اليوم الأول
حتروح بدرى اوى ع 9 الصبح بالكتير وفاطر و مظبط كل حاجة و ماسك اعصابك وطبعا للبيقسط حيكون معاة ورق موافقة البنك للتجديد عشان حظر البيع
1- حتجيب ملف من الكشك ب38 جنية ونص + طوابع ودمغات الشرطة
2- صورة بطاقة حديثة 2نسخة + 2 صورة لرخصة العربية القديمة
3- تشترى ورقة مخالفات
كل اللى فات من الكشك وانت واقف
تروح بقى لمبنى النيابة.
4- تقف فى الدور عند شباك مخالفات الملاكى وتقدم ورقك والرخصة وتستنى النتيجة !
5- بعد ماتطلع تاخد المخالفات وتوديها لوكيل النيابة يخفضها ويمضيلك
6- تروح تدفع فى الخزينة طبعا قبل الساعة 1
7- بعد الدفع تروح تاخد ختم الكبيوتر وكشف جنائى.
8- تروح تحط الختم المدور.
9- ختم وكيل النيابة
10- تسلم كل الكلام دة تانى وتاخد شهادة مخالفات ومتنساش الرخصة !
اليوم التالى
11- تروح تدفع الضريبة بتاعة العربية بالرخصة بتاعتك ولو فى تأخير للتجديد بتقدرة ويدفع برضة.
12- تدفع التأمين الأجبارى للعربية من أكشاك التأمين
13- تروح تعتمد ورقة التجديد بتاعت البنك من الضابط فى ارض الفحص!
14- بعد الكلام دة كلة تروح تستلم دوسية العربية بتاعك من المخزن من العسكرى اللى واقف جوة مش حيرضى يديهولك وحيودية بنفسة للست اللى حتراجعة ع الشباك.
اليوم التالت
15- حيكون الملف وكل ورقك عند الموظفة حتروح تستنى دورك عشان حتراجع الورق كلة من الأول ... لو انت ماشى ذى ما انا كاتب مش حيكون فى حاجة ناقصة ان شاء الله وحتكبسها وتفور دمها.
16- حتديك ورقة تروح تدفع بيها تمن اللوحات الجديدة فى الخزنة
17- الموظفة بعد ماتديها وصل الدفع حتدى ملفك كلة تانى للريسة بتاعتهم اللى قاعدة جمبهم تراجعة تانى من اول و جديد
18- حتقولك سجلت البطاقة بالكمبيوتر ع اساس انك مخضرم يعنى وحافظ حتقول لأ طبعا فحتروح تسجل البطاقة ع الكمبيوتر بعد ماتقف فى الطابور بتاع ساعة
19- تروح تقف فى طابور تانى عشان تستلم رقم تسجيل البطاقة ع أم الكبيوتر.
20- حترجع تااانى للريسة تديها الرقم!
21- ساعتها بقى حتديك ورقة تروح تستلم بيها النمر الجديدة ... حتروح تفك نمرك القديمة وتسلمها فى المخزن ويكتبولك انك سلمتها
22- ترجع للريسة تانى بالورقة عشان تحطلك الختم ع ورقك انك سلمت النمر القديمة!!!
23- تروح المبنى بتاع استلام الرخص وتسلم الليلة دى و تستنى ميلاد المحروسة الرخصة الجديدة خارج باب العنايو المركزة.
24- تاخد الرخصة الجديدو و تروح تستلم بيها النمر الجديدة اللى مكتوبة عليها
25- حتروح تستلم مش حتلاقى حد.
اليوم الرابع
تروح تستلم النمر الجديدة ... حيديك وصل استلام تروح تدفعة فى الخزنة وتديهولة بالرخصة حيديك النمر و الرخصة و تروح تدور ع اى حد يركبهملك و تدفع 5 جنية تركيب.
26- متنساش وانت طالع تحسبن ع البلد وتدعى للى عمل كل دة فينا بكل اللى فى نيتك !
.... والنبى انا وفرت عليكم كتير بالموضوع دة ياريت اللى يقراة يدعيلى اسيب البلد دى واروح اى بلد تانية من اللى بيجددوا فيها الرخصة عن طريق النت !!
حسبى الله ونعم الوكيل
تم تثبيت الموضوع بواسطتي
مشرف 14 ب