عملت صيانه 50 الف وشكر واجب للاستاذ محمد ممدوح

**احمد المصرى** · 26-09-2010 08:25 AM

السلام عليكم

كنت عامل موضوع من كام يوم طالب النصيحه فى صيانه 50 الف والحمد لله تقريبا محدش رد عليا بخصوص الصيانه واتكلمنا على انور السادات والقناه ونسينا الدايو فعلا

المهم وانا محتار ومحمد ممدوح كان مسافر قلت اكلمه وكلمته وانا محرج جدا لانه كان مسافر وقلت يبق الراجل تعبان معانا فى المنتدى وكمان فى اجازته مش رحمينه المهم لانى كنت مستعجل على الصيانه وعلشان هسافر كلمته والراجل مشكورا رد على كل استفساراتى وطمنى بخصوص زيت فيسكو لانى كنت متردد فى استخدامه

فعلا الراجل دا محترم بذياده بجد ربنا يخليه لابنه ويفرحه بيه

ندخل على صيانه 50 الف كيلو

انا جبت زيت فسكو 3000ب 115 جنيه وبيقعد 15 الف بس انا ان شاء الله هنزله على 9 او 10 بالكتير اوى اوى ( محمد ممدوح قالى جيب 5000 ) بس علشان اخر الشهر قلت اجيب الارخص حاليا

وجبت فلتر زيت ب 35
فلتر هواء 20
فلتر بنوين 25
بوجيهات يابانى 35
تيل فرامل اصلى 120
طقم ريش للمساحات 40

ورحت للميكانيكى وغيرنا كل دا والحمد لله اخد منى 50 جنيه علشان معرفه وكدا وكان عندى الدبرياج تقيل جدا يعنى لما بدوس عليه بحس انه تقيل جدا قالى لازم يفك الماستر ومش عارفه يعمل فيه تقريبا طقم اصلاح وبعد كدا هيبق ناعم جدا بس الكلام دا مره تانيه

ال انا غلط فيه انى مكنتش بغير البوجيهات باستمرار يعنى كانت قاعده 25 الف تقريبا ودا كتير جدا وانا ناوى بعد كدا اغير البوجيهات كل 10 الاف

انا جبت الحجات دى من عند ابو الحسن

وشكرا ليكم يا شباب ويا رب حد يستفيد من الموضوع دا

**احمد المصرى** · 26-09-2010 08:33 AM

http://www.nilemotors.net/Nile/181786-50.html

**محمد الشامي** · 26-09-2010 08:36 AM

المشاركة الأصلية كتبت بواسطة karimfahmy99

ngk ب 30 جنية
و فلتر الزيت ب 15 جنية ال gm

صباح الخير يا استاذ كريم :-)

معلش ليا تعليق على الاسعار :-) البوجيهات الـ ngk انا جبتهم بـ 40 جنيه , وفلتر الزيت ال GM انا لسا جايبه من شهر بـ 25 جنيه

**karimfahmy99** · 26-09-2010 08:43 AM

المشاركة الأصلية كتبت بواسطة محمد الشامي

صباح الخير يا استاذ كريم :-)

معلش ليا تعليق على الاسعار :-) البوجيهات الـ ngk انا جبتهم بـ 40 جنيه , وفلتر الزيت ال gm انا لسا جايبه من شهر بـ 25 جنيه

صباح الجمال يا عريس

شوف البوجيهات انا لسة جايبهم من عند المنير فى فيصل واحد شمعة ب 30 جنية امبارح الجمعة

الفلتر جبتة من اسبوع من شارع زكى فى التوفيقية من محل مشهور جدا و كان ب 15 جنية علبة لبنى غامق و من فوق لبنى فاتح . و على فكرة المحل دا بالذات بيكون علية زحمة

**karimfahmy99** · 26-09-2010 08:54 AM

عرفت اسم المحل اللى فى التوفيقية لقيت الكيس . اسمة البنا

دى صورة فلتر الزيت

**محمد الشامي** · 26-09-2010 09:03 AM

والله يا استاذ كريم هو هو نفس الفلتر اللي انا جايبه ونفس العلبه وكل حاجه !!!!!!!!!!!

طيب ايه الحكمه بقا في تفاوت الاسعار الغريب ده ؟؟
انا كنت جايبه هو نفسه من عند ابو الحسن بـ 25 جنيه
وحضرتك جبته بفرق 10 جنيه اقل
والله اعلم احمد المصري جايب نفس النوع بفرق 20 جنيه زياده !! :-)

**kar!m** · 26-09-2010 09:05 AM

عقبال صيانة ال 500 ألف ان شاء الله.

**karimfahmy99** · 26-09-2010 09:10 AM

المشاركة الأصلية كتبت بواسطة محمد الشامي

والله يا استاذ كريم هو هو نفس الفلتر اللي انا جايبه ونفس العلبه وكل حاجه !!!!!!!!!!!

طيب ايه الحكمه بقا في تفاوت الاسعار الغريب ده ؟؟
انا كنت جايبه هو نفسه من عند ابو الحسن بـ 25 جنيه
وحضرتك جبته بفرق 10 جنيه اقل
والله اعلم احمد المصري جايب نفس النوع بفرق 20 جنيه زياده !! :-)

مش عارف اقولك اية . بس العلم عند الله .

طب ما الاخ احمد المصرى جابة اغلى كمان منك ب 10 . بيقول جابة ب 35 جنية !!!!!!!!!!

يعنى الفرق كدة بقى 20 زى ما قلت

-

الموضوع: عملت صيانه 50 الف وشكر واجب للاستاذ محمد ممدوح

LinkBack

أدوات الموضوع

عرض

عملت صيانه 50 الف وشكر واجب للاستاذ محمد ممدوح - انشر الموضوع فى :

-

-

-

-

المواضيع المتشابهه

شكر واجب للاستاذ محمد ممدوح

لسة جى من عند محمد عبده وشكر خالص لـ أ / محمد ممدوح

شكر للاستاذ محمد ممدوح على نصيحته للميكانيكى محمد عبده

شكر خاص للاستاذ محمد ممدوح

الكلمات الدلالية لهذا الموضوع

المفضلات

المفضلات

ضوابط المشاركة