الموضوع: مين قال ان السرعه القصوى للساجا 175 ؟؟؟ ادخل وشوف

المشاركة الأصلية كتبت بواسطة vsaga

هى فعلا الار بى ام بتاعها بيعلى بسرعه وده كنت سالت فيه من زمان من اول ما جبت العربية من تلات شهور كده ان الار بى ام بيعلى بسرعه وصوت الموتور يعلى بس بتحس انه عادى العربية بتزيد وبتسحب يعنى مش بتزعق وصوت الموتور عالى ومش بتزيد بالعكس السرعه بتزيد ولما قريت فى المانيول لاقيت غريب شوية ان بيقول السواقة الاقتصادية وعاملة السرعات والنقل فى جدول كده وفاكر مثلا انه قالى انقل الخامس عند 120 وده لو عملتها هاتلاقى الار بى ام ساعتها على 4.5 مثلا مع الرابع والناس قالت استنى اما تعدى ال 5000 الالف والعربية تلين لكن طلع ملهوش علاقة بس انا اتعرفت على ناس كده عاملين نادى للساجا فى ماليزيا وسالتهم على الموضوع ده وموضوع البنزين فقوللى اتشيك كده على حاجة انا الصراحة مفهمتهاش حاجة اسمها ال ecu او ال euc مش فاكر بظبط هما ليهم جروب على الفيس بوك
لو حد عنده فكره عن ال euc ده يقولنا

قصد حضرتك ال ecu. قولي كده اسم الجروب او لينك.

انا معايا ساجا اوتوماتيك و كنت راجع من اسكندري اول امبارح الساعه 2 بعد منتصف الليل طبعا الطريق كويس بعد التجديد و كان معايا اربع افراد في العربيه و كنت جايب بيها 180 و العربيه فيها تاني يعني عاوزه تقفل العداد انا بصراحه قولت بلاش لأن طريق مصر اسكندريه بردوا مش زي العالمين و غير كدا و كدا الطريق ضلمه كحل بس الحمد لله النور عندنا في الساجا ما شاء الله فارش علي الطريق قدامك كلوا ولا كأنو زينون وبعد ما جبت ال 180 فضلت ماشي علي كدا شويه بتاع 20 كيلوا ولا حاجه بس الار بي ام كان علي 4 مش علي 6 زي ما في الصوره عندك كدا و نزلت تاني علي 140 رجعت من اسكندريه تقريبا في حوالي ساعتين ايلا ربع لحد الهرم و وقفت ربع ساعه في الريست

ربنا يباركلك فى عربيتك والحمد لله على سلامتك
بلاش سرعات عالية بلييييز

المشاركة الأصلية كتبت بواسطة vsaga

والله ياريس انا قولت نفس كلامك كده بظبط وقولتلهم ازاى ادفع مدام دى شكوى والعربية فى الضمان قالوا عشان هانغيرلها فلتر بنزين وايه كمان هما الاول هايخدوا العربية يختبروا على طريق بمعرفتهم لو لاقوا ان الاستهالاك عالى من نظرهم ساعتها هاتدفع ال 100 جنيه ويغيروا الفلتر انما بقى لو جربوا ولاقوا استهلاكها كويس يبقى ساعتها هاتدفع 150 جنيه انا اتشليت ساعتها قولتلهم خلاص مش عايز
لما تروح تعمل صيانة هايقوللك نفس الكلام

جميل الرد ده والله لو جربوها وغيروا فلتر يدفع 100 لو مغيروش يدفع 150 ؟؟؟؟