للى بيفهم فى القانون الحق فى تفتيش السيارة !!!!

مساء الخير
عندى سؤال مهم جدا ياريت اى افوكاتو او حد عارف القانون كويس او حصل معاة نفس الموقف يدلنى
انا كنت راكن العربية فى مكان فية جنينة بعرض الشارع المكان منور و بجانب دار جيش اعد بكل احترام فى العربية انا و اتنين اصحابى على العموم عربية دورية عدت نزلوا كانوا واقفين مع شباب بعيد جولى بعد ما خلصوا و طلبوا يفتشوا العربية و فتشونى انا و اصحابى الاتنين اللى معايا بدون اى داعى بمجرد ما عرفوة ان احنا طلاب
و انا منظرى مش مشبوة ولا حاجة بالعكس و العربية كورولا 2007 مش عربية قديمة
انا عايز اعرف هل هما ليهم الحق فى تفتيش اى عربية واقفة فى الشارع كدة الكلام بزبط كان الساعة 12 بليل و المكان قريب من بيت واحد صاحبى كنت بوصلة و قبل ما ينزل كنت بتكلم معاة شوية فى العربية ولا كنا بنلف سجاير ولا اى حاجة بس هما كانوا نازلين كل شوية معاكوا حاجة يا بشوات قصدهم حشيش يعنى حتى بعد ما فهمتم انا واقف هنا لية مفيش فايدة برضوا
بس الكلام كان باحترام بس الامين اول ما وصلى قبل الزابط فى الاول قالى اطلع من هنا و انتا شغال اية بمجرد معرف انى طالب لان انا منظرى كبير شوية راح فتح باب العربية و قالى بعد الرخص و البطاقة هل الكلام دة صح ؟
1- اللى حصل صح ولا غلط؟
2- القانون يقول انة يفتش اى عربية يشتبة فيها ؟ مع العلم انى واقف و مطفى النور و واقف فى مكان نور بس الجنينة هيا اللى سمعتها وحشة الى حد ما يعنى ساعات بيبقى فيها خمرة مع العلم انى لاقانى مش سكران يعنى و بكلم معاة باحترام مش ضاربلى حاجة و اشتبة فيا
وكمان قانون الطوارئ 3/4 اتلغى
3- المفروض كنت ابجح معاة لانة بيفتش الواحد كانة مجرم و هو واقف بكل احترام
يعنى هل القانون فى صفة ولا فى صفى ؟
4- هل لة ان يشوف الرخصة و البطاقة فقط و لا كمان تفتيش
علما بان الشباب اتخانقوا معاهم و مخلاش حد يفتشهم لانهم كانوا مجموعة كبيرة اكثر من 20 شاب واقفيت بست عربيات مثلا
ياريت تفيدونى عشان اعرف حقوقى و اتصرف ازاى بهد كدة لانها حاجة تحرق الدم

مبدئيا كده انت اللى يشوف اسمك هنا مش يفتشك بس ده ياخدك معاه كمان

صحيح ايه اسمك ده؟؟؟؟؟؟؟؟
عموما
انا مش محامي بس اعرف في القانون كويس لان ده من ابسط حقوقي
بص يا عم المسطول
لا يحق لا ظابط شرطة تفتيش السيارة لانها تعامل طبقا لنص الدستور معاملة المسكن اي لها نفس الحرمه
وبما ان بلدك مطبق بها قانون طوارئ فيحق ايضا للظابط الاستعلام عن هويتك ورخص السيارة ولكن دون تفتيش
بالنسبة للكمين
يحق لضابط المباحث فقط وليس ضابط المرور تفتيش العربية اذا اشتبه فيها - موضوع اشتبه فيها ده مطاط اوي - وده برده تطبيقاً لقانون الطوارئ
عموماً انت لو كنت بجحت مكنش حد حيفتشك
ويا ريت تغير اسمك ده

حلوة يحق و لا يحق دي

احنا في مصر يا جماعة

بعد البهدلة مافيش حاجة بتشيل مسكة ياقتك

مافيش حاجة بتشيل الشتيمة أو السفالة

مافيش حاجة عمرها تداوي جرح الكرامة

دي بلد بلا قانون

مسيبة كلابها بالليل ينهشوا في اهلها

اقتباس:

