يابني فكك من الغم ده اللي يراقب الناس وكلامهم مش هيسلم من الهم
أحسن حاجة التنفيض استمر في حياتك ولا كأنك سامع حاجة وسيبها على ربنا
عرض للطباعة
يابني فكك من الغم ده اللي يراقب الناس وكلامهم مش هيسلم من الهم
أحسن حاجة التنفيض استمر في حياتك ولا كأنك سامع حاجة وسيبها على ربنا
حسبنا الله ونعم الوكيل
الناس هستينك اساسا فكرين ان الصيدليه بتاعتك بتجيب 100 الف جنيه على الاقل شهريا وانت مش تعبان فى حاجه ممكن تقول عقده نقص بس بجد ربنا ينتقم منهم علشان البنت المسكينه دى
ممكن تكلم الشيخ بتاع الجامع واكيد هو شيخ محترم وبتاع ربنا وقله يخلى الموضوع دا فى خطبه الجمعه القادمه علشان يلوم الناس ويعلمهم الغلط فين ويمكن يكون عندهم دم
وحاول تقعد مع خطيب البنت وان شاء الله يبق عاقل ومش يسمع كلام الناس ولاد الكلب دول
تصدق ان انا بجمع عن موضوع الخوض فى الأعراض ده لأن الموضوع منرفزنى عندنا فى المستشفى رغم انها مستشفى كبيييييييييييرة جدا واحنا ولا أرياف ولا حاجة متفشى زى النار فى الهشيم ولا بيفرق معاهم متجوز ولا عازب بقى
على الأقل عندك يمكن بيفكروا (انا مش بلتمس لهم العذر طبعا ولا بقول ان عندهم ادنى حق انا بوضح الفرق الفظيع بين صيدليتك والمكان اللى انا بشتغل فيه عشان تعرف ان الموضوع اكبر مما تتخيل)
عندك ممكن تكونوا فى الصيدلية لوحدكوا اى نفسية مريضة هتفكر دول دخلوا المعمل لوحدهم على الأقل خلوها عرفى وعشان برضه تركز اى حد بيبقى فيه حاجة او جواه نفسه تجيله فرصة يعمل حاجة بيفتكر كل الناس زيه ولا يمكن لا يمكن يصدق او يستوعب اصلا ان فى نفس بريئة او قد لا تخطر لها افكار السوء طالما هو نفسه كده عشان كده لازم الأنسان يتقى الشبهات على قد ما يقدر
عندنا فى المستشفى بقى لازم تخللى بالك حتى من اى تصرف برىء والحمد لله ان معظم تعاملاتنا نساء فى بعض
لكن بيوصل لى كل الكلام الفظيع والفضايح اللى شغالة
منها ان حكيمة كنت على علاقة كويسة بيها ومتأكدة من اخلاقها بس هى بشوشة زيادة حبتين واتكلمنا فى الموضوع ده كتير وفعلا جه فوق دماغها هى متجوزة ومخلفة وعندنا دكتور برضه متجوز ومخلف والأتنين محترمين جدا لمجرد انهم مسكوا مع بعض فى نفس القسم بدأ الكلام ووصل انهم قالوا انهم شافوهم نازلين من شقة مع بعض وولاد الحلال تطوعوا طبعا يقولوا لجوزها بس جوزها بقى طلع راجل عاقل وعارف مراته كويس
طبعا لما المكيدة فشلت مسكتوش اتفقوا مع واحد وقالوا له دى مش محترمة ولازم نرفدها من المستشفى وكانت سهرانة قالوا له استدرجها فى مكان كده منعزل وهيعملوا فضيحة ويمسكوها طبعا لما كلمها بمياعة وطلب منها تروح هزقته فبعد كده اتأسف لها وحكى لها على الموضوع والمشاركين فيه
وحكيمة تانية برضه محترمة جدا ومتدينة وكانت مخطوبة لزميل لينا والحقيقة كانت بتحبه جدا جدا وهى كانت مخطوبة قبله وخطيبها السابق كان بيحاول يرجع لها وحكت لى
المهم طلبها وهى فى السهر وزعقت له وقفلت السكة فى وشه
بتاع السويتش الخدوم طلع بيتصنت على المكالمات بس مش معقول هينقلها بالنص لازم من الفلفل والشطة
قال لخطيبها الحالى انها بتسهر طول الليل فى حب وهيام مع القديم وطبعا سابها
لو حكيت لكو هى انهارت قد ايه مش هتتخيلوا
لكن ربنا ظهر الحقيقة وما شاء الله رجع لها واتجوزوا و معاها طفل منه دلوقتى
وهنروح بعيد ليه طبعا كل الصيادلة زمايلنا مسافرين وكلنا من الجنس الناعم واحد رجع ومعاه عربية وساكن جنب واحدة زميلتنا وعايزة ترجع لولادها بسرعة وهو متجوز ومخلف برضه بتركب معاه اهلا وسهلا
والعاملة اللى عندى طبعا الطلبيات صعبة جدا على واحدة ست لوحدها لأن كراتين المحاليل التقيلة ممكن طلبية بال 70 كرتونة مع مثلا 20 كرتونة جراكن بيتادين التقيلة بتحملها تحت وترجع تفضيها فوق
وهى مضطرة تشتغل الشغلانة الصعبة دى عشان تساعد جوزها فى الصرف على الولاد لأن ايجار الشقة بس 350 جنيه و 3 ولاد ده غير انها بتشتغل فى فرن عيش لغاية الفجر تخيلوا المجهود وكده كده لازم اطلب طلبيات امال اصرف للعيانين منين
فى نفس الوقت اللى زمايلها الرجالة احيانا كتير بيبقوا فاضيين ومبيعملوش حاجة بس هم اتعودوا من زمان ان كل واحد حسب توزيعته وهو ونصيبه
فواحد منهم لما عرف ظروفها ومتعرف على جوزها كمان بدأ يساعدها فى الطلبيات الجامدة دى بس طبعا الكارثة حصلت الكلام مهياش عارفة تلمه ازاى وبرضه وصل لجوزها ورئيس العمال حقق فى الموضوع وهى نفسيتها زى الذفت ومعدش بيساعدها لا هو ولا غيره
كان الناس دى عمرها ما قرأت
"ان الذين يرمون المحصنات الغافلات المؤمنات لعنوا فى الدنيا واالآخرة ولهم عذاب عظيم 23 يوم تشهد عليهم السنتهم وايديهم وارجلهم بما كانوا يعملون24 يومئذ يوفيهم الله دينهم الحق ويعلمون ان الله هو الحق المبين 25 سورة النور"
ولو الأحكام الشرعية بتتنفذ من جلد وخلافه مكنش كل ده حصل
نفس اللي انا كنت هاقولو..........ماحدش لي عندي حاجة وربنا اللي شاهد
وطظ في الناس دي كبر دماغك علشان دي حوارات ناس فاضية والراجل يجي يقولي الكلام في وشي واللي يقوم الكلام من ضهري ده يبقي ...........ولا بلاش
وشوف بكرة ربناهايعمل فيهم ايه
ربك يمهل ولا يهمل
كبر الجمجمة علشان تعرف تعيش
اولا بلاش الكلام ده مفيش احسن من ربنا الي هيحل كل الامور وبعدين الناس بتتكلم هي ده طبيعتهم بس اكيد برده انت ليك دور للكلام يعني لو انت كويس في تعاملاتك مع الناس والناس عرفينك كويس وعرفين كل شي عنك الكلام اكيد هيقل وانصحك انك تعجل بارتباط علشان الكلام يقل وتحاول تكلم عريس البنت ده وتصلح الوضع بينهم لانك سبب فسخ الموضوع ولو شغلها معاك هيضرها بلاش منه خالص ربنا مش بينسي حد ده الي انا شايفة وحاول تقرب من ربنا عسي ان يصلح الله لك كل اموركاقتباس:
أنا زهقت من كلمة "حسبي الله ونعم الوكيل"
لا حول ولا قوة الا بالله العلي العظيم
ادعي دعاء سيدنا أيوب عليه السلام
فى حل يمكن يجيب نتيجة لو ليك صاحب ظابت شرطة خلية يزورك مرة ويعملك سيط فى النطقة انك مسنود من الشرطة حتلاقى الناس بعد كدة تعملك الف حساب
للأسف هو ده اللي 90% من الناس فالحة فيه .. انهم يبصوا على غيرهم بيعمل ايه وينموا ويرغوا في سيرة غيرهم وده من الفضى والملل. ولو يعرفوا النم وقذف المحصنات ده عقابه ايه عند الله ما كانوش يعملوا كده. ربنا يهدي الجميع.