسك عقد بيع مسجل في الشهر العقاري وتدفع ثمن التسجيل و بعد كده تطلع علي المرور تكمل اجراءات نقل الملكية[/gdwl] ....

شكرا يا باشا على الاضافه ..........بس انا شايف ان حضرتك بتكرر الكلام

اللى انا قولتلو قبل ده

المشاركة الأصلية كتبت بواسطة thegoodhacker

انا حبيت بس اقوله الفرق بين اجراءات الشهر العقاري و اجراءات المرور علشان تبقي الامور واضحة بالنسبة له و في نفس الوقت حبيت اقوله المعلومة كاملة ..... علشان كده الموضوع حتي لو فيه جزءية مشتركة بين ردي وردك يبقي الموضوع ما يزعلش ولا ايه ؟ علي العموم انا متاسف لحضرتك لو كان تكرار المعلومة ده ضايقك .... بس صدقني الموضوع مش مستاهل

يا باشا انت مغلطش عشان تتأسف ........على العموم متزعلش انا مكنش قصدى حاجه

وانا سعيد جدا بمعرفه حضرتك ... واشكرك على زوقك كرم اخلاقك

متشكر ليكم جداً قوي يا جماااااعة بجد فهمت ... ربنا يخليكم و يبارك ليكم ياااااار ب