---

المشاركة الأصلية كتبت بواسطة ahmed samy

حلوة يحق و لا يحق دي

احنا في مصر يا جماعة

بعد البهدلة مافيش حاجة بتشيل مسكة ياقتك

مافيش حاجة بتشيل الشتيمة أو السفالة

مافيش حاجة عمرها تداوي جرح الكرامة

دي بلد بلا قانون

مسيبة كلابها بالليل ينهشوا في اهلها

---

انت مكبر الموضوع ليه كدا يا عم روق كدا وصلي علي النبي
متنساش ان دي بلدنا احنا مش بلدهم لوحدهم
والتخاذل ده بيديهم فرصة يركبونا اكتر واكتر
صلي علي النبي

اقتباس:

---

المشاركة الأصلية كتبت بواسطة shooter123

انت مكبر الموضوع ليه كدا يا عم روق كدا وصلي علي النبي
متنساش ان دي بلدنا احنا مش بلدهم لوحدهم
والتخاذل ده بيديهم فرصة يركبونا اكتر واكتر
صلي علي النبي

---

عليه الصلاة و السلام

بس دي بلدهم

و انا ماليش مكان فيها و ان شاء الله ولا لعيالي

لو حد بجح ابسط حاجه يطلعلوا حته حشيشه(تلفيق طبعا) من العربيه ويقوله امال دى بتعمل هنا ايه ياروح امك؟

ايه يا جماعه النظرة السوداوية دي ؟
وليه الراجل عايز يسيب البلد هو واولاده ويسافر؟؟؟؟؟
بقي تسيب بلدك وتسافر عشان قلة منحرفة عندها مركبات نقص لالالالالالالالالالالالال ا
ثم ليه معندكش امل في بكرة؟؟؟؟؟؟؟؟؟؟ اكيد حيبقي احسن
اصبر وما صبرك الا بالله
لكن اوعي تسيب بلدك

اقتباس:

---

المشاركة الأصلية كتبت بواسطة shooter123

صحيح ايه اسمك ده؟؟؟؟؟؟؟؟
عموما
انا مش محامي بس اعرف في القانون كويس لان ده من ابسط حقوقي
بص يا عم المسطول
لا يحق لا ظابط شرطة تفتيش السيارة لانها تعامل طبقا لنص الدستور معاملة المسكن اي لها نفس الحرمه
وبما ان بلدك مطبق بها قانون طوارئ فيحق ايضا للظابط الاستعلام عن هويتك ورخص السيارة ولكن دون تفتيش
بالنسبة للكمين
يحق لضابط المباحث فقط وليس ضابط المرور تفتيش العربية اذا اشتبه فيها - موضوع اشتبه فيها ده مطاط اوي - وده برده تطبيقاً لقانون الطوارئ
عموماً انت لو كنت بجحت مكنش حد حيفتشك
ويا ريت تغير اسمك ده

---

كلامك مظبوط تماما لان القانون يلزم الجهات الامنية عند تفتيش سيارة وجود اذن نيابة الذي يصدر بناء عن تحاريات جديه
لكن في ظل قانون الطوارئ يجوز بدون اذن النيابة تفتيش السياره وكمان القبض عليك وكمان اعتقالك وكمان مصادرة السيارة
وحاجات كتير تانية ممكن يعملوها

اقتباس:

---

المشاركة الأصلية كتبت بواسطة mazagngi2010

لو حد بجح ابسط حاجه يطلعلوا حته حشيشه(تلفيق طبعا) من العربيه ويقوله امال دى بتعمل هنا ايه ياروح امك؟

---

طبعا ده وارد جدا وبيحصل كتير كمان

موضوع محير
عشان لو اعترضت على اجرائاتهم ممكن تتقابل برد قعل وحشي ومهانة وقد تصل فعلا ...... الله اعلم ممكن توصل لايه في احتمالات كتيييير اويييي منها الحاجات اللي قلناها فوق
ولو سيبتهم هيبقوا بيعملوا حاجة مش من حقهم واحسن حاجة ان الواحد يبعد عن الشبهة وخلاص وربنا يبعدهم عننا ويكفينا شرهم

هل الكلام دة صح ؟
1- اللى حصل صح ولا غلط؟
شوف .. مبدئيا كده اللي حصل ده عادي في بلد يحكمها العسكر فتوقع أي شئ و كل شئ من ناس لا تفكر بالمنطق و لا تستخدم العقل و انما تعرف مبدأ واحد فقط و قانون واحد "القوة و الواسطة"

2- القانون يقول انة يفتش اى عربية يشتبة فيها ؟ مع العلم انى واقف و مطفى النور و واقف فى مكان نور بس الجنينة هيا اللى سمعتها وحشة الى حد ما يعنى ساعات بيبقى فيها خمرة مع العلم انى لاقانى مش سكران يعنى و بكلم معاة باحترام مش ضاربلى حاجة و اشتبة فيا
غلط انك تقف في او قرب مكان مشبوه زي ده و تدي الفرصة لشوية العسس دول يغلسوا عليك

