الموضوع: ضعف فى السحب بعد المطبات

اعتقد بشده انك بتكون على غيار اعلى من المفروض ... يعني مثلا بتخرج من المطب على الرابع مثلا او التالت مع ان المفروض تكون على الاول او بالكتييييير التاني

المشاركة الأصلية كتبت بواسطة fosfos010

انا عندى مشكلة فى السحب وبالزات لما اكون ماشي على 100 او اكثر واجى اهدى فى مطب بعد المطب مش بترضى تسحب غير بعد فترة ومش عارف دة اية زى مايكون انى دايس فرامل مع انى مش دايس وفرامل اليد واطية ومفهاش مشاكل؟
مع انى مغير الفلاتر بنزين وزيت وهواء من شهرين ومغير زيت وكنت مغير بالية واسطونة ودسك من حوالى 10000 كيلو وجبتهم فاليو وكنت مغير بوجيهات بلوتنيوم من 10000 كيلو ومغير سلك بوجيهات السيارة لانوس 2

والله يا صاحبي انا بيحصل معايا نفس الموضوع بالظبط , خاصة وانا رايح 6 اكتوبر :-) , لما بنزل من المحور واهدي عشان اخد اول مطب واجي اطلع من بعدها بحس ان العربيه بتنازع عشان تشد شويه
وللاسف لسا مقدرتش اوصل للسبب الحقيقي والمباشر , لكن انا متوقع ان سبب المشكله عندي هيكون حاجه من اتنين (رشاشات او طقم دبرياج) !!!!!

الاحتمال الاول :-
احيانا بقول ان ممكن عشان ببقا واخد المحور كله على 90 الى 140 كم/ ساعه (90 عند الرادار طبعا :-)) فـ الرشاشات بتكون بتدي نسب اعلى شويه من العادي والبنزين بيتحوش منه نسبه (تسييل) وعشان كده لما بهدي مره واحده واجي اطلع فـ كنترول العربيه بيستعشر ان في رشاشات بتدي نسب زايده فبيقلل ضخ البنزين فيها شويه وده أكيد بيأثر على الاداء العام للرشاشات وبيبان اوي في ضعف السحب , ويمكن عشان كده لما العربيه بتهدا شويه وادورها تاني بحس انها استعادت عزمها وسحبها
(ملحوظه : محمد السيد من سنه كان قال ان الرشاشات عندي فيها نسبه زياده بسيطه اوي عن الطبيعي)

الاحتمال الثاني :-
ممكن اسطوانه الدبرياج لما بكون ماشي مع كتر التحميل عليها في الاشارات والطريق ومع السرعه و و و و فلما بتسخن واهدي وبعدها اجي اطلع من سرعه بطئيه لسرعه اعلى تاني بتكون استجابتها اضعف من الاول (نتيجه سخونيتها)
وعشان كده عزم العربيه بيختلف عن بدايه الطلوع في البدايه خالص والعربيه بارده عن بعد مشوار والتهدئه لإشاره او مطبات

مش عارف احتمالاتي منطقيه او لا وطبعا ممكن ننتظر اصدقائنا اصحاب الخبره والمعرفه ونعرف منهم كل حاجه ويقولو رأيهم في الاحتمالات سواء بالتأييد او عدم الموافقه :-)

المشاركة الأصلية كتبت بواسطة mely

استسمحكم كلكم بعد اذنكم
اولا :البنزين المستخدم كام اوكتين
ثانيا: حد منكم نظف فلتر البنزين الى فى العوامه
ثالثا:حد كشف على ضغط الطرمبه بتاعة البنزين

انا شخصيا بحط بنزين 92 ومظبط فيشه الاوكتين على 95

وماعملتش تنضيف لفلتر البنزين في العوامه ولا كشفت على ضغط الطلمبه !!!

ده بيتقوقف على سرعتك بتكون كاام والغياره على كام وانت طالع من المطب لان ده بيفرق
وممكن يكون العيب ليس من العربيه وانما من طريقة النقل