ازاى اروح سوق الجمعه للسيارات المستعمله ياريت حد يقولنا

**egypt_slave2000** · 25-09-2010 08:11 PM

السلام عليكم
انا من الزقازيق ، وانشاء الله نازل اجيب عربيه من سوق الجمعه وهجيب معايا سمكرى حسب نصايح البعض من الزملاء ، لكن المشكله انى مش عارف ازاى اروح سوق الجمعه من موقف العاشر انا اعرف ان سوق الجمعه فى الحى العاشر فى مدينة نصر بس برضه مش عارف يعنى اركب ايه من موقف العاشر هل فيه هناك مواصلات مباشره مثلا ولا اركب مواصله لحته ثم منها للحى العاشر
فيه ناس قالتلى اركب لحد الالف مسكن وهناك هتلاقى عربيات الحى العاشر بس المشكله هما مش متاكدين اذا كانت العربيات دى بتعدى على السوق ولا لا
لو الناس هنا تعرف ياريت يشرحوا للغريب اللى زيى ازاى يوصل

**adelmof40** · 25-09-2010 08:25 PM

المشاركة الأصلية كتبت بواسطة egypt_slave2000

السلام عليكم
انا من الزقازيق ، وان شاء الله نازل اجيب عربيه من سوق الجمعه وهجيب معايا سمكرى حسب نصايح البعض من الزملاء ، لكن المشكله انى مش عارف ازاى اروح سوق الجمعه من موقف العاشر انا اعرف ان سوق الجمعه فى الحى العاشر فى مدينة نصر بس برضه مش عارف يعنى اركب ايه من موقف العاشر هل فيه هناك مواصلات مباشره مثلا ولا اركب مواصله لحته ثم منها للحى العاشر
فيه ناس قالتلى اركب لحد الالف مسكن وهناك هتلاقى عربيات الحى العاشر بس المشكله هما مش متاكدين اذا كانت العربيات دى بتعدى على السوق ولا لا
لو الناس هنا تعرف ياريت يشرحوا للغريب اللى زيى ازاى يوصل

لا مشبتعدي انت ح تنزل منها موقف العاشر القديم
ومنه اركب اي ميكروباس قوله سوق السيارات
الحكايه كلها محطتين تلاتة من محطات الاتوبيس

**Khaled_Nowaihy** · 25-09-2010 08:42 PM

المشاركة الأصلية كتبت بواسطة adelmof40

لا مشبتعدي انت ح تنزل منها موقف العاشر القديم
ومنه اركب اي ميكروباس قوله سوق السيارات
الحكايه كلها محطتين تلاتة من محطات الاتوبيس

لا يا باشا ... موقف العاشر اللى بيقول عليه ده فى مدينة السلام ... مش موقف الحى العاشر بتاع مدينة نصر
هو فى الغالب زى ما قال ... ميكروباص من الألف مسكن للحى العاشر وهو مش بيعدى على سوق السيارات
لكن ممكن من الحى العاشر يتمشى لمنطقة السوق حوالى 1 كم

**mida11** · 27-09-2010 11:48 AM

ياباشا انت كده كده لما تيجي القاهره ان شاء الله هتنزل يا في رمسيس يا عبود لو نزلت رمسيس هتلاقي ميكروباصات بتقول الحي العاشر وخالي بالك الحي العاشر مش موقف العاشر لان دا مكان ودا مكان تاني خالص بس ترقب الحي العاشر وقل للسواق نزلني لاقرب مكان لي سوق السيارات وهو هينزلك وهتمشي شويه صغيره ولو نزلت عبود اركب مكروباص لي رمسيس وبس وتيجي ان شاء الله بالسلامه وانا رايح الجمعه ان شاء الله

**تامر.محمد** · 27-09-2010 03:01 PM

من موقف العاشر ( بتاع مواصلات العاشر من رمضان لو انا فهمت صح) , خد اي ميكروباص ماشي على الدائري في اتجاه المعادي و انزل عند اكاديمية الشرطة (اكاديمية مبارك) , و من هناك خد مواصلة لسوق السيارات