حد سمع حاجه عن الشركه دي ؟؟؟
و الأرباح الخياليه اللي بتعملها ؟؟
أنا كنت مع شاب قريبي و لما لقيت معاه قرشين .. سألته من أين لك هذا ؟؟ قعد يشرحلي شويه .. بس في الأخر حسيت أني تايه
عرض للطباعة
حد سمع حاجه عن الشركه دي ؟؟؟
و الأرباح الخياليه اللي بتعملها ؟؟
أنا كنت مع شاب قريبي و لما لقيت معاه قرشين .. سألته من أين لك هذا ؟؟ قعد يشرحلي شويه .. بس في الأخر حسيت أني تايه
نفس الحوار و الله كأنك بتقرأ أفكاري كنت عايز أعمل موضوع عن الحكاية دي
لأن الحكاية دي منشرة جدا اليومين دول عندي في طنطا
الحكاية و ما فيها أنها شركة توزيع و تسويق منتجات
و حضرتك بتشتري منتج من عندهم و بعدين تخلي 2 أصحابك يعملوا نفس الموضوع و هكذا و لما تجمع 6 أشخاص متفرعين منك 3 يمين و 3 شمال بيدفعولك 250 دولار لأنهم بيحسبوا على كل ستة ب 250 يعني مثلا لما يكون متفرع منك 18 واحد بيدفعولك 750 دولار
الموضوع دة مكنتش مقتنع بيه لحد ما لقيت الناس كلها داخلة فيه هنا و فيه ناس قبضت فعلا و انا أتاكدت فعلا
الشركة دي بتبيع ساعات و مجوهرات
أقراص بتعمل حاجات كدة زي اسورة سابونا دي
شركة سياحية بتعمل رحلات لأماكن مختلفة
شركة اسمها inVoice بتاعت اتصالات
شركة تانية بتعمل ميداليات دهب و بتوزع المنتجات الخاصة بكأس العالم
أقل سعر لحاجة عندهم 620 دولار يعني بتدفع في الإجمالي 4050 جنيه علشان تشترك في الموضوع دة
سمعت عنها قبل كده من واحد كان معايا فى الشغل و كان بيقول شعر فيها.
بس موضوع ال network marketing أنا فاكر ان كان فيه فتوى بتحريمه لأنه بيوصل لمرحلة معينة اللى مشتركين جداد فيه مش بياخدوا ولا أبيض و لا أسود علشان بيكون وصل لنقطة تشبع.
و الله أعلم
كان ليا تجربة ف الnetwork marketing مع شركة اسمها tiens
وبصراحة قفلت اوي من الموضوع ده
بالنسبة ل tiens منتجات تعبانة باسعار عالية جدا
ده غير كدب المحاضرين اللي بيكلموا عن الشركة
يعني مثلا اتعملي دعوة للشركة ورحت اشوف ايه النظام ولقيت المحاضرين اد ايه بيشكروا ف الشركة وانها واخده مركز اول ف ال mlmia
وبعد مدفعت الفلوس وبعديها بكام شهر حسيت ان المشاكل زادت وناس كتير انسحبت
ف روحت اكلم مع المحاضر لقيتو بيعملي دعوة لشركة quest قولتلوا مش حضرتك قولت ان tiens واخدة مركز اول قالي يا باشا ده كلام عشان الشغل
انا سمعت الكلمة ده وكان نفسي اولع فيه ومن ساعتها قفلت م المجال ده خالص
انا معرفش ايه نظام quest بالظبط اللي اعرفة انهم بيشتغلوا ف الدهب و الفضة والمنتجات هناك غالية ف مش سهل اي حد يدفع تعملوا دعوة ويدفع 4500 جنيه بسهولة
انا حبيت احكي تجربتي مش اكتر
شكرا علي المعلومات ..
