بالصور: ظاهرة هبوط الطرق في مصر - تقرير حصري لنايل موتورز

سمير الشهاوي - نايل موتورز - القاهرة

تلاحظ في الاونة الاخيرة أنتشار ظاهرة الهبوط المفاجئ و الغير طبيعي للطرق و الغريب أيضا أن معظم هذه الطرق منشأة حديثا. كما ان بعض هذه المناطق التي يحدث بها هذا الهبوط يتم اصلاحها و يتكرر بها الهبوط بشكل مفاجئ مرة اخري أو عندما تتم هذه الاصلاحات فأنها تكون أصلاحات عشوائية و مؤقتة و تظل حالة الطريق بعدها أسوأ مما كانت عليه

و السؤال الذي يطرح نفسه دائما , لماذا ؟؟
و أغلب الظن أن في مثل هذه الحالات يتلخص السبب فيما يلي :
- ضعف البنية التحتية للطريق و عدم الاهتمام بالمواصفات القياسية للطرق
- زيادة الحمولات و خاصة من النقل الثقيل الذي يتجاوز الحمولة المقررة

و قد تلاحظ أنه في خلال أسبوع واحد فقط وجود هبوط بمنطقتين لايفصلهما سوي 15 كم
- الاولي بالقرب من "جي دبليو ماريوت" في الطريق المؤدي الي الرحاب و التجمع الاول
- الثانية أمام قاعدة ألماظة الجوية في الطريق المؤدي الي ميدان ألماظة

و الغريب في الامر ان الطريقين من الطرق الحيوية ذات الكثافة المرورية المرتفعة و أن المشكلة مستمرة لأكثر من أسبوعين و لم يحرك احد من المسؤلين ساكنا

و هنا نطرح المشكلة بالصور علنا نجد أجابة و توضيحا لما يحدث


أولا .. الطريق الواصل مابين الرحاب و طريق السويس أمام "جي دبليو ماريوت" :

http://www.nilemotors.net/Nile/attac...1&d=1285482814
تكدس مروري في الساعة التاسعة صباحا بسبب هبوط الطريق و أنتشار الحفر الممتلئة بالمياه

http://www.nilemotors.net/Nile/attac...1&d=1285483001
صورة أكثر قربا لشكل الحفر و المياه

http://www.nilemotors.net/Nile/attac...1&d=1285483203


ثانيا.. الطريق المؤدي الي ميدان ألماظة و حالة الطريق بعد تغطية الهبوط :

http://www.nilemotors.net/Nile/attac...1&d=1285483411
كتل حجارة امام المنطقة المغطاة


http://www.nilemotors.net/Nile/attac...1&d=1285483621
فقط هي حارة واحدة التي تعمل من هذا الطريق الحيوي بعد تغطية الهبوط الذي حدث الاسبوع الماضي


http://www.nilemotors.net/Nile/attac...1&d=1285483766
و الله حرام

يلا علي البركة

احييك على الموضوع...انت بعض موضوعاتك على فكرة بنتزل على مواقع اخبارية مثل اخبارك دوت

وهبوط باب الشعرية بسبب أعمال الحفر قريبا

أقذر شوارع في العالم في مصر .. لما كنا بره مكناش نعرف يعني ايه عفشه اصلا

حاجة مأساة بمعنى الكلمة

حسبنا الله ونعم الوكيل

كل ده بسبب عدم وجود دراسات او مجسات لنوع التربة اللي بينشأ عليها التربة زي اللي راحو في التجمع الخامس عملوا طريق على ارض اصلا مش شايلة نفسها ومفيش اي نوع من المجسات وقفت وخدت عينات وحتى بعد ده كلوا قلة الضمير في الدم هية اللي بتؤدي الى انو الأرض بعد فترة بتاخد وضعها وبتهبط في الأماكن اللي التربة فيها رملية متحركة وربنا يكفينا شرها يا رب ..

اقتباس:

---

المشاركة الأصلية كتبت بواسطة sayed911

كل ده بسبب عدم وجود دراسات او مجسات لنوع التربة اللي بينشأ عليها التربة زي اللي راحو في التجمع الخامس عملوا طريق على ارض اصلا مش شايلة نفسها ومفيش اي نوع من المجسات وقفت وخدت عينات وحتى بعد ده كلوا قلة الضمير في الدم هية اللي بتؤدي الى انو الأرض بعد فترة بتاخد وضعها وبتهبط في الأماكن اللي التربة فيها رملية متحركة وربنا يكفينا شرها يا رب ..