وكمان قانون الطوارئ 3/4 اتلغى
مين قال أنه اتلغي ؟؟

3- المفروض كنت ابجح معاة لانة بيفتش الواحد كانة مجرم و هو واقف بكل احترام
زي ماقولت لك قبل كده ... المفروض ماكنتش تقف في مكان زي ده و ماتديلوش فرصة

يعنى هل القانون فى صفة ولا فى صفى ؟
طبعا القانون في صفه

4- هل لة ان يشوف الرخصة و البطاقة فقط و لا كمان تفتيش
وفقا للقانون و حالة الطوارئ له كل هذا الحق بس بالأدب

علما بان الشباب اتخانقوا معاهم و مخلاش حد يفتشهم لانهم كانوا مجموعة كبيرة اكثر من 20 شاب واقفيت بست عربيات مثلا
ياريت تفيدونى عشان اعرف حقوقى و اتصرف ازاى بهد كدة لانها حاجة تحرق الدم
ده بيؤكد كلامي ... ان الناس دي لاتحترم سوي مبدأ القوة و العافية

مع خالص تحياتي
م/ سمير الشهاوي

ياريت بترسى على التفتيش بس دة ممكن ياخدوا منك حاجة من شنطة العربية و انته مش واخد بالك
يعنى يقولك افتح شنطة العربية تفتحها و يطلع الحاجة و يحطها على الارض و يسبها و يقولك افتحلى الكبوت تروح تفتحه و تسيب الحاجة على الارض و يشوف الكبوت و يفتش جواه ال يعنى مخبى حاجة فى الكبوت و بعدين يقولك مع السلامة و يسبك و يمشى لعربية تانية تقوم تقفل الكبوت و تلم الحاجة اللى واقعة فى الارض و تقفل الشنطة و لما توصل البيت تفتح الشنطة علشان تطلع الحاجة البيت تلاقيها ناقصة شنطتين او تلاثة و متعرفش نسيتهم فين فى المحل و لا فى الارض تحت العربية و لا البواب اخدهم و لا راحوا فين

السلام عليكم ورحمة الله وبركاته
القانون يمنع تفتيش السيارات الخاصة بدون إذن من النيابة ولكن السيارة يمكن تفتيشها في حالت انه يجوز تفتيش صاحب السيارة وده لو كان يقودها أو بداخلها اما ان كانت مغلقه فلا يجوز تفتيشها الا باذن القاضي او النيابه
نيجي بقي لصاحب السيارة يمنع تفتيش الأشخاص الا في حالة التلبس ولكن فيه استثناء عليه انه يجوز التفتيش اذا كان يجوز القبض عليه

فالرأي الذي يسير عليه أغلب شراح القانون المصري يجيز تفتيش الأشخاص لمأموري الضبط في جميع الأحوال التي يجوز لهم فيها القبض ولو لم تكن حالة تلبس [(4)].

ولما كان القبض جائزًا لهم في غير حالة التلبس في ثلاث حالات أخرى نصت عليها المادة (34) أولاً وثالثًا ورابعًا، فإن التفتيش الشخصي يكون جائزًا في هذه الأحوال الثلاثة التي لا يجوز فيها لمأموري الضبط تفتيش المسكن. (

ولخطورة هذه النتيجة نذكر هنا هذه الأحوال الثلاثة طبقًا لعبارة المادة (34) وهي:

أولاً: في الجنايات.

ثانيًا:… حالة التلبس.

ثالثًا: إذا كانت الجريمة جنحة معاقبًا عليها بالحبس، وكان المتهم موضوعًا تحت مراقبة البوليس، أو كان قد صدر إليه إنذار باعتباره متشردًا أو مشتبهًا فيه [(5)]، أو لم يكن له محل إقامة ثابت ومعروف في مصر.

رابعًا: في جنح السرقة والنصب والتفاليس والتعدي الشديد ومقاومة رجال السلطة العامة بالقوة أو بالعنف والقيادة والاتجار بالنساء والأطفال وانتهاك حرمة الآداب، وفي الجنح المنصوص عليها في قانون تحريم زراعة المواد المخدرة أو الاتجار فيها أو حيازتها أو استعمالها.

