الحمد لله غيرت المساعدين انهاردة

**Ahmed.TV** · 26-09-2010 02:07 PM

الف مليون مبروك على تغير المساعدين
وحاجة جميلة سردك لتجربتك وجزاك الله خيرا
وفعلا كلامك صح مليون فى الميه فى موضوع كاوتشة التراب
لان الكاوتشة دى لو بايظة او مقطوعة يا جماعة تعمل مشاكل كبيرة للمساعد وبتبوظه بسبب التراب اللى بيدخل للمساعد فى حالة الكاوتشة دى لو كانت بايظة

**mahranoo** · 26-09-2010 07:10 PM

والله يا جماعه انا سمعت ان ال kyp هى انسب حاجه للصنى لان المونرو غير مناسبه للصنى لانها ناشفه جدا وبالتوفيق ان شاء الله و اتمنى لك كل خير

**maged george** · 26-09-2010 07:32 PM

المشاركة الأصلية كتبت بواسطة noon_eg

حضرتك متاكد من نعومه مساعدين المنرو ؟

اللى انا اعرفه من زمان ان المنرو مساعدين ناشفه ورياضيه ولا تصلح للعربيات المتوسطه الحجم مثل الصنى ولانى غيرت مساعين للصنى مو 99 مرتين قبل كده بنوع kyp الل حضرتك بتقول عليه مش معمر وسىء - احب اعرفك انه كان افضل ميت مره من المساعيدن الاصلى اللى كانوا فى الصنى مو 99 اليابانى

القصد اللى يهمنا هنا معرفه النوع الافضل لاى حد عايز يغير مساعدين خارج الضمان لتعم الفائده وياريت بعد ما تمشى بيهم كام يوم وتجربهم فى طرق مخلتفه وعلى سرعات تشوف ايه الاخبار وتقول لنا
.

بصراحة يا باشا انا مجربتش الkyp بس انا قريت مشاركات الاعضاء ومنهم اللي قالوا انهم ناعمين جدا في الاول وممتازين وبعد كام شهر بقوا وحشين وذى قلتهم ومنهم اللي قال انه بيجيب زيت بعد الخبط في مطب جامد عشان كده انا قولت انهم مش بيعمروا وموضوع ان المونرو بالنسبالي ناعمين ده لان المساعدين الاصليين بتوع الصني ex 2007 كانوا ناشفين ومش رياضيين ذى السوبر صالون عشان كده انا حاسس انهم انعم من الاصليين اللي كانوا فيها وعلي فكرة التوكيل بتاع المونرو قاللي انهم غاز علي زيت بس مش رياضيين ويمكن ده برده سبب في احساسي بالنعومة وعلى فكرة الصني من موديل 2009 الex والسوبر صالون المساعدين بقيت واحدة رياضية بسبب شكوة الناس من المساعدين.

المشاركة الأصلية كتبت بواسطة محمد ابراهيم 1

مبروك ومتظريم نتائج التغيير

شكرا لذوق حضرتك

المشاركة الأصلية كتبت بواسطة ahmed.tv

الف مليون مبروك على تغير المساعدين
وحاجة جميلة سردك لتجربتك وجزاك الله خيرا
وفعلا كلامك صح مليون فى الميه فى موضوع كاوتشة التراب
لان الكاوتشة دى لو بايظة او مقطوعة يا جماعة تعمل مشاكل كبيرة للمساعد وبتبوظه بسبب التراب اللى بيدخل للمساعد فى حالة الكاوتشة دى لو كانت بايظة

ياباشا الف شكر على مرورك وعلى فكرة حضرتك اللي علمتنا نسرد تجاربنا عشان الكل يستفيد سواء من اسعار قطع الغيار او اماكن بيعها والف شكر يا باشا.

المشاركة الأصلية كتبت بواسطة amrnagy

مبروك علي المساعدين الجديدة

شكرا لذوق حضرتك