a113

**karimmeshoo** · 26-09-2010 01:50 AM

السلام عليكم ورحمه الله وبركاتو على كل الاعضاء نايل موتورز

انا عجبانى السياره الاسبرانزا a113
وسمعت كلام كتير على العربيات الصينى انا عايز اعرف من حضرتكم هل السياره a113
,هل العربيه فعلا وحشه زاى اما انا سمعت ولا لا يااااااااااااااااااااااار يت حد يرد عليا علشان انا عايزه اعرف عيوبها
وانا سمعت ال توكلها وحش انا اسف ال انا طولت على حضرتكم

وشكرا لكل اعضاء نايل موتورز

**medo_2060** · 26-09-2010 02:04 AM

حضرتك لو بحثتى هتلاقى مواضيع كتير فى المنتدى بتتكلم عنها وتقييمات لها... والعربيه معايا موديل 2009 الحمد لله انا مبسوط منها وشوفى لو فى استفسار معين انا تحت امرك...
بخصوص التوكيل كل التوكيلات فى مصر عليها كلام بس انا بتعامل مع عيسى فى المنصوره هو الاقرب ليا وكويس بصراحه

**egypt0777** · 26-09-2010 06:59 AM

انا مش حرد عليك بخصوص ال 311 خصوصا

بس حقلك عن الاسبرانزا عموما بما فيها ال 311 -- عشان العربية مش وحشه كعربية انما الوحش و السيء هو التوكيل

التوكيل سيىء سيىء لابعد الحدود

ولو كان معظم توكيلات مصر سيئة فهو اسوء من السوء نفسه

فعلا العربية تغور من وش ابو الفتوح -- ونصيحة ليك سواء اشترست اسبرانزا او لا

دور على التوكيل قبل الطريق حتى لو كانت العربية صنع فى بير السلم

ابو الفتوح اولا بيحط مكونات للعربية سيئة و مراقبة جوده فى التصنيع معدومة و خدمة ما بعد البيع بدون ضمير و سرقه

**youssefmustang** · 27-09-2010 01:14 AM

عربية كويسة وممتازة بالنسبة للكماليات اللى فيها بس عايزة شوية اهتمام زيادة وهتغير عفشة ومساعدين اول ما تجيبها غير كده مافيهاش عيوب استثناء لو التكييف عايز شحن بس

**maxxatta** · 27-09-2010 12:05 PM

انا معايا العربية والحمد لله زى الفل هى عربية حلوة بس مش بتاعت فحت وردم وانما عربية اسرة مصرية وبالنسبة للتوكيل سواء كان سئ ام لا فعندك كل مراكز الخدمة وحتى الميكانيكة بيصلحوا وقطع الغيار فى التوفيقي موجودة يعنى طظ فى التوكيل المهم العربية ممكن تتصلح برة وعفانا وعفاك الله من المشاكل والبلاوى
ولو عندى اى استفسار بخصوص العربية انا معايا موديل 2011 وسودا وصورها هنا فى المنتدى

**ALshahba** · 29-09-2010 12:49 PM

عيوبها:
1-سوء العفشه (ليس بالعيب الرهيب)
2-التكييف

**dr_mod** · 06-10-2010 05:51 PM

انا اشتريت العربيه a113سنه 2008 بعد مانزلت بكام شهر واستهلكتها 53000 كم في سنتين واربعه شهور وعن رأيي فيها عربيه ممتازه وبتاعه فحت وردم وموتورها قوي جدا وعزمها ممتاز ومساحتها هايله بالنسبه للعربيان اللي في فئتها وسعرها واستهلاكها للوقود فوق الممتاز وقطع غيارها موجوده في التوكيل وبره وسعرها اقتصادي ومراكز الخدمه كويسه بالنسبه لمراكز الخدمه عموما بس العربيه بايعه كتير جدا والضغط علي مراكز الخدمه يدي ايحاء بانهم مش كويسين بس مش لازم لما الواحد يروح مركز الخدمه المركز كله يقف علي رجل ليك ولو عملوا كده مع كل عميل هيحتاجو الجيش التالت الميداني يشتغل معاهم لو فيه استفسار معين انا موجود مظنش في حد يعرف حاجه عن العربيه دي اكتر مني والفضل لله اولا واخيرا

**egypt0777** · 06-10-2010 05:59 PM

المشاركة الأصلية كتبت بواسطة dr_mod

الضغط علي مراكز الخدمه يدي ايحاء بانهم مش كويسين بس مش لازم لما الواحد يروح مركز الخدمه المركز كله يقف علي رجل ليك ولو عملوا كده مع كل عميل هيحتاجو الجيش التالت الميداني يشتغل

شكرا على المشاركة الجميله --

وبكده يا جماعة لا زم نلتمس العذر لابو الفتوح عند عدم اصلاحه لاى عيب او شكوى فى عربياتنا الراجل لو فعلا اهتم بكل شكوى فى العربية يبقى حيخلص عربية واحده فى اليوم

لازم ياجماعة لما نورح مركز الخدمة نعمل الصيانات وندفع الفلوس و نمشى من سكات عشان منقلقش راحه الناس اللى شغاله فى مركز الخدمة

وكان الله فى العون ابو الفتوح اللى صابر علينا وعلى بلوينا

والله المستعان