رسميا على موقع كيا كوريا وحصريا للكياويه , سيراتو بموتور جديد 140 حصان وفتيس 6 نقلات

**M.almaghraby** · 26-09-2010 04:27 PM

لا استطيع الا ان انحني احتراما للكوريين

فعلا لو 140 حصان بالعزم دا و الاستهلاك دا يبقي جميل اوي

بس دا مفيهوش super charger او حاجة ؟؟

**mastr_n** · 26-09-2010 04:40 PM

موضوع مميز كالعادة من عضو مميز جدا بموضوعاتة الجامدة

بجد انا ماندمتش انى ركبت العربية دية

لدرجة انى هاشجع كوريا فى كاس العالم الى جاى

الناس دية مش عارف هايعملوا اية بعد كدة ممكن يخلوها تطير من على الارض ويحطوا مالتى فانكشن فى الطارة

يطلع جناحات

بس ماعتقدش ان الواحد يقدر على بنزينها دا انا معايا 1600 واستهلاكها عالى

**CosmicOne** · 26-09-2010 04:40 PM

مافيهوش اى شواحن

ديه تكنولوجيا اسماها حقن مباشر direct enjection

زرار ال Active Eco ده هيجنينى نفسى اعرف بيعمل ايه بالظبت

بس الخوف متنزلش هنا مصر علشان البنزين

**ALSHARIEF** · 26-09-2010 05:28 PM

المشاركة الأصلية كتبت بواسطة shouk_1987

ياعنى ايه العربية ceed مش فاهمك

الموديل إسمه ceed زى السيراتو و الكارينز و السيفيا و كده يعنى

**ALSHARIEF** · 26-09-2010 05:34 PM

حسام باشا.............. بص بعيد عن إن الموضوع جامد جامد جدى بس أنا مخاصمك............ ليه يا راجل كده إحنا بدأنا نقلب على عربياتنا و بقيت بفكر أبيع علشان خاطر بقيت بفكر فى العربية الحديدة ........... ليه كده ليه كده يا حس ما كنا كويسين و مش ناقصنا حاجة و الحمد لله

**zakiali** · 26-09-2010 05:38 PM

هيبقي فيه منافسه شرسه في الفئه دي .. بس يا تري لو نزلت هتنزل بكام .. اعتقد مش هتقل عن 150 - 160 الف

**Hosam_Optrawy** · 26-09-2010 07:33 PM

المشاركة الأصلية كتبت بواسطة anaconda_0054

جامده اوي الكماليات اللي نزلت فيها

الاريل - اشارات المرايات

الفتيس ملوش حل

نظام التحكم الصوتي

بس الجنط 17 اللي موجود دلوقتي اجمد من الجديد

والموتور الجديد ده شكله هيبقا جامد برضه

شكرا على مرورك

المشاركة الأصلية كتبت بواسطة aly_hosny

هو الفتيس والعفشة كانو مشاكل العربية الوحيدة
الموتور حالي كان كويس جدا بس اكيد الجديد دا اجمد
لو حلو كمان مشكلة العفشة العربية هتبقى وهم فعلا

بس ال انا عايز اعرفه هي مبتنزلش اوروبا ليه ؟؟؟؟

عشان فى اغلب دول اوروبا مبيركبوش غير هاتش باك عشان كدا كيا مش منزله غير العربيات الهاتش باك حتى الريو منزلاها هاتش باك فقط

المشاركة الأصلية كتبت بواسطة ahmed samy

هايقولوا 140 حمار

و الكلمتين بتوع الكوري بيقيس من البساتم و الألماني بيقيس من الشكمان

هههههههههههههههه

عاش يا حس

اللى هايقول 140 حمار يفرجنا على الخيل العربى الأصيل اللى معاه

نورت يا كبير

المشاركة الأصلية كتبت بواسطة dr.islam

بجد خبر حلو اوييييييي,, شكراً علي المجهود

العفو

المشاركة الأصلية كتبت بواسطة boogie

خبر حلو جدا وعقبال من شوفها فى مصر

يارب

**د.محمود صلاح** · 26-09-2010 07:45 PM

خبر ممتاز .. هيقلب الموازين .

**Hosam_Optrawy** · 26-09-2010 07:49 PM

المشاركة الأصلية كتبت بواسطة hamadahosni

تعديلات حلوة جدا
و كمان شكل الفتيس الجديد حلو جدا
و ياريت فعلا يكونوا غيروا نظام التعليق الخلفي أو حتى يكونوا طوروه شوية

بخصوص السيراتو ليه مش بتنزل أوروبا علشان هما بينزلوا هناك العربية الـ Ceed و دي مش بتنزل عندنا
أكيد ليهم وجهة نظر تسويقية في الموضوع ده

العفشه ونظام التعليق زى ما هما

ومبتنزلش اوروبا عشان زى ماقلت فى اوروبا بيفضلوا الهاتش باك

المشاركة الأصلية كتبت بواسطة SAMEHNOSHI

استاذ يا حسام بجد... خبر جميل جدا

و كدة فعلا الالنترا حتدخل فى منافسة قوية مع السيراتو و الفيصل فعلا حيكون السعر و الاوبشن. يا رب بس تنزل مصر قريب بالمواصفات دية.

العفو ويارب نشوفها قريب

المشاركة الأصلية كتبت بواسطة new

هو الموتور الحالى ال 124 حصان استهلاكه اد ايه انا عارف انه سفاح بنزين؟؟؟؟؟؟؟؟؟؟

الحقيقه معرفش استهلاكه كام بالظبط بس خى بتختلف من شخص للتانى بس فى افضل الاحوال اعتقد بيعمل 10 كم بلتر واحد

المشاركة الأصلية كتبت بواسطة kdosoki

اللى يلحق يلحق
الموتور ده اول مرة ينزل مصر وهو على فكرة راكب دلوقتى فى عربيه سبورتيج بيضاء موجودة امام معرض كيا فى ميدان روكسى واحتمال كبير تنزل بيه العربيات السبورتيج ال 1600
طبعا العربية مقفولة ويدوبك تشوفها من برة
بس بجد تحفة

معلوماتى ان مفيش سبورتاج 1600 اقل حاجه 2000 وعموما بكره نشوف

المشاركة الأصلية كتبت بواسطة blackknight

حسام باشا , مواضيع متميزة كالعادة الحاجة اللى انا لاحظتها ان عصاة الفتيس مختلفةعن الموجودة عندنا و ادينى بشوف على الموقع الرسمى يه الاختلاف ده و كذلك الجنط ال 17 الحالى افضل الصراحة اما بالنسبة للموتور و معدل استهلاك البنزين انا حاسس ان الموضوع مش موضوع موتور جديد وبس ممكن يكون تعديل فى ال ecu

بشمهندس اسلام

الفتيس شكله مختلف لانه مختلف عن اللى موجود دلوقتى دا 6 سرعات ودا 4 سرعات

وموضوع الجنوط مش مشكله

اما بالنسبه للموتور فانا على حسب معلوماتى ان الموتور دا هو هو الجاما اللى موجود فى السيراتو , بس اتعمله تعديل فى نظام حقن الوقود Fuel Injection System , بدل ماكان حقن متعدد النقاط Multi Piont Injection بقى حقن مباشر Gasoline Direct Injection ودا رفع قدرته من 124 الى 140 , والله أعلم

المشاركة الأصلية كتبت بواسطة blackknight

يا عم حسام, الله يسامحك . العربية ديه لا يمكن تنزل مصر الموتور ده ECO Engine يعنى احنا لسه بنتكلم فى عربيات شغالة بالجاز و عايزهم ينزلوا ECO CAR و بعدين التعديلات فى التصميم الداخلى و الخارجى معدودة جدا

التصميم الخارجى : تغيير فى شكل الجنوط و الشبكة الامامية و غماز الاشارة فى المرايات

التصميم الخارجى : مفيش غير شكل الفتيس بس

ازاى بس ياباشا

اولا الموتور دا مش جاز دا بنزين عادى

كلمة Eco دا اختصار Economic يعنى الاقتصاد ودا نظام جديد فى العربيه انا لسه مش فاهمه اوى , لكن هو ليه علاقة بطريقة سواقتك واستهلاك البنزين وحاجه بتظبطتها فى كمبيوتر العربيه , حاجه كدا :)

والفتيس مش شكل وبس دا فتيس تانى خالص زى اللى بينزل فى الكادينزا

-

الموضوع: رسميا على موقع كيا كوريا وحصريا للكياويه , سيراتو بموتور جديد 140 حصان وفتيس 6 نقلات

LinkBack

أدوات الموضوع

عرض

-

-

-

-

-

-

المواضيع المتشابهه

رسميا كيا سيراتو الجديدة k3 تبدأ البيع فى كوريا ... المواصفات والأسعار

كيا k9 تنطلق رسميا فى كوريا ... وتصل باقى الأسواق نهاية العام

كيا k9 تنطلق رسميا فى كوريا ... وتصل باقى الأسواق نهاية العام

رسميا :: سوبارو إمبريزا 2012 بمحرك جديد 1600 سىسى 114 حصان .. 150 نيوتن عزم ..

الكلمات الدلالية لهذا الموضوع

المفضلات

المفضلات

ضوابط المشاركة