الموضوع: (:@:) سنة مشرقة one sunny year 18-3-2008

النهاردة سيارتى الصنى تطفئ شمعتها الأولى معى ، حيث استلمتها ورخصتها يوم 18-3-2007 (ايام العز لما كنت بتسلم العربية وتروح ترخصها فى نفس اليوم وتلاقى نمر فى المرور) ،وهكذا اصبح عمر سيارتى عام كاملا اتمت فيها 12500 كيلومتر تقريبا بمعدل 1000 كيلومتر فى الشهر و500 كيلومتر اضافيه قطعتهاالسيارة فى رحلة واحدة استخدمتها فيها الى الإسكندرية

ونعرف جميعا ان السيارات ، مثلها مثل كافة الدواب الاخرى، تصل الى فترة النضوج وبدايات الشباب بعد سنة و 10 آلاف كيلومتر ، حيث انه فى السنة الأولى والأربعة ارقام الاولى للعداد تكون السيارة تحت التليين كما انها تكون محل دلع كبير من صاحبها وخوف شديد عليها، مثلها فى ذلك مثل الطفل الصغير ، اما بعد ان تصير شابة ناضجة فيكون عليها تحمل مسئوليتها فى الإهتمام بصاحبها واداء طلباته وتحمل نصيبها من سفالة الطريق المصرى مثلها مثل اى شاب فى بلدنا

واليوم ومع اطفاء سيارتى لشمعتها الأولى اقدم لكم تقييما للحالة الفنية للسيارة يكاد يتلخط فى جملة واحدة

العربية الحمد لله زى يوم ما جبتها

التغيرات التى طرأت على العربية كلها خارجية وتنحصر فى نقرة صغيرة لا ترى إلا من قريب على الكبوت وأخرى مثلها على الرفرف الأيسر، وثالثة فى باب السائق الأيسر وشرخ صغير جدا فى وش الفانوس الخلفى الأيسر وكام حكة فى الإكصدام الخلفى، وهى طبعا اشياء لا يد لى فيها لكنها تحيات عابرة من كرة طائشة او باب سيارة مجاورة، الخ

صوت المحرك تحسن كثيرا بعد التليين و وكذلك سحب العربية

العفشة تحسنت بعد التليين وبعد ضبط ريجلاش الديريكسيون

غيرت لها زيت الموتور على 5000 كيلومتر بنوع شل الترا وغيرت الفلتر (وهى دى الحاجات الوحيدة اللى غيرتها فى السيارة)، وبقاله معايا 7500 كيلومتر ولايزال محتفظا بلزوجته لكنه طبعا اغمق شوية

لم احتج اطلاقا لتزويد اى سائل اخر سوى سائل تنظيف الزجاج وهو زودوهولى فى التوكيل على 5000 كيلومتر

الفرش البيج مع العناية لم يسبب لى الكثير من الإزعاج، عموما انا ركبت كسوة بيج للكراسى تشبه الى حد كبير فرش السيارة الأصلى

صاج السيارة برغم انه خفيف لكن يتميز بقدر كبير من المرونة يعنى لو حد سند عليه او كورة جت فيه الخ بيدخل لجوة ويرجع يطلع لبرة تانى، ولذلك الحمد لله الآثار فيه مش كتيرة

ابتديت اتعرف الى اجزاء وميكانيكا السيارة الى حد كبير وابتدينا الى حد ما نصبح اصحاب

بس عموما انطباعى بعد السنة ان العربية تستاهل فلوسها، لسبب بسيط جدا، ان الحمد لله مشفتش منها مشاكل من اى نوع وادائها جيد جدا وتقربيا مافيش فروق بينها وبين السيارات المستوردة من نفس فئة الحجم والمحرك ولكن من فئة سعرية مختلفة تماما، فى حين ان الواحد بيسمع عن مشاكل كتير جدا من سيارات اصغر فى الحجم واقل فى الإمكانيات ومقاربة جدا فى السعر

الف مبروك يا سبعاوى باشا و عقبال ال1000000 كم و يا ترى جبت ايه هدية للعربيه

و عاوز اقول حضرتك حاجه انك حضرتك احد الاسباب الرئيسيه لمعرفتى بالمنتدى ده حضرتك وبيشوى اكسبرت