الموضوع: مالوش لازمة التأمين...؟!

من غير ما اكمل باقى الموضوع انا هقولك حاجة واحدة بس
انا كان معايا تيوتا 2006 امنت عليها اربع مرات 2006 و 2007 و 2008 و 2009 فى اخر 2009 و قبل انتهاء الوثيقة ب 11 يوم و ربنا يعلم
عملت حادثة مميتة تكلفت 46 الف جنيه فى التوكيل دفعتها كلها و بعد كدة خدت من التامين بعد شهرين من الدفع 38 الف جنيه
اما الحادثة كانت ازاى فانا كنت واقف فى شارع الهرم عند البنزينة اللى قبل النفق على اليمين فى الطريق اللى رايح الجيزة كنت مستنى المقطورة اللى بتملى البنزينة تخلص و تمشى من البنزينة عشان اخش و احط البنزين
و طبعا الناس طايرة فى الشارع و جه شاب عنده 19 سنة معاه باسات بياخد غرزة خبط فى عربية ماشية حودته ناحيتى و خبط فية
التلفيات كانت قايمين و 4 جنوط و عتبتين و بابين و بلاوى كتير يعنى بدون اى زنب منى !!

دى مرة و فى العربية الجديدة الجين مثلا بقالها تلت شهور معايا عملت حادثة عديت على حجر وقع من نص نقل على الدائرى بليل قدامى سببلى بهدلة تحت العربية و التكلفى 4200 جنيه !! و انا الحمد لله مأمن

راجع نفسك اضعف الايمان ممكن تنزل متلاقيش العربية زى ابن خالتى كدا هوندا سيفيك 2009 و مش مأمن
هتأمن ؟ ولا هتركب ميكروباص مع ابن خالتى :)

أنا شايف إن التأمين فى مصر حتمى ولا مفر منه
ممكن أى شىء يحصل للعربيه فى شوارع مصر
ممكن عربيه تخبطك أو عربيه تخبط عربيه تانيه فتخبطك
أو نيزك يقع عليك من السما
أو تبقى راكن فى أمان الله بلكونه تقع عليها ولا شاب سيس واخد عربيه أمه يرشق فيها
طبعا الحافظ هو الله
لكن فى مصر لازم عربيتك يتعلم عليها وأنت ونصيبك