حمار سواقة !!!

**eslam_wega** · 27-09-2010 04:14 AM

مرة كنت ماشى فى الشارع الكبير الى فى المنصة بتاعة السادات وكنت بدور على يوترن عشان الف وارجع وبعدين وقفت فى اشارة ولقيت صنية صغيرة قولت تمام الف بقا من الصنية دى وفعلا الاشارة فتحت ووصلت للصنية وبلف بقا وكله تمام مرة واحدة القى اية لقيت رصيف فى وشى هههههههههههه مسكت فرامل جامد اترى الصنية دى مقفولة يعنى فيها رصيف فى النص كان معيا صاحبى ساعتها وكنا هنموت من الدحك

ومرة كنت بجرب عربية ولدى رينو كليو ومعرفش بقا انها مش ثابتة زى عربيتى واول مرة اركبها وطبعا سواقتى كلها غرز وكلام من دة بس لما يكون الوقت متاخر بالليل خالص وطريق محترم المهم كنت ماشى فى صلاح سالم وباخد غرز بس على خفيف خالص ومرة واحدة لقيت نفسى سخنت وكنت فوق الكبرى وماشى 100 110 وواخد الحارة الشمال وعربية قدام منى راحت رميت يمين جامد جدا ودى حركة بعملها ديما لما تكون الحرة التانية فاضية خالص وبروح رجع شمال سنة بسيطة عشان العربية تحكم نفسها ومعرفش بقا انا الكليو دى ثبتها مش حلو
واذى بيا العربية بتعوم جامد بس فى مكنها وحسيت انى هقع من فوق الكبرى من يومها لما اركب اى عربية مش ثابتة امشى فى خط مستقيم والسرعة القصوى 90 او 100 وعرفت قيمة العفشة الرياضية رغم انها مش حلوة فى المطبات

**Donzi** · 27-09-2010 04:16 PM

المشاركة الأصلية كتبت بواسطة yasserelsayad

جامد اوى الكرتون دا

انا قبل كدا عملت حركة بس كانت هتدخل الشارع كله فى بعض
كنت بليل على 11 كدا نازل من على المحور بجرى انا وواحد صحبى .. كان لسه المطب اللى اول ماتنزل دا مش موجود ..
المهم كان فى عمود نور مطفى وعامل ظل فى الارض وكان ساعتها كان فى موضة فى اكتوبر كل يوم بيعموا مطب جديد وانا بقى مكنتش واخد بالى وافتكرته مطب ورحت دايس فرامل على الاخر وراح طبعا صحبى من غير تفكير عمل زى بالظبط ... ولكم ان تتخيلوا بقى صوت فرامل العربيات اللى ورانا بقى عامل ازاى :) والشارع كله وقف على اساس بقى ان فيه مطب قدمنا ... ساعتها كل لما كان حد يعدى من جنبى كان بيشتمنى :) حتى صحبى ... Lol

+11111111111111

جامد اوي الموقف دة تخيل لو كانو خبطو في بعض كانو عملو فيك ايه

الحمد لله عديت على خير بس خالي بالك لحسن المرة اللي جاية تعكس و تقول دة مش مطب تلاقيه ظل بس و تلبس انت في الاخر

**yasserelsayad** · 27-09-2010 05:15 PM

المشاركة الأصلية كتبت بواسطة Donzi

+11111111111111

جامد اوي الموقف دة تخيل لو كانو خبطو في بعض كانو عملو فيك ايه

الحمد لله عديت على خير بس خالي بالك لحسن المرة اللي جاية تعكس و تقول دة مش مطب تلاقيه ظل بس و تلبس انت في الاخر

لا ما انا كنت هجرى وش

.. امال اطحن يعنى

**mahmoud_afifi** · 27-09-2010 09:09 PM

المشاركة الأصلية كتبت بواسطة Donzi

حضرتك تؤمر يا فندم

YouTube - 7mar Swa2a 000 ط.ظ€ظ…ظ€ظ€ط§ط±ط³ظ€ظ€ظˆ� �§ظ‚ظ€ط©

يا رب يكون ظاهر المرة دي مع انو كان ظاهر في الموضوع بس مش عارفة ايه اللي حصل

متشكر جدا لزوق حضرتك , وتعبناكي معانا

و الفيديوهات حلوه جدا

وعجبتني فكرة ان احنا نتواصل مع الي عملوا الكرتون ده عشان الواحد بيحصل معاه شوية مواقف ولا الافلام الهندي والله

**Donzi** · 28-09-2010 12:22 AM

المشاركة الأصلية كتبت بواسطة mahmoud_afifi

متشكر جدا لزوق حضرتك , وتعبناكي معانا

و الفيديوهات حلوه جدا

وعجبتني فكرة ان احنا نتواصل مع الي عملوا الكرتون ده عشان الواحد بيحصل معاه شوية مواقف ولا الافلام الهندي والله

ولا تعب ولا حاجة دي حاجة بسيطة

طيب ما تحكيلنا حاجة من المواقف دي ، اشمعنى انا حكيت على افظع غلطاتي يعني

.

**mahmoud_afifi** · 28-09-2010 03:54 PM

المشاركة الأصلية كتبت بواسطة Donzi

ولا تعب ولا حاجة دي حاجة بسيطة

طيب ما تحكيلنا حاجة من المواقف دي ، اشمعنى انا حكيت على افظع غلطاتي يعني

.

ربنا يخليكي , وعلى فكره الموقف بتاعك ده طبيعي الي انتي عملتيه. انا بشوف رجاله كتير بيحصلها كده وطبعا بيكسروا على العبد لله

بس بدل ما اتخانق معاهم واضيع من وقتي دقايق بقوم مكبر دماغي.

اما بالنسبه للمواقف .. مفيش اكتر منها. مره كنت متأخر عن الكليه و فاتت مني اول محاضره قولت لازم الحق التانيه وبرضه كنت متأخر يعني . قمت نازل جري و أخدت عربية اخويا الوسطاني عشان اخويا الكبير كان عامل حادثه بعربيته واخد عربيتي. طبعا واخد الدائري جري وغرز وقبل منزل محور 26 يوليو قلت الحمدلله الدائري خلص على خير. ببص قدامي لقيت ميكروباص قام كاسر عليا .. زمرتله عشان يوسع ابدااااا .. وطاخخخخخ اخدلي الجنب اليمين من العربيه. من عصبيتي دوست فرامل بقى عشان اقف اشوف ايه الي حصل. العربيه قربت تقف و طاخخخخخخ تاني .. السواق الغبي خبطني من ورا

كنت عاوز اضربه بصراحه بس شكله كان مبرشم وعربيته اتبهدلت قلت الحمدلله انه ماطلعش منها سليم وهيدفع.

تاني موقف بس بعربيتي بقى , رايح نفس الكليه الفقر الصبح , قلت لازم احترم نفسي وامشي هادي , الناس كلها بتجري وتسابقني وانا محترم ومؤدب. جيت عند محور المريوطيه عشان اكمل اروح الدائري ماعرفش ايه الي حصلي قمت جااااري جايب كل الي سابقوني وماشي على 180... طبعا جبت الناس دي كلها عشان هما مشيوا هادي عشان في رادار كان لسه جديد ساعتها على محور المريوطيه. هوووب وصلت للجنه قولت اتلقطت رادار. قمت مدي انتظار وزي الشاطر مستني الامين يقولي اقف. زمرتله حتى عشان يوقفني

قام عسكري قالي امشي !!!! قولتله امشي ؟؟ قالي أه.
قلت مصلحه وقمت ماشي بس هادي وبصص في المرايه احسن يرجعوا في كلامهم ويوقفوني. ماحدش عبرني
قمت مكمل جري تاني

والناس كلها فاكرني ابن حد من الكبار الي في البلد عشان مايوقفونيش

**yoko** · 28-09-2010 04:11 PM

المشاركة الأصلية كتبت بواسطة donzi

طب ليه الاحراج دة بس و كمان انا اول واحدة و بعدين تعودوا تقولوا سواقة بنات بقى و بتاع

امري لله

هاقول على افظع غلطة ارتكبتها - من ضمن غلطات مش كتير اوي والله - و كادت تؤدي الى كارثة بس ربنا ستر الحمد لله

كنت ماشية على الدائري اتجاه المعادي و لما النزلة بتاعة الاتوستوراد قربت خدت يمين شوية شوية لحد ما بقيت في تاني حارة من اليمين و كان قدامي ب 3 متر كدة موتوسيكل في الحارة اللي اقصى اليمين و لما النزلة قربت سيادتو افتكر انو عاوز يكمل علطول و كسر شمال بسرعة و جه قدامي و انا كنت ماشية 100 او 110 مثلا ، فا علشان افاديه كسرت الدريكسيون يمين اوي من غير ما ابص في المرايا ولا يحزنون و فجاءة سمعت صوت إييييييييييييييييييء فرامل جامدة جدا

اتاري كان في عربية تويوتا كورولا في الحارة اليمين دي ورايا و بيني و بينها اقل من ربع متر، الراجل كان هيطير من على الكوبري فعلا لو مكنش لحق يفرمل جامد

الراجل بقى جه و رايا - وكنا خلاص وصلنا النزلة - و وعرض العربية قدامي و وقف و نزل و قعد يهلل و يزعق وانا قعدت مكاني ساكتة يدوبك فتحت الازاز و اعتذرتلو و فهمتو انا عملت كدة ليه و سيبتو يطلع غلو كلو و كل اللي يعدي يقولو حصل خير حصل خير اتوكل على الله و ابقي سوقي براحة يا بنتي

لحد ما الراجل هدي و ركب عربيتو و مشي و انا مشيت و عديت والحمد لله بعد ما دمي و دم الراجل نشف و كل دة من بتاع الموتوسيكل منو لله و طبعا غلطتي اني مبصتش في المراية

شفت انا شاطرة ازاي

.

بسيطة أنا الحمد لله عمري ما أفرمل حتى مش انقل حارة غير لما أبص في المرايا بس بلاويه أكتر من كده بكتير

**Donzi** · 29-09-2010 12:25 AM

المشاركة الأصلية كