افضل اختيار لمساعدين اوبترا امامى

**aymanmaly** · 29-09-2010 01:10 PM

ابو يحى انت فين يا راجل
بس الكلام الى حضرتك بتقولة لما يكون فية اكثر من موضوع ها يتحطوا فى مكان واحد
لكن لو فى موضوع واحد و اكثر من مشاركة يبقى الاحسن اننا ناخذ اكبر قدر من المعلومات بطريقة منظمة لكى تعم الاستفادة و ممكن نوصل فى الموضوع لرأي نتفق علية
( موضوع واحد فية كل المعلومات احسن من 100 موضوع المعلومات فية مشتتة )
وفرصة ان الموضوع دة فية ناس هايلة بتتناقش فية مثال ضيفنا العزيز ( هو مش ضيف دة صاحب بيت ) المهندس ممدوح و باقى اعضاء القسم الافاضل و ناخذ فية قرار نهائى

و يجعلة عامر

**abou-yahia** · 29-09-2010 01:41 PM

ايوه
بس انا قصدي ايه الي يحصل في حاجه ذي الموضوع ده
اولا ان اننا نعمل موضوع جديد معنون ب موضوع النقاش
ثانيا نبرز خلاصه النقاش في الموضوع في اوله بمعني اننا نقول يا جماعه اللي حصلتله المشكله اللي شكلها كذا الحل بتاعه كذا بالطريقه الفلانيه و الحل ده مرجعه اراء الاعضاء في المواضع المرفق لينكاتها
ثالثا الموضع الجديد يبه مفتوح لاي استفسار او الوصول لحل جديد احسن من الموجود وفعلا الناس اتفقت علي الحل ده فيتم تعديل بدايه الموضوع او اضافه الحل ده اللي بقيه الحلول اللي ممكن اصحاب المشكله يلجؤلها .
ده حيساعد علي ايه :
1- سرعه الوصول الي الهدف للي العضوا عايز يوصله
2- استفاده العضوا من تجميعه الاراء في مكان واحد عشان التشتيت ولو عنده استفسار او اقتراح اخر يضيفه في نفس الموضوع عشان يزود الموضوع مش يفرعه .
3- ده حيسهل عمليه الدعم من الاعضاء ناحيه الاعضاء اللي محتاجه مساعده .

الفكره اللي عايز اوصل ليها في الاخر ان النقاش يتوجه في الاتجاه الايجابي وان القسم يببقه مرجع اساسي موثوق بيه لاي حد مهتم بيه ديه الصوره اللي انا شايفها لينا وده اللي حيميزنا عن بقيه المنتديات .
وطبعا انا بقول فكرتي واجري علي الله واحنا لما خنقعد مع بعض اكيد الطرح العام للافكار حيفيد وحيوجهها في الاتجاه السليم بما يخدم المجموع .
مش كده ولا ايه .

**MMamdouh** · 29-09-2010 07:48 PM

المشاركة الأصلية كتبت بواسطة medo2004358

ياريت يا جماعة تقولولي ازاي اتاكد ان المساعدين انتهو؟انا عندي الجوز اللي قدام محجرين بدوس علي جنبين العربية لا بتطلع ولا بتنزل.وياريت يا استاذ ممدوح تقولي أفضل نوع وسعرة بالنسبالي أنا استخدامي عادي ومش مركب جنوط يعني مش بجري اوي اخري 120:130 بس طبعا انت عارف الطريق الزراعي وشكرا ليكو كلكم

المساعد لما بيتلف اما بيجيب زيت او يبقى خفيف او محجر

لو جايب زيت حتشوفة بعينك.. لو خفيف حتلاقى العربية زى المركبة على الطريق او لما تضضغط عليها جامد بايدك حتطلع و تنزل مرتين تلاتة قبل ما تثبت على الارتفاع الطبيعى... لو المساعد محجر العربية مش حتنزل خالص

انا مش خبرة فى الابترا بس انا اعرف انم المساعدين المونرو حلوين جدا و بعدهم الKYB

MMamdouh