كلام مظبوووط
ماشي جامد أوي اليومين دوووول
بس quest من النت حسيت أنها شركه عملاقه
صديقى فالشركة دى وسافر ماليزيا وحضر مؤتمر هناك وكان موجود هناك وفود من جميع أنحاء العالم حتى الجزائر والمصرين اتصوره مع الجزائر والجزائرين اتصورة مع العلم المصرى وشوفت فديوهات ....الموضوع ضخم جدا جدا ..........
صحبى ما شاء الله دلوقتى الموضوع ده فارق معاه اوى ......وفى ناس مشاهير مصرين فالبزنيس ده كتير .......
لو حبين تسألة اى سؤال اسأله وانا هجبلكم الاجابه ....هو قادر يرد علية بمنتهى الوضوح ....وفى موضوع هنا بيتكلم عن الشركة دى
انا أعرف أن أول واحد دخل في الموضوع دة في مصر فاضل له على الهدف المالي اللي هو 3000 دولار في اليوم مكسب حاجة بسيطة
لأنه بيجي عندنا طنطا يوم السبت من كل أسبوع بيعمل لقاء مجمع لكل الناس اللي شغالة في الشغل دة
ارجوكم ارجوكم ارجوكم
اوقفوا المهازل اللى بتحصل في بلادنا دي
الشركات دي بعد سنه واحده بتختفى من السوق بعد ما تاخد اموالنا
فى شركه صينيه فتحت فى مصر اسمها شنيلا
بتشتري منتج عبيط ب 1200 جنيه و يقولك دا للمساج و الهبل و يتعمل نفس السيناريو
و فتحوا اكتر من فرع فى المعادي و مدينة نصر و بنها
و بعدها بكام شهر اختفوا تماما تماما
وللاسف انت بتدبس اصحابك اللى واثقين فيك
والشركه بتنصب عليك و تختفى
فاكرين بزناس
حد يعرفلها خرم ابره دلوقتي ؟؟
كانت اكبر شركه فى مصر من 12 سنه و طلعلها فتاوى و شيوخ و حركات ودلوقتى ولاااا الهوا ولا حد فاكرها اصلا
كويست نت لما لقيت الموضوع انتشر كدة عملت بحث عليها على النت و الشركة شغالة من 1998
و منتجاتها بتباع كمنتجات فردية
واحد صاحبي داخل في الحوار دة و كان شاري ساعة منهم و كان في اسكندرية في كارفور فحب يفصل الساعة و يعرف عاملة كام دخل محل و الراجل هناك شافها و قاله عاملة حوالي من 5 ل 6 آلاف و الراجل كان عايز يفتح الساعة علشان يشوف الماكينة بيقوله ممكن تجيب أكتر
دة غير إن نظام ال iN VoICE دة موجود و فيه ناس بتشتريه فعلا و والد واحد صاحبي اشتراه علشان عنده أعمال كتيرة و بيستخدم التليفون كتير
شكرا علي التفاعل و الموضوعات ..
بس لو حد يعرف أكتر عن Invoice ??
يا جماعه انا باشوف كمية المبيعت اللى بتتشحن يوميا لمصر من عند الشركه دى ومعظمها منتجات ليست اساسيه فى حياتنا يعنى لما الناس تبعت تجيب ساعات لقل ساعه ب 600 دولار تخيلوا كمية العمله المحوله من بلدنا للخارج فى اشياء لا تثمن ولا تغنى من جوع
حسبنا الله ونعم الوكيل فى ناس مش لاقيه تاكل
السلام عليكم
دي اسمها بالإنجليزي Pyramid Scheme / Scam
يعني عملية نصب هرمية
و كانت موجودة زمان حتي بدون بيع و لا شراء
يعني اشترك ب 10 دولار و هات كام واحد يشترك ب 10 دولار الفرد و لما توصل مش عارف كام واحد تحت منك تبتدي تقبض
و المنتجات اللي بيبيعوها غالبا كلام فاضي و حاجات غير اساسية و بالتاكيد باغلى من سعرها
و اكتر واحد او مجموعة بتكسب هم اللي على او بالقرب من قمة الهرم
