عندي استفسار صغير في لانوس 2

**waelfish** · 25-09-2010 10:08 PM

انا لسه متعلم السواقه من 4شهور والحمد لله بس انا عملت حجات غلط والعربيه اتحكت من تحت مره في الجراج وانا طالع جريت راحت مخبوطه من تحت ومره جت في طوبه ومره وانا بحطها في الجراج في حته عليه اول لما عديت اول عجله راحت مخبوطه من تحت هل ده غلط ولا مش حتاثر في حاجه بس انا دلوقتي بقيت بتفادي الاحطاء ديه ياريت تطمنوني بس العربيه معملتش حاجه بس انا قولت اطمن

**محمد الشامي** · 25-09-2010 10:15 PM

معظم العربيات اللانوس بتحك في المطبات العاديه , والحكه دي بتيجي غالبا في علبه الشكمان , الا لو المطب غير مستوى من بعض اماكن والحكه ممكن تيجي في بطن العربيه نفسها

اهم حاجه لازم تبعد عن اي مصدر احتكاك ممكن يجي في وسط العربيه او جنب العجل , لان ده ممكن يطول قطعه معينه بعينها وتكون الاضرار كبيره (كارتيره زيت , او مقص او كوبلن او او او او)

وطالما العربيه ماشيه ومفيش اي مشكله يبقا الحمد لله الاحتكاكات دي جت معاك في الاماكن العاديه (علبه الشكمان او جسم العربيه)

**waelfish** · 25-09-2010 11:06 PM

طي انا دلوقتي ايه الصيانه اللي اعملها للعربيه بنفسي وكل اد ايه واعملها ازي اصل انا جديد في العربيات وعاوز اتعلم اذي اعمل صيانه بنفسي يعني حاجه تتنظف او حاجه تتظبط

**احمد المصرى** · 26-09-2010 07:41 AM

المشاركة الأصلية كتبت بواسطة waelfish

طي انا دلوقتي ايه الصيانه اللي اعملها للعربيه بنفسي وكل اد ايه واعملها ازي اصل انا جديد في العربيات وعاوز اتعلم اذي اعمل صيانه بنفسي يعني حاجه تتنظف او حاجه تتظبط

اكبر غلط لانك مش فاهم واكيد هتكلف نفسك كتير من الحجات ال هتبوظها

اعطى العيش بخبازه ومع الوقت هتتعلم ان شاء الله

بس انت مقلتش بيانات السياره موديل كام وماشيه كام كيلو وانت غيرت فيها ايه لما جبتها

**mr_kenawy** · 26-09-2010 06:10 PM

الموضوع ده مش مكانه قسم الدايو؟

**محمد الشامي** · 26-09-2010 08:06 PM

المشاركة الأصلية كتبت بواسطة mr_kenawy

الموضوع ده مش مكانه قسم الدايو؟

هو بالفعل كان في قسم الدايو , لكن الموضوع في البدايه كان بيدور حول احتكاك السياره بالمطبات والاماكن المرتفعه من الاسفلت (و ده وارد في اي عربيه , مش شرط اللانوس بس) واظن ان ده سبب نقله للقسم هنا , لكن بعدها الموضوع بدأ يتكلم عن صيانه العربيه نفسها , وبصراحه كده يبقا المفروض يرجع قسم الدايو تاني :-)

بس في حاله رجوع الموضوع لقسم الدايو تاني فياريت يتم حذف مشاركتي دي عشان الموضوع شكله ميبقاش وحش , وده بناءاً على رغبتي :-)
انا معنديش اي مانع في حذف مشاركتي دي :-) حفاظاً على شكل الموضوع