---

الى الامام يامصر

اكيد ورا الموضوع ده رابطة العفشجية فى مصر براسة الاسطى عبدة عفشة

انا كنت شاكك ان الموضوع دا ف التربه وملوش علاقه بالبنيه التحتيه للطرق

الهبوط اللى فى الماظة دا دايما بيحصل كل فترة يعنى دى مش اول مرة

عشان كده انا ركبت زينون و الا الواحد هايلبس ده كله بالليل و ربنا يستر علينا

تحياتي باشمهندس سمير على موضوعك القيم وتصويرك الحصري لنايل موتورز
ابقى حاول تحط علامه مائية للموقع لعدم سرقة الصور
ولو معنكش برنامج سهل ابعتلك واحد
1500 مشاهدة في 12 ساعة فقط

اقتباس:

---

المشاركة الأصلية كتبت بواسطة ecybrarian

احييك على الموضوع...انت بعض موضوعاتك على فكرة بنتزل على مواقع اخبارية مثل اخبارك دوت

---

قسم اخبار السيارت يا دكتور مخصص للنشر على المواقع الاخبارية

اقتباس:

---

المشاركة الأصلية كتبت بواسطة karim_monir

تحياتي باشمهندس سمير على موضوعك القيم وتصويرك الحصري لنايل موتورز
ابقى حاول تحط علامه مائية للموقع لعدم سرقة الصور
ولو معنكش برنامج سهل ابعتلك واحد
1500 مشاهدة في 12 ساعة فقط



قسم اخبار السيارت يا دكتور مخصص للنشر على المواقع الاخبارية

---

شكرا يا أستاذ / كريم علي مرورك و تشجيعك دي مجرد محاولة مني لتطوير موضوعاتي كي تليق بأسم المنتدي اللي بأحب أكتب له دائما

أما بالنسبة للبرنامج الخاص بالعلامة المائية للصور ياريت تبعت لي

و متشكر جدا لحضرتك و كل الاخوة الكرام اللي قرأوا الموضوع و شاركوا فيه و ياريت لو حد عنده صور لشوارع زي دي يبعت لي أو يرفقها بالموضوع علشان بأجهز لموضوع تاني منفصل عن شوارعنا و السلبيات اللي فيها

مع خالص تحياتي
م/ سمير الشهاوي

الشكر لله يا باشمهندس وفي انتظار مواضيع اخرى قيمة
كموضوع الرادار وهبوط الطرق وغيره
البرنامج على الميل فقط غير الاكستنشن زي مابعتلك في الميل

الموضوع اكثر من رائع

حكاية الهبوط دي بتتكرر كتير و للاسف بيملو الحفر باي حاجة رمل او طوب و خلاص بدون ما يشوفو ايه السبب الفعلي للهبوط و خاصة انو بيتكرر

ربنا يستر و ميحصلش هبوط بنسب اكبر من كدة ولا هايسبب كارثة و ساعتها بس هايبداو يتحركو

.

أنا شفت فى البساتين برضو حصل هبوط جمب بلاعة

الحمد لله ربنا ستر إن كان فى واحد جمبى نبهنى والاهالى كانوا حاطين طوب جمبها زى مانتوا عارفين

إن شاء الله لو عديت جمبها تانى أصورها

فين البيجو 504 gl , والمرسيدس 300sel واللادا نيفا والفيات132 2000cc,والبيجو505 و الشيفروليه كابريس كلاسيك مو89 و جيب رانجلر وجيب واجونير وجيمس موديل ثمانينات ؟
اركبها و اجري بيها فى طرق اسوأ من دي بكتير و اتفرج على صمود التعليق ومتانة جسم السيارة و تعامل العفشة مع الهدايا الأسفلتية و مع نعومة العربية فى مطبات (مطبات معمولة للتحدي) و إزاي الخواجه عارف ان العربيات اللى ذكرتها حتمشي فى شوارع مثل المصورة . وحتحس ان العربية بتقولك إديني مطبات اشد من دي ، دا اللى انا ماشية فيه يعتبر تسليك سنان.
ومش عايز اقول ان المتانة بتاعت عربيات زمان راحت اليومين دول و تشطيب شوارع زمان راح اليومين دول برده.
حاجة حلوة انك تلاقى الأوف رود يكون أون رود و على الأسفلت كمان. هاهاها

اقتباس:

---

المشاركة الأصلية كتبت بواسطة sameh127

فين البيجو 504 gl , والمرسيدس 300sel واللادا نيفا والفيات132 2000cc,والبيجو505 و الشيفروليه كابريس كلاسيك مو89 و جيب رانجلر وجيب واجونير وجيمس موديل ثمانينات ؟
اركبها و اجري بيها فى طرق اسوأ من دي بكتير و اتفرج على صمود التعليق ومتانة جسم السيارة و تعامل العفشة مع الهدايا الأسفلتية و مع نعومة العربية فى مطبات (مطبات معمولة للتحدي) و إزاي الخواجه عارف ان العربيات اللى ذكرتها حتمشي فى شوارع مثل المصورة . وحتحس ان العربية بتقولك إديني مطبات اشد من دي ، دا اللى انا ماشية فيه يعتبر تسليك سنان.
ومش عايز اقول ان المتانة بتاعت عربيات زمان راحت اليومين دول و تشطيب شوارع زمان راح اليومين دول برده.
حاجة حلوة انك تلاقى الأوف رود يكون أون رود و على الأسفلت كمان. هاهاها

---

استاذ .. الكابريس دي كانت بتخش علي المطب وتبلعه ولا كأنك عديت عليه من أصله !! حاجه خرافية بجد .. انا عمري ماشفت في حياتي عفشة زي الكابريس .. تحس انك ماشي فوق الأرض اصلا علي وساده هوائية مفيش هزه تحس بيها والصالون جوه بحر يشيل 8 مستريحين والا الجير بتاعها في الدركسيون .. كانت أيام والله

اقتباس:

---

المشاركة الأصلية كتبت بواسطة zakiali

أقذر شوارع في العالم في مصر .. لما كنا بره مكناش نعرف يعني ايه عفشه اصلا

---

فكرتني والله
في الاردن لو في حفره في الشارع بترفع قضيه عالبلديه لانهم بياخدو ضرايب والمفروض كله يبقى تمام

ههههههههههههههه
تحياتي

الموضوع ده لسه جاى حالا اهوه فى الطبعه الاخيره و الوزير بيتعهد باصلاح الهبوط الارضى فى القاهره و ف شارع الجيش

ياباشا دة فى هبوط فى الطريق ناحية التعاون بمحافظة الاسماعيلية
الشارع كلة وقع مرة واحدة لعمق اكبر من 2 متر لدرةجة انو ممكن عربيات تقع فية و مش هتبان و بقالة سنة و زيادة و محدش عمل فية حاجة ..

طالما جيتو في الحته تباعتي بقي المفروض انا اللي اجاوب و لاني بلافخر عندي معرفه باي حاجه تحت الارض و دا نتيجه لطبيعة شغلي

اولا :الهبوطات دي بتحصل ليييييه
علشان مواسير الصرف اللي ماشيه تحت الارض او مواسير الميه بيحصلها مع الوقت حاله من الضعف و بتتكسر زي الماسوره اللي موجوده في صوره من الصور اللي هيا الصوره الاخير و دي بقي لما بيحصل الشرح طبعها نتيجه للعربيات و التريلات و الهزهزه بتاعة الارض تتكسر الماسوره و تلاقي الرمل اللي كانوا ردمين فوق الماسوره دي ابتدي ينزل في الماسوره نفسها و بيخف من تحت طبقات الاسفلت اللي بالتالي بتسقط مع مرور الوقت و لذلك تلاقي يصاحب اي هبوط في الارض وجود ميه حوالين الهبوط دا
ثانيا : ييجوا بقي يعملوا حاجه اسمها ترميم للفرعه اللي هبطة دي باستخدام معدات الحفر و معدات لشفط المياه من الحفر علشان يتم تركيب ماسوره جديده بدل اللي اتكسرت و لو موضوع شفط الميه هما مش قادرين عليه بيستعينوا بواحد زي حالاتي يمتلك معدات متخصصه لتخفيض منسوب المياه الجوفيه لحد مايركبوا الفرعه دي و يردموها و بعدين اشيل انا معداتي بعد مايردموا الفرعه نغيطها بالرمل كده و الطوب و نمشي لحد ماييجي الراجل بتاع الاسفلت و يسفلتها
السرعه في اداء مثل هذه الفرعات بيبقي علي حسب حساسية المكان زي مثلا
كان في فرعه كنت شغال فيها في قصر النيل قدام ارابيسك و قبل جراج مصر الطيران الفرعه دي ماخدتش شغل 7 ايام علي بعض مثلا و في اليوم التامن بليل كانت متسفلته
الموضوع اللي حصل بردوا اللي هو بتاع مبني الشهر العقاري الجديد اللي كان قريب من مجلس الشعب الارض هبطت كلها في الميدان و كانت النتيجه ان العمليه دي اسندت لشركة المقاولون العرب اللي دخلت بالاسطول بتاعها و دقت ستائر لتثبيت الجناب اللي هيا مافيهاش هبوط و تم حفر الميدان كله مساحه لاتقل عن 10متر في 10 متر مثلا لمعرفة سبب الهبوط
الماسوره الشهيره اللي كانت في يوسف عباس و ادت اللي عرقلة حركه المروور في صلاح سالم و تاني يوم كانت الميه للركب و الشارع اتقفل خالص و دي كان مدير الامن بنفسه كان موجود و واقف علي رجله لحد ماالموضوع خلص و ركبوا الماسوره اهي دي مثلا خدت يومين هيا حصلت بليل علي الساعه 11 تاني يوم كنت تلاقي الدنيا غرقانه بس و الميه وقفت لان دي سهروا فيها لحد الساعه 8 الصبح حاجه كده

ارجو اكون وضحت علي اد مقدر

شكرا يا وليد باشا علي المعلومات القيمة أوي دي

و علي فكرة النهاردة الشارع المؤدي لطريق ألماظة تم تغطية و رصف مكان الهبوط و لكن أي كلام و الصورة خير دليل :

http://www.nilemotors.net/Nile/attac...1&d=1285567037

اشكرك جدا على التقرير المميز
ودي ظاهره غريبه في طرق مصر والاغرب هو اهمالها حين وقوعها مع ماقديترتب عليه هذا الاهمال من خطر كبير خصوصا في الطرق السريعه او على السائق الجديد على الطريق

الشوارع بقت مرقعة .. شويه اسود علي ابيض علي حفر علي نقر علي مطبات .. شويه حفر للغاز واردم .. تيليفونات واردم .. كهربا واردم ... مجاري تضرب كذا مره افتحت واردم .. لو جيت بصيت علي جيولوجيا الأسفلت المصري .. هتلاقية مضحك جدا

الهبوط مش فى القاهره فقط كمان شارع السلطان حسين - محط الرمل فى اسكندريه وايضا امام كليه طب اسنان وربنا يستر بكره فين كمان ...

اقتباس:

---

المشاركة الأصلية كتبت بواسطة walidadel

طالما جيتو في الحته تباعتي بقي المفروض انا اللي اجاوب و لاني بلافخر عندي معرفه باي حاجه تحت الارض و دا نتيجه لطبيعة شغلي

اولا :الهبوطات دي بتحصل ليييييه
علشان مواسير الصرف اللي ماشيه تحت الارض او مواسير الميه بيحصلها مع الوقت حاله من الضعف و بتتكسر زي الماسوره اللي موجوده في صوره من الصور اللي هيا الصوره الاخير و دي بقي لما بيحصل الشرح طبعها نتيجه للعربيات و التريلات و الهزهزه بتاعة الارض تتكسر الماسوره و تلاقي الرمل اللي كانوا ردمين فوق الماسوره دي ابتدي ينزل في الماسوره نفسها و بيخف من تحت طبقات الاسفلت اللي بالتالي بتسقط مع مرور الوقت و لذلك تلاقي يصاحب اي هبوط في الارض وجود ميه حوالين الهبوط دا
ثانيا : ييجوا بقي يعملوا حاجه اسمها ترميم للفرعه اللي هبطة دي باستخدام معدات الحفر و معدات لشفط المياه من الحفر علشان يتم تركيب ماسوره جديده بدل اللي اتكسرت و لو موضوع شفط الميه هما مش قادرين عليه بيستعينوا بواحد زي حالاتي يمتلك معدات متخصصه لتخفيض منسوب المياه الجوفيه لحد مايركبوا الفرعه دي و يردموها و بعدين اشيل انا معداتي بعد مايردموا الفرعه نغيطها بالرمل كده و الطوب و نمشي لحد ماييجي الراجل بتاع الاسفلت و يسفلتها
السرعه في اداء مثل هذه الفرعات بيبقي علي حسب حساسية المكان زي مثلا
كان في فرعه كنت شغال فيها في قصر النيل قدام ارابيسك و قبل جراج مصر الطيران الفرعه دي ماخدتش شغل 7 ايام علي بعض مثلا و في اليوم التامن بليل كانت متسفلته
الموضوع اللي حصل بردوا اللي هو بتاع مبني الشهر العقاري الجديد اللي كان قريب من مجلس الشعب الارض هبطت كلها في الميدان و كانت النتيجه ان العمليه دي اسندت لشركة المقاولون العرب اللي دخلت بالاسطول بتاعها و دقت ستائر لتثبيت الجناب اللي هيا مافيهاش هبوط و تم حفر الميدان كله مساحه لاتقل عن 10متر في 10 متر مثلا لمعرفة سبب الهبوط
الماسوره الشهيره اللي كانت في يوسف عباس و ادت اللي عرقلة حركه المروور في صلاح سالم و تاني يوم كانت الميه للركب و الشارع اتقفل خالص و دي كان مدير الامن بنفسه كان موجود و واقف علي رجله لحد ماالموضوع خلص و ركبوا الماسوره اهي دي مثلا خدت يومين هيا حصلت بليل علي الساعه 11 تاني يوم كنت تلاقي الدنيا غرقانه بس و الميه وقفت لان دي سهروا فيها لحد الساعه 8 الصبح حاجه كده

ارجو اكون وضحت علي اد مقدر

---

شكرا جزيلا على التوضيح بس عندي سؤال

هل معنى كدة ان اللي بيحصل دة عادي و طبيعي ولا المفروض ان المواسير دي تبقى على عمق اكبر و التقفيل اللي حواليها دة مش مفروض يكون بطرق احدث من كدة بحيث لما الماسورة يحصلها حاجة دة ماياثرش على الطريق المبني فوقها ؟؟

اكيد في طرق تانية لتفادي حدوث الهبوط دة و كمان الحفاظ على المواسير ؟؟ بس اكيد مش في مصر

.

الموضوع منشور اليوم على اخبارك
الله ينور باشمهندس

لينك الخبر على اخبارك
ط¨ط§ظ„طµظˆط±: ط¸ط§ظ‡ط±ط© ظ‡ط¨ظˆط· ط§ظ„ط·ط±ظ‚ ظپظٹ ظ…طµط± - طھظ‚ط±ظٹط± ط.طµط±ظٹ ظ„ظ†ط§ظٹظ„ ظ…ظˆطھظˆط±ط² 1

باشا والله انتوا كدة رحمة !

بص احنا اسكندريا طريق ابوقير الي رايح من قبل المزلقان و بعده بيبقوا واقف بمعني الكلمة من 7 الصبح لحد 9 علشان البلد كلها رايحها هناك ! لو انتا معندكش مانع تقف في الزاحمة و موراكش حاجة بتقف بس في بديل االطريق ده يوازيه من ناحية التانية من القضبان بتوع القطر من ناحية المعمرو كدة ! الطريق ده ربينا ما يحكم على حد يمشي في عاوز عربية مجهزة بامكانيات غواصة ! ده في الصيف و عز الضهر الميه فيه عايمه لحد نص الجنط و العتب كدة والله بيبقا قلبك بيطقطع و العربية ماشية بتعوم فيه و مقلقش بقا الارض ساقطة تحس انك ماشي في قاع محيط و المشكلة انها مية مجااااااااااااري ! ايوة مجاري ! يعني الدنيا بايظة ! في الشتا الطريق ده ممكن المجاري توصل لحد شباك العربية!

بالنسبة لهبوط الطريق هد منتشر بطريقة غبية في كل حتة بتجمع ميه و عاملة زي النقر و اختبار تحدي للمساعدين هيقدر يستحمل كام هبطة ! يا جدع ده حتى طريق الكرونيش بيقا في تهبيطات كدة في الملفات و الله العربية بتعوم فيه ! و يقلك سبب الحوادث ايه.... شبابا متهور ! يعم مهوا لو مفيش نقر و الواحد بيلف يبقا العربية مش هتعوم يعني مش حتلبس !

ايه الحل في الاسفلت الي مخلوط بهوا ده ؟ انا عمري ما شفت كدة يبقا الشارع لسه جديد و مفيش شهر و هبط ! شوفوا الزاراعي عامل ازاي والله ده يقلب تيريلا مش ملاكي ! لو العربية معومتش على 60 يبقا انتا اكيد مايكل شوماخر !

ربنا يسترها معانا

اقتباس:

---

المشاركة الأصلية كتبت بواسطة donzi

شكرا جزيلا على التوضيح بس عندي سؤال

هل معنى كدة ان اللي بيحصل دة عادي و طبيعي ولا المفروض ان المواسير دي تبقى على عمق اكبر و التقفيل اللي حواليها دة مش مفروض يكون بطرق احدث من كدة بحيث لما الماسورة يحصلها حاجة دة ماياثرش على الطريق المبني فوقها ؟؟

اكيد في طرق تانية لتفادي حدوث الهبوط دة و كمان الحفاظ على المواسير ؟؟ بس اكيد مش في مصر

.

---

هو عادي علشان العمر الافتراضي للمواسير دي و الاوزان اللي بتمشي عليها زي التريلات و كده و خالي بال حضرتك التريلات دي تبهدل اجدع طريق و زي مابنشوف علي دخلة اي كارته بتلاقي التريلات مبهدله الدنيا
هو اكيد في طرق تانيه كتير بس غير مستخدمه في مصر علشان التكلفه حضرتك معظم التطويرات و كده بتبقي شغاله علي اعانات من دول اخري

نفسي يصلحوا طريق ابو رواش الي كله حفر وحتت هابطه ومتدمر. طريق منظره مرعب اصلا مايتمشيش عليه

هي الطرق بس اللي بيحصلها هبوط دة كل حاجة بيحصلها هبوط في البلد دة

اقتباس:

---

المشاركة الأصلية كتبت بواسطة walidadel

هو عادي علشان العمر الافتراضي للمواسير دي و الاوزان اللي بتمشي عليها زي التريلات و كده و خالي بال حضرتك التريلات دي تبهدل اجدع طريق و زي مابنشوف علي دخلة اي كارته بتلاقي التريلات مبهدله الدنيا
هو اكيد في طرق تانيه كتير بس غير مستخدمه في مصر علشان التكلفه حضرتك معظم التطويرات و كده بتبقي شغاله علي اعانات من دول اخري

---

شكرا جدا على الرد و التوضيح

بس لو التريلات دي بتلتزم بالاوزان المحددة ليه ولا ليهم طرق معينة يمشو فيا ولا لو الطرق مبنية صح من الاول و لو .......... و لو .............. ولو..............

و لو كل دة حصل يبقى انت اكيد اكيد مش في مصر

اقتباس:

---

المشاركة الأصلية كتبت بواسطة walidadel

طالما جيتو في الحته تباعتي بقي المفروض انا اللي اجاوب و لاني بلافخر عندي معرفه باي حاجه تحت الارض و دا نتيجه لطبيعة شغلي