اما اللي بيلبس في الحيطة هم اللي في القاع لما ما يعرفش يلبس العمة لناس غيره
و اعتقد انها حرام في حرام حتى بتشغيل المخ و بدون فتاوى
بيقولوا الأمريكان
" If it is too good to be true...........It is too good to be legal"
الموضوع ده كان منتشر فى امريكا
أصحابي سألوا أكثر من شيخ و سألوا في دار الإفتاء علشان يتأكدوا أنها حرام و لا لا
و على فكرة الكلام دة منتشر في السعودية من حوالي 4 سنين
و بالنسبة للقاعدة الهرمية فعدد المواطنين في مصر حوالي 80 مليون منهم 40 فقراء و الباقي طبقة متوسطة و أعلى
فلما 10 آلاف واحد مثلا يشتركوا في النظام دة كل سنة يبقى لا أعتقد أنه هيبقى فيه طبقة هيقف عندها الموضوع
اما بالنسبة لحكاية ال 10 دولار و الكلام دة طبعا نصب في نصب و كمان صادفت حاجة تانية من النظام دة
كان ايميل أو جواب بيوصلك فيه 5 عناوين بتحول لكل واحد فيهم دولار و بعدين تمسح أول عنوان في القائمة و تكتب عنوانك و تبعتها لأصحابك و معارفك و الناس اللي تعرفها
طبعا كان حوار ملهوش لازمة من الآخر
اة و بالمناسبه البتاع بتاع شنل دة اللى كان ب 1200 جنيه بيدلولو عليه ب50 جنيه و ب 100 جنيه
ال InVoice من حوالي سنة كدة من قبل أصلا ما أعرف الحكاية دي واحد صاحبي قالي أن والده بحكم أشغاله الكثيرة و بيستعمل التليفون كثير اشترى برنامج على الموبايل بيخفض ثمن المكالمة 80 % للدولي و مكنش يعرف ايه دة و أنا أصلا مكنتش أعرف ساعتها إيه دة لحد ما سمعت حوار الشركة اليومين دول و سمعت عن ال invoice
و كمان لو فيه حد عنده نفس النظام بتكلمه ببلاش في أي مكان
بس تفاصيل النظام لسة مش عارفها
افتكر كان في موضوع في المنتدي هنا عن الموضوع ده وكان بيقول انه نصب في نصب بس مش متاكد قريته هنا ولا في مكان تاني بس ياريت لو حد عرف يجبله لينك بحطه
أنا برضه قرأت حاجة زي كدة و عايز أعرف هي فين
كان عبارة عن موضوع صاحبه كاتب تأثير الامر دة على أي حد بيشترك فيه
مشاركة متميزة من حضرتك فيها توصيف دقيق، وأحب أضيف بعض الخواطر ..
من منتجات الشركة:
- سلسلة تنفيس الطاقة السلبية اسمها chi pandet تقريباً
- قاعدة لتحسين نوعية المياه (تحط الكوباية عليها المياه تبقى أحلى !!)
- شوية موبايلات وأجهزة لا تتجاوز قيمتها الفعلية نصف ما يتم دفعه (600$ وطالع)
قرأت مقدمة مجلة كويست فيها صورة بنت أمورة كدة عن كويست وأهدافها .. كان كل كلامها (الموجه لأعضاء الشبكة) عن أهمية حفاظهم على نمط الحياة life style الذي وصلوا إليه عن طريق نشاطهم وتحسين حياتهم !!!
يعني هدف الشبكة أن العضو "يلبس العمة" لأكبر عدد من الناس (اللي هايكونوا أعضاء برضه) عشان يحافظ على دخله !!!
نصب بس على واسع .. الأعضاء بتسافر لماليزيا ويحضروا مؤتمرات (على حسابهم الشخصي) ويجيبوا مطربين كبار ويلبسوهم الـ chi pandet عشان يروجوا للموضوع بين الشباب .. والموضوع شكله مغري يداعب أحلام طبقة جديدة من الشباب المرفه الساعي للكسب دون جهد ودون مبادئ.
تاو عندك حق في حكاية الشي باندت لأنها غير مقنعة و غير منطقية خالص