الحمد لله غيرت المساعدين انهاردة
الحمد لله غيرت المساعدين الاماميين انهاردة لصني 2007 عاملة 75000 كم وكنت سالت في هذا المنتدي العظيم باعضائه وعرفت ان الKYP مش حلو ومبيعمرش لذلك دوخت على نوع تاني ذى المونرو والكوني واخيرا لقيت المونرو عند التوكيل اللي في شارع شبرا عند اشارة الخلفاوي وجبتهم ب 1050 جنيه بالضمان سنة وروحت ركبتهم عند الميكانيكي بتاعي من ايام ال128 والحمد لله لقيت فرق شاسع في النعومة في المطبات لكن الثبات لسه مجربتوش ان شاء الله هجربه بكرة وهاقولكوا على النتيجة وعلى فكرة اللي عاوز يغير مساعدين لازم يخلي باله من كاوتشة التراب انها تكون سليمة والا يغيرها لانها بتحافظ علي عمر المساعد وتحميه من التراب اللي بيبوظ الاويلسيل بتاعه ويخليه يجيب زيت واسف علي الاطالة بس انا حبيت انقل تجربتي ذي مانا استفدت كثير من تجارب الاعضاء العظام واسف على الاطالة.:Ob_mak1[1]: