للمتزوجين فقط

**Ghamrawy** · 18-03-2008 05:06 PM

المشاركة الأصلية كتبت بواسطة Goodle

وغلاوتك عندي يا ميجو.. بتبقى شافت الفيلم 3 (أديني كتبتها بالحروف كمان ...ثلاث) مرات قبل كده، وبرضه بتتفرج على الفيلم بكل التحفز والإثارة.. زي ما يكون البطل ناوي يغير رأيه المرة دي ويعمل حاجة جديدة في الفيلم :) :) :)

ربنا يخليلنا نايل موتورز.. مونس وحدتنا.. والله يخرب بيت "حريم كريم" و "السلم والتعبان" وأم الأفلام اللي مش هاتقدر تغمض عينيك منها :) :)

يااااااااااااااااااااااه اخيرا عرفت انى مش لوحدى فى العالم اللى بعانى من المشكلة دى !!! دى حاجة تغيظ و لو انت عايز تتفرج على فيلم اجنبى و مش جاى على مزاجها تبتدى تظهر مهارات التشتييت زى الكلام فى التليفون بصوت عالى ،تنظيف،استعراض نغمات الموبيل و غيره و غيره وغيره
ربنا يخلى نايل موتورز راحمنا من وجع الدماغ ده كله

**Goodle** · 18-03-2008 05:15 PM

المشاركة الأصلية كتبت بواسطة gemino

يااااااااااااااااااااااه اخيرا عرفت انى مش لوحدى فى العالم اللى بعانى من المشكلة دى !!! دى حاجة تغيظ و لو انت عايز تتفرج على فيلم اجنبى و مش جاى على مزاجها تبتدى تظهر مهارات التشتييت زى الكلام فى التليفون بصوت عالى ،تنظيف،استعراض نغمات الموبيل و غيره و غيره وغيره
ربنا يخلى نايل موتورز راحمنا من وجع الدماغ ده كله

إيه ده !! دا إحنا نسايب على كده بقى ؟؟ :) :) :)

**Ghamrawy** · 18-03-2008 07:16 PM

المشاركة الأصلية كتبت بواسطة Goodle

إيه ده !! دا إحنا نسايب على كده بقى ؟؟ :) :) :)

أكييييييييد :)

**ramyfawzy** · 19-03-2008 02:44 AM

ميييين اللى قال ان فيه خرس زوجي
ده في كلام كتيير جدا بيتقال
بس يدوبك هما ساعتين ولاحاجة
يعني لما اخش البيت الساعة 7 او 8 بعد معركة الرجوع من العمل تفتكروا كلام ايه اللى ممكن يتقال:
حمد الله على السلامة
اعملك الغدا
اخبار يومك ايه
بالهنا والشفا
تشرب شاي
تصبح على خير

وطبعا بعض الحوارات الجانبية مع احمد بيه اللى مابيعجبوش العجب ولا الصيام في رجب

المشكلة هنا ان الموضوع بيتطور وهيبقى صمم زوجى وليس خرس
ودمتم بخير وسعادة

ملحوظة : اكتشفت ان الواحد مننا ممكن يعمل حوار ظريف مع عربيته ويقضى فيها وقت اكتر من اللى بيقضيه في البيت
ودي هتبقى الزوجة التانية بس مع الاختلاف الرهيب طبعا
العربية بتسمع بس ما بتردش عليك ولا بتناقشك

رامي (ابو احمد)
(وكمان كام شهر التوقيع هيتغير بأمر الله)