بسم الله الرحمن الرحيم
أرجو الإفادة:
عايز أشتري عربية هيونداي Elentra 2006 كاملة بحالة الزيرو فابريقة بالكامل.
لو حد عنده عروض يرد في الموضوع ويبين السعر والامكانات و الصور اذا وجد. ولكم جزيل الشكر.
عرض للطباعة
بسم الله الرحمن الرحيم
أرجو الإفادة:
عايز أشتري عربية هيونداي Elentra 2006 كاملة بحالة الزيرو فابريقة بالكامل.
لو حد عنده عروض يرد في الموضوع ويبين السعر والامكانات و الصور اذا وجد. ولكم جزيل الشكر.
وانا كمان ارجوكم
motoxp
ممكن اعرف اخبار السيينا مع حضرتك ايه كويسة ولا وايه نظامها
وشكرااا .......... معلش انا عارف اني خارج عن الموضوع
انا بعتها من شهر ونصف بعد 3 سنين سواقة
هى عربية جميلة مش واسعة اوى والتكييف فى الحر متوسط بليل ثلج
ولاكن موتور جبار وثبات متوسط وباورحكاية
كمجمل عربية حلوة جدا
على فكرة قطع الغيار متوفرة و مفيش موضوع السخونة معايا بس خلى بالك من البارومة
شكرا جزيلا على الردود
واتمنى من حضرتك تقولي بعتها بكام؟؟؟
السلام عليكم ورحمه الله وبركاته
طبعاً السعر حسب الحالة ونوعية الفتيس (عادى/أوتوماتيك). بس الموديل دة عن تجربة سعرة من 62-68 ألف
أنا بدلت عربيتين من الموديل دة من جمالة !!!! تخيل... و بعت العربية الأولي اوتوماتيك ب 65500 جنية
هو فىه من الموديل دة دفعة خليجىى وفيه بتاعة غبور... الفرق بينهم هو الأريال بتاع الراديو... غبور بتنزل بأريال يمين وراء... بينما الخليجى الأريال فى لمبة الأشارة اللى فى الزجاج الخلفى...
انصحك تدور كويس على اشخاص بيبعوا العربية دى ولا تلجأ ابداً الى التجار علشان ما تندمش.
تكيفها متوسط فى الشمس زى باقى العربيات اللى فى سنها لكن بالليل ثلج.
تجميعها بطئ على السرعات الواطية بس بعد كدة بتفتح وبتبقى متوحشة !!!
شوية بتستهلك بنزين... وصالونها شكلة خطير...
شنطتها واسعة جداً ... ممكن تنام فيها ... بتفكرنى بالأمريكانى ...
قطع غيارها مش غالية خالص...
شكلها عصرى ومش محتاجة ترويش كتير و دة بحسب ذوقك...
أتوكل على الله فوراً اذا لقيت عربية سليمة من الموديل دة... بس اكشف عليها كويس عند سمكرى من طرفك...
إذا عايز كتالوج الموديل دة ... متوافر عندى ... أطلب بس...
وربنا يوفقك ... قول آمين...
العربيه حلوه بس بيتطلب فيها اسعار خياليه بلنسبه لموديلها
بشوف ناس طالبين 75 و 80 الف فيها
واحد قريبى جابها مانوال فبريكا بلكامل عامله 105 الف كم صيانة توكيل ب 68 الف !!!!
في عربية للبيع فقسم هيونداي