اولا :الهبوطات دي بتحصل ليييييه
علشان مواسير الصرف اللي ماشيه تحت الارض او مواسير الميه بيحصلها مع الوقت حاله من الضعف و بتتكسر زي الماسوره اللي موجوده في صوره من الصور اللي هيا الصوره الاخير و دي بقي لما بيحصل الشرح طبعها نتيجه للعربيات و التريلات و الهزهزه بتاعة الارض تتكسر الماسوره و تلاقي الرمل اللي كانوا ردمين فوق الماسوره دي ابتدي ينزل في الماسوره نفسها و بيخف من تحت طبقات الاسفلت اللي بالتالي بتسقط مع مرور الوقت و لذلك تلاقي يصاحب اي هبوط في الارض وجود ميه حوالين الهبوط دا
ثانيا : ييجوا بقي يعملوا حاجه اسمها ترميم للفرعه اللي هبطة دي باستخدام معدات الحفر و معدات لشفط المياه من الحفر علشان يتم تركيب ماسوره جديده بدل اللي اتكسرت و لو موضوع شفط الميه هما مش قادرين عليه بيستعينوا بواحد زي حالاتي يمتلك معدات متخصصه لتخفيض منسوب المياه الجوفيه لحد مايركبوا الفرعه دي و يردموها و بعدين اشيل انا معداتي بعد مايردموا الفرعه نغيطها بالرمل كده و الطوب و نمشي لحد ماييجي الراجل بتاع الاسفلت و يسفلتها
السرعه في اداء مثل هذه الفرعات بيبقي علي حسب حساسية المكان زي مثلا
كان في فرعه كنت شغال فيها في قصر النيل قدام ارابيسك و قبل جراج مصر الطيران الفرعه دي ماخدتش شغل 7 ايام علي بعض مثلا و في اليوم التامن بليل كانت متسفلته
الموضوع اللي حصل بردوا اللي هو بتاع مبني الشهر العقاري الجديد اللي كان قريب من مجلس الشعب الارض هبطت كلها في الميدان و كانت النتيجه ان العمليه دي اسندت لشركة المقاولون العرب اللي دخلت بالاسطول بتاعها و دقت ستائر لتثبيت الجناب اللي هيا مافيهاش هبوط و تم حفر الميدان كله مساحه لاتقل عن 10متر في 10 متر مثلا لمعرفة سبب الهبوط
الماسوره الشهيره اللي كانت في يوسف عباس و ادت اللي عرقلة حركه المروور في صلاح سالم و تاني يوم كانت الميه للركب و الشارع اتقفل خالص و دي كان مدير الامن بنفسه كان موجود و واقف علي رجله لحد ماالموضوع خلص و ركبوا الماسوره اهي دي مثلا خدت يومين هيا حصلت بليل علي الساعه 11 تاني يوم كنت تلاقي الدنيا غرقانه بس و الميه وقفت لان دي سهروا فيها لحد الساعه 8 الصبح حاجه كده

ارجو اكون وضحت علي اد مقدر

---

اخيراً لقيت حد متخصص علشان اسأله
ليه الصرف في مصر بيبقى في نص الطريق؟؟؟؟؟
انا سافرت كذا بلد والصرف بيبقى على جنب الطريق مش في النص خالص اشمعنى مصر؟؟
عندك الكويت مثلاً بيبقى الصرف في الجنب والبلاعه بتبقى عباره عن صفايه واخده مكان بلوكين من الرصيف وعمري ما شفت هناك بلاعات في النص ابداً

وبعدين ليه مفيش طرق في مصر بتتصب خرسانه زي بقية دول العالم خصوصاً الطرق اللي عليها كثافه عاليه واوزان تقيله زي الطريق الزراعي اللي رصفوه مليون مرره وبعدها باسابيع تلاقي الطريق عامل زي ضهر الجاموسه :36_1_1[1]:

اللى اسوء من الحفر دى مكان الحفر نفسها
مثلا طريق الاسماعيلية القاهرة بعد منزل كوبري العاشر الحارة الشمال كلها نقر فى مكان واحد
وطريق البلاجات فى الاسماعيلية امام نادى الواحة الطريق عامل زى ميكون واحد مسك ورقة وكرمشها ورماها الطريق طالع نازل وللاسف اتصلح اكتر من مرة لدرجة الصيف اللى فات اتصلح 3 مرات فى اقل من 3 شهور والسنة دى اتصلح مرة وبرضة الاسفلت متعرج
وشارع المدارس نفس الكلام الشارع هبط بطول حوالى 20 متر بعرض الشارع جم صلحوا الشارع واعادوا بنائة من اول وجديد وقعدوا فية حوالى اكتر من شهرين يصلحوا فية ودلوقتى تمشي فى الشارع هابط برضة
وكتير وكتير
ربنا يستر طريقنا كلنا

هى ده مصر للاسف

لك الله يا مصر