للمتزوجين فقط

18-03-2008 11:45 AM

بسم الله الرحمن الرحيم

الخرس الزوجى الموضوع دا موجود بينا كتير قوى
ومع ذلك ما حدش فكر فى اسبابه او فى علاجه
الزوج والزوجه اصبحوا غرباء تحت سقف واحد
تفتكروا بالله عليكم ده الا امرنا بيه ربنا سبحانه وتعالى ووصانا عليه الرسول(ص)

ما تيجوا نتكلم شويه فى الموضوع ده لعله وعسى نعرف نوصل لحل فيه
يرضى ربنا ورسوله(ص)ويرضينا احنا كمان

**Karim_Monir** · 18-03-2008 11:56 AM

نيييييييييييهههههههههه
انت بتتكلم جد ولا بتهرج
دي احد اركان البيت المصري المعاصر
الخرس الزوجي
كفاية العيال والتليفزيون والكمبيوتر بيتكلموا
يبقي احنا كمان
مالقيش معاك قرصين بنادول وحياة والدك اصلي دماغي هاتتفرتك من الواد بيدو
:p:p:p:p:p:p

**aif** · 18-03-2008 12:22 PM

المشاركة الأصلية كتبت بواسطة OmMalek

بسم الله الرحمن الرحيم

الخرس الزوجى الموضوع دا موجود بينا كتير قوى

ومع ذلك ما حدش فكر فى اسبابه او فى علاجه

مرحبا بك في المنتدي .. والله احنا بنفرح لما بنلاقي عضوات جدد ...
بالنسبة للموضوع انا رأيي ان التلفزيون احد اهم اسباب الخرس الزوجي .. ممكن نجرب لما الزوج يبقي في البيت نغلق التلفزيون .. بدل ما الزوج والزوجة ينظروا للشاشة ويستمعو للتفزيون ح يتكلمو مع بعض وبيصو لبعض
انا ساعات باعمل كدة والفكرة بتنجح غالبا
النقطة التانية هي حسن الاستماع من كل طرف للطرف الآخر .. لأن اي حد لو وجد ان اللي معاه بيسمع كلامه بدون اهتمام أكيد مش ح يستمر

مرحبا بك مرة اخري ومبروك .. بقي لكي 6000 اخ واخت

18-03-2008 12:32 PM

متشكره جدا يا استاذ احمد
وفكرتك حلوه قوى
واهو ادينا بنحاول نحل حاجه مابتتحلش على رأى استاذ كريم

**Karim_Monir** · 18-03-2008 01:04 PM

المشاركة الأصلية كتبت بواسطة Migo123

الميزه في التلفزيون انك مبتبقاش عارف نهايه الفيلم ........ نهايه رومانسيه سعيده
ولا نهايه دراميه كئيبه ............ ولا نهايه بدون معالم

انما لو قفلت التلفزيون فغالبا هتبقى عارف النهـــــــــــــــــــــ ــــــاية

نييييييييييييييييهههههههه ههههه
وقعتني في الارض من الضحك

**Abdm** · 18-03-2008 02:27 PM

العلاج السحرى لحل المشكلة دى هو قفل التليفزيون وتقليل الجلوس أمام الكومبيوتر
بقدر الامكان فى المنزل وخاصة حط مائة خط تحت التليفزيون يجب غلقة أثناء جلوس الزوجين مع بعضهما

**Akram** · 18-03-2008 04:52 PM

دليل المرأة الذكية لعلاج الخرس الزوجى
===================
يقول الناس عمن تزوج إنه " دخل دنيا " فعليك أن تكونى لزوجك دنيا رحبة الآفاق يكتشف فيها كل يوم جديداً يجعله مبهوراً و لا يستطيع أن يمنع نفسه من التعليق على هذا الإكتشاف الرائع.. المرأة ليست جسداً فقط.. بل هى روح وعقل وقلب أيضاً.. فاجعلى الروح تشع من نورها فتملأ حياة زوجك نوراً يراك فى ضوئه.. وليكن إيقاع قلبك متناغماً مع إيقاع قلبه .. وليكن عقلك خلاقاً للفكر وليكن هناك دوماً تبادل للأفكار - Feedback - ورؤية لأى أمر حتى ولو كان قديماً من زاوية جديدة.. وداومى على الأدوية التالية يومياً وسيزول الخرس بإذن الشافى النافع الذى يؤلف القلوب و الأرواح
** 3 حبات من المضادات الحبية للنكد.
** 3 حبات من مركب صافى الود والحنية.
** 3 حبات من محلول التماس العذر للآخر.
** 3 حبات من مقويات الرفق بالزوج ولا يكلف الله نفساً إلا وسعها ولا غنى إلا الله سبحانه. مع استخدام اللغات الأخرى لغة الدلال و لغة العيون ولغة ألإشارة ولغة الجسد.. واعلمى أن العين نافذة الروح فاجعلى الزوج يطل على جنات روحك المترامية الأطراف ويتمتع بالنظر إلى قطوفها الدانية و بالأصالة عن نفسى ونيابة عن الأخوة الرجال أقول : لامعنى للحياة بلا امرأة إلى جانب الرجل وأنتن نسمة الصيف التى نترقبها بشوق.. والنجم الهادى فى بيداء الحياة.
========
منقول.

-

-

-

الموضوع: للمتزوجين فقط

LinkBack

أدوات الموضوع

عرض

-

-

-

-

المواضيع المتشابهه

للمتزوجين فقط...الشجعان فقط..لو رجع بيك الزمان؟

للمتزوجين فقط حست ايه لما مراتك قلتلك انا حامل

للمتزوجين فقط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مقارنه للمتزوجين فقط

سؤال هام للمتزوجين فقط

الكلمات الدلالية لهذا الموضوع

المفضلات

المفضلات

ضوابط المشاركة