-
عايز اشترى عربية ب35 الف
انا عايز اشترى عربية ب 35 الف جنية عشان شكل كدة اويا حيحلقلى و ياخد العربية لما اتجوز...
انا عايز عربية متكونش قديمة اوى و فى نفس الوقت قابلة للتعديل... التكييف اساسى و باقى الكماليات مش فارقة... لازم تكون قطع غيارها متوفرة و سعرها كويس
انا فى دماغى كام عربية و عايز رايكم فيهم و لو حد عندة اقتراحات يبقى كتر خيرة
1- سيات ابيزا
2- جولف 2
3- لانسر 92
4- سيفيك اوائل 90
5- BMW E30
MMamdouh
-
اختياراتك محددة وواضحة يعنى مينفعش نقولك ريجاتا او اونو
BMW E30 Shark اسهل عربية فى دول ممكن تعدلها وقطع غيارها موجودة فى الحرفيين ومش غالية اوى بس هيا طبعا اغلى من اللانوس شوية وطبعا استيراد معظمها وممكن تجيب واحدة نضيفة بـ 25 مثلا وتصرف عليها ال 10 الباقين وهتبقا جامدة جدا وفى بعضها مكيف بس مشكلتها انك لازم تدور كتير لان العربية دى مطلوبة من الشباب الروش .
Golf II ممكن تلاقى واحدة فى حدود 35 وهيا عربية ممتازة بس يعيبها انها هاتشباك وقطع غيارها غالية شوية, ومش اى ميكانيكى يشتغل فى الفولكس بالذات , عموما لو انت مفيش عندك مشكلة فى الهاتشباك ممكن تشوفها بس برضة خد بالك لان المدعوك كتير فى السوق, فى منها مواتير 1800 و 2000 بس للاسف هتسمع اسعار غريبة.
لانسر 92 بطة, سعب انك تلاقى واحدة بالسعر دة الا اذا كانت تعبانة والعربية دى عفشتها ضعيفة شوية والحقيقة مبنصحش بيها اساسا, لان اخر تعديلاتها طقم جنوط 14 وكدة تمام.
سيفيك 90 نفس مشكلة السعر لانها بتوصل الى 45 الف وعموما انا كانت قدامى فى بورسعيد بـ 18 وفضلت عليها اللانوس لان السيفيك دى واطية اوى وبيسموها سيفيك بطة برضة , بس واطية جدا ولو ركبت 2 معاك هتلاقيها بتحف فى المطبات جامد.
سيات ابيزا رغم ان الناس بتقول انها المانى الا انى مش بحس فيها بطعم الالمانى, هيا شكل وموتور بسو انما العفشة بتاعتها مش بتاعة استخدام مصرى ابدا, دى عايزة ساعة تمشية كل يوم وشكرا بالاضافة الى ان قطع غيارها مبالغ فيها .
-
Golf 2 الأفضل لك من حيث التعديل و المتانة :)
بس قطع الغيار أعتقد غالية حبه (مش عارف)
إبيزا ممكن
لانسر حلوة
...السيفك و البى إم فى الرينج ده لأ سنه و سعر و حاله
أو تحط مقدم و تقسط الباقى فى حاجة أحسن
-
انا معنديش مشكلة فى الهاتش باك بس عندى مشكلة فى قطع الغيار انها تكون ناقصة عشان كدة محطيتش الشارك... صحيح الميكانيكا موجودة بي الاكسسوارات قليلة و تلاقيها بطلوع الوح... الE30 حتبقى حالتها كنبة لو بالسعر دة بس انا حطتها عشان اواسى نفسى انى ممكن اركب BMW
الجولف و الابيزا انا بحبهم و حسب ما اعرف ان اساسيات الابيزا هى جولف... اللى محببنى فى الابيزا انها حتبقى احدث من الجولف و حيبقى اسهل انى الاقى ابيزا حالتها كويسة عن جولف كويسة... بس طبعا لو الاتنين موجودين يبقى الجولف تكسب
اما اللانسر فا انا بحبها من زمان و حدش اشتكى منها... بخصوص التعديلات ممكن يتحط فيها موتور MIVEC اللى بيطلع 175 حصان... هو غالى شوية بس يستاهل
منتظر اراء باقى الاعضاء و توصياتكم
MMamdouh
-
بالسعر الى حضرتك بتقول عليه بيقى احسنهم الابيزا لانك هتركب موديل عالى نسبيا 94 بالنسبة لباقى العربيات الى حضرتك مختارها
والابيزا عربية جميلة جدا جدا وقطع غيارها رخصية فى الوقت الحالى ومعمرة جدا جدا
وبالنسبة للعفشة هى نشفة شوية ولكن قوية جدا جدا ومش غالية
و من احلى العربيات الى ركبتها فى حياتى وفضلت معايا حوالى 4 سنوات وكانت عربية اصيلة جدا عمرها ما عطلت ابدا او فى يوم جيت تدورها مدارتش
واغلب الميكانيكية بيفهمو فيها لانها ماتور جولف 2
وعيبها الوحيد التكييف
-
انا رأىى الابيزا افضلهم لانسر خير شر مفيش عاطفة بينى و بين متسوبيشى و سيفك حتبقى اقدم فا افضلهم هى الابيزا ( معرفش اية نظام قطع غيارها عندكم )
-
ابيزا
بولو
بونتو
التلاتة نفس الرينج
-
الابيزا... موتور جولف (آداؤه عادي), عفشه جولف (تستحمل), شكل حديث بالنسبه لسياره قديمه نسبيا, و امامك فرصه لتعديلها نفس تعديلات الجولف. قطع الغيار المستعمله موجوده (موجوده في بورسعيد) بس معرفش الجديده نظامها ايه. بالنسبه لمشكله التكييف في اللابيزا فدي مشكله في كل الالماني (حتى المرسيدس) و الحل تركيب كمبريسور تكييف ياباني). من الآخر خليك في الايبيزا و اابعد خااااااالص عن البي ام
-
الابيزا قطع غيارها نااااااااار
واحد صاحبى امبارح قاللى ان فى سويتش على فلتر التكييف ب800 جنية و مش موجود و قاعدة الموتور الواحدة ب 180جنية
MMamdouh
-
من رأى طالما مش هتاكل معاك الابيزا يبقا تشوف جولف 2 دبة حالتها معقولة وتتوكل على الله وهيا عربية ممتازة فى كل شىء " نسبة الى موديلها " ولكن يعيبها كما قلت سابقا قطع الغيار " مش مبالغ فيها زى الابيزا " وقلة الميكانيكية " بالنسبة للمنصورة " وممكن لو دورت شوية تلاقى حاجة حلوة فى رينج 35 بس هتاكل ال 35 كلهم وهتضطر تركبها ستوك يا باشا :D
وبالنسبة للمواتير انت عندك فى الجولف لحد 2200 سى سى وليها تعديلات واكسسوارات جامدة فى بورسعيد.
Content Relevant URLs by
vBSEO 3.6.0 PL2