وكان فيه قضيه وده حكمها
جنايات الجيزة ترسي مبدأ مهما:
ممنوع تفتيش السيارات الملاكي دون إذن من النيابة
أرست محكمة جنايات الجيزة مبدأ قانونيا مهما، أكدت المحكمة برئاسة المستشار علي عبد اللاه طنطاوي أنه لايجوز لرجال الشرطة تفتيش السيارة الملاكي إلا بإذن من النيابة العامة.
كان رجال الدورية الراكبة قد ألقوا القبض علي شابين بأحد الشوارع المتفرعة من شارع الهرم بتهمة حيازة البانجو وأوضح أمين الشرطة ـ قائد السيارة الدورية ـ أن الشابين كانا داخل سيارة ملاكي يقودها أحدهما ومعهما شخص ثالث وأثناء خروجها بسرعة من شارع فرعي كادت تصطدم بسيارة الشرطة القادمة من شارع الهرم الرئيسي فإذا بالشابين يتركان سيارتهما في فزع ويركضان هربا دون مبرر واضح.
أضاف الأمين أنه نجح في اللحاق بهما لكنه فشل في الامساك بالشخص الثالث الذي كان برفقتهما.. وبعدها قام بتفتيش السيارة ففوجئ بوجود كيس أسود من البلاستيك وبفتحه وجد بداخله كمية من مخدر البانجو.
أكد أمين الشرطة في محضر الضبط والتحقيقات وأمام النيابة ان الشابين اعترفا بحيازة المخدرة بقصد الاتجار فيه.
قامت النيابة بإحالة المتهمين إلي محكمة جنايات الجيزة بتهمة حيازة المخدرات بقصد الاتجار.
دفع صبحي علي حسب النبي المحامي بالنقض بانعدام وجود حالة من حالات التلبس وبطلان إجراءات القبض والتفتيش وذلك لبطلان الاستيقاف لانعدام مبرراته.. مشيرا إلي أن مجرد عدو المتهمين لحظة مشاهدتهما لسيارة الشرطة إنما جاء بدافع الخوف النفسي من رجال الشرطة خاصة انهم كانوا يستقلون سيارة دورية راكبة.
وأوضح صبحي حسب النبي أن السيارة المدعي باحتوائها علي المخدر المزعوم هي سيارة ملاكي مما يعني قانونا أنه لايجوز تفتيشها الا بإذن من النيابة العامة.
وفي نهاية الجلسة قضت المحكمة ببراءة المتهمين لبطلان القبض والتفتيش وعدم الاطمئنان إلي ما ورد بمحضر الضبط وعدم معقولية تصوير الواقعة.
بس مع قانون الطوارئ كل عام وانت بخير
وكمان فيه حاجه مهمه انك لو استأذنك ووفقت خلاص ملكش حق تتكلم بعد كده
معلش طولت عليكم
أخوكم هاني

اخونا هانى كفى و وفى و واضح انه متخصص فى القانون و كلامه مضبوط جدا.

ما شاء الله يا أخ هاني .. معلومات رائعة

كده الواحد يتكلم بقلب جامد مع الناس دي ، لأنهم غالباً لما بيحسوا إن الي قدامهم فاهم بيريحوا دماغهم ويسيبوه

اقتباس:

---

المشاركة الأصلية كتبت بواسطة samo9992003

مبدئيا كده انت اللى يشوف اسمك هنا مش يفتشك بس ده ياخدك معاه كمان

---

LoooooooooooooooooooL

زى ما الشباب ردت عليك لا يجوز تفتيش السيارة الا بأذن من النيابة لانها تعامل معاملة المسكن و لكن لو فى ظابط مباحث ممكن يقولك فى قانون طوارئ و بالتالى طول ما القانون دا موجود هتفضل بيوتنا و سياراتنا مستباحة لمصر المحتلة

انا حصلي نفس الموقف بس مش بالظبط , كنت على الدائري انا وأخويا مروحين و وقفونا من بين البشر كلها عشان يفتشونا. كان معانا شيل وشنط وفتشوا الشنط برضه, انا كنت هدخل فيهم شمال بس اخويا قال لأ حرام عليك كفايه المره الي فاتت أصلي اتخانقت مع ظابط مباحث في المطار عشان وقفونا برضه من غير سبب ولفقوا مخالفتين لأخويا وسحبوا رخصه. بس المهم يعني انهم فتشونا لما سكتلهم وحسيت اني زيي زي المجرمين والسوابق. تفتكروا عربيه تويوتا ياريس فيها اتنين شكلهم ولاد ناس ولا محششين ولا حراميه و اثبتاتنا سليمه والرخص سليمه والعربيه بإسم اخويا . ليه يفتشونا بالشكل ده ؟! اكيد بيتسلوا

اقتباس:

---

المشاركة الأصلية كتبت بواسطة aymanay32

ياريت بترسى على التفتيش بس دة ممكن ياخدوا منك حاجة من شنطة العربية و انته مش واخد بالك
يعنى يقولك افتح شنطة العربية تفتحها و يطلع الحاجة و يحطها على الارض و يسبها و يقولك افتحلى الكبوت تروح تفتحه و تسيب الحاجة على الارض و يشوف الكبوت و يفتش جواه ال يعنى مخبى حاجة فى الكبوت و بعدين يقولك مع السلامة و يسبك و يمشى لعربية تانية تقوم تقفل الكبوت و تلم الحاجة اللى واقعة فى الارض و تقفل الشنطة و لما توصل البيت تفتح الشنطة علشان تطلع الحاجة البيت تلاقيها ناقصة شنطتين او تلاثة و متعرفش نسيتهم فين فى المحل و لا فى الارض تحت العربية و لا البواب اخدهم و لا راحوا فين

---

انا معاك فى الى انت قولته وكمان ممكن يساوموا العيال فى العربيه ويقلبوهم علشان يسيبوهم وياخدوا منهم فوق الاف جنيه زى ما حصل مع ابن واحد اعرفه
بس مين الى بيعمل كده دول الصف ضابط يعنى المخبر والعريف والامين
والانيل من كده ان الى بيعمل كده كمان الهباب العيال الامناء الى بتذاكر وتاخد ليسانس حقوق وهمه فى الخدمه وبيبقوا ضباط يعنى انصاف المتعلمين الى بيشوهوا الشرطه بجد
صدقنى ان ما فيش ضابط خريج كليه شرطة حيعمل كده
وبعدين فيه حاجه مهمه جدا الاخ الى ذكر الشكوى بتاعته نسى يقول لنا الجنينه دى فين ، حتلاقى الصبح حوليها حقن ماكس فاضيه شرايط برشام صليبه فراوله اتريللا برونكلاز كودافين حتى زجاجات توسيفان وممكن تلاقى كمان تيرمادولات بانواعها وعلب كانز كله (كاوتش) للشم
طيب تخيل الناس الى ساكنه هناك تعمل ايه تمشى ازاى فى الشارع البنات والستات حتى لو راكبين عربيات
الراجل ضابط المباحث لو ماعملش لنفسه سمعه فى مجتمع المجرمين يبقى مالوش لازمه فهمتنى
يعنى انتا بتتعامل مع عالم اجرام مش مع اى حد (ساعات فيه ناس بتتظلم انا معاك) بس فيه ناس ماينفعش تتساب فى الملكيه كدا تدبح فى البشر لازم تروح هناااااااااااك حيث العشب اشد اخضرارا فى مراعى السافانا فهمتنى .
اعذر الضابط الى بيحافظ على الشرفاء امثالك من المجرمين والفشله الى فيه منهم ولاد ناس راكبه عربيات وواقفه فى الضلمه
والله المستعان

فيه كتاب جميل كنت قريته اسمه الزاى متضرربش على افاك

ده اللى كتبه زى موصلنى انه كان ظابط امن دولة سابق ولما نزل السوق اتلم بمعرفة اللى بيضربو على الافا

مفيد اوى الكتاب ده بس بيسخن اوى على الناس الحلوة اللى عامين زى قطاعين الطرق دوول اعمل سيرش عنه ونزله

بس من غير زعل انت فيه نسبة تتحملها انتا بردوو علشان واقف ف الضلمة وشباب والساعة 12 بلليل

يعنى تلفت نظر

وربنا يبعدنا عنهم ويبعدهم عننا علشان الواحد لما بيحصله موقف مستفز زى ده رد فعله بتكبر المسائل لانهم اسات\ة ف الاستفزاز

الاستاذ مسطول ومزجانجى ربنا يبارك لنا فى انفاسكم اقصد فى مواضيعكم..........مساء الخيررررررررر

طالما فتحت الباب بقيت بتاعهم

شوف من الأخر مش من حق اى حد يمد ايدة جوة العربية الا بأذن نيابة او داخل شرم الشيخ :)

حاجة تانية كنت حلبس ضابط فى الحيطة لأنة خلى الامين ياخد مفتاح العربية من الكونتاكت من ورا ضهرى وانا بكلمة ... قلتلة طب افتح محضر عندك كان فى شنطة فيها 20الف جنية واتسرقت حالا وانا بتهم الامين وانت شخصيا انكم وراء السرقة والشنطة اتسرقت وبصمات الامين ع الباب والكونتاكت والمفاتيح !! والحدق يتخيل اللى حصل