مشكلة في علبة ديريكسيون لانوس 2007

**Moudi11282** · 26-09-2010 03:16 PM

مساء الخير لجميع الاعضاء, اولا أحب أشكر كل المشاركين علي الموضوعات الهايلة و المفيدة دي.
أحب استعرض معكم المشكلة الي عندي
انا عرابيتي لانوس 2007 عاملة 77000 كم من حوالي شهرين كنت بسمع صوت كركبة و دبدبة في العفشة قدام و أنا ماشى بس الموضوع دة مش بيحصل اول لما بطلع بالعربية يعني لازم امشي بيها شوية علشان الصوت يبان
و الصوت بيبان بالطوالي و فالملفات. أنا تخيلت انه ده هيكون من بيض الديريكسيون. رحت للميكانيكي بتاعي و كشف علي العربية كلها و قالي انه العربية كلها زي الفل و انة الصوت دة من علبة الديريكسيون فيها بوش من جواها بالرغم انه الديريكسيون معايا و انا ماشي مافيهوش حاجة هو قالي انه دة من جوة العلبة.
المهم انا سافرت بالعربية في العيد و رجعت ما سمعتش الصوت تاني غير امبارح ابتدي يظهر تاني.
ارجو النصيحة لمعرفة العيب او اروح لمين يكشف عليها يكون حد موثوق به. و يا ريت لو حد يعرف ثمن علبة الديريكسيون كام يقولي.
شكرا و أسف علي الاطالة في الموضوع.

**samirayad** · 26-09-2010 03:29 PM

صعبه أوى تلف علبة الدركسيون لعربيه موديل 2007

المفروض تستشير ميكانيكى تانى أو عفشجى

لمعاينة الحاله على الطبيعه

جايز يكون هناك مشكله فى أحد مكونات العفشه

زى كاوتشات الميزان أو جلب المقصات

وتكون العلبه بريئه

**Moudi11282** · 26-09-2010 03:46 PM

الغريبة انه العربية مش بتحدف و مفيهاش اي رجة علي السريع يعني انا كنت ماشي بيها 140 و مفيش اي حاجة هو الصوت و الكركبة دي بس
طب حضرتك تنصحني اواديها عند مين يكون حد كويس
شكرا علي نصيحتك

**samirayad** · 26-09-2010 03:49 PM

الحقيقه أنا مقيم بالأسماعيليه

ونظرا لأن حضرتك مقيم بالقاهره

فأنصحك بعرض السياره على ميكانيكى كويس بالقاهره

وليكن الأخ : محمد عبده

كل الناس بتشكر فيه هنا فى المنتدى

**Col. Eng. Khaled** · 26-09-2010 03:51 PM

أتمنى من حضرتك تكلمني إن شاء الله بكره أوصف لحضرتك عفشجي عنده ضمير في الحرفييين

بشهادة زميل لنا في قسم مازدا لما راح للراجل ده عمل له المطلوب بكل أمانة ، الأول كشف له على العربية (بدون مقابل) و قال له على اللازم

و فعلا الزميل راح جاب المطلوب (تاني أو تالت يوم) و العربية إتعملت و زميلنا مشي مبسوط الحمد لله .

**Moudi11282** · 26-09-2010 03:57 PM

لو ممكن تبعلي رقم العفشجي يا ياشمهندس اكون شاكر لأني مش معايا رقم حضرتك
و شكرا للبشمهندس سمير و يا ريت لو مع حضرتك رقم التليفون تبعيهولي
اسف يا جماعة علي الازعاج بس دي اول مشاركة ليا فاعزوني

**samirayad** · 26-09-2010 03:59 PM

المشاركة الأصلية كتبت بواسطة khalid9411

تربيط وزييت عفشة 100/100
كل سنه وانت طيب يا ابو احمد

الله يخليك يا أستاذ : خالد

وشكرا على السؤال

**Col. Eng. Khaled** · 26-09-2010 04:03 PM

المشاركة الأصلية كتبت بواسطة moudi11282

لو ممكن تبعلي رقم العفشجي يا ياشمهندس اكون شاكر لأني مش معايا رقم حضرتك
و شكرا للبشمهندس سمير و يا ريت لو مع حضرتك رقم التليفون تبعيهولي
اسف يا جماعة علي الازعاج بس دي اول مشاركة ليا فاعزوني

بعثت لحضرتك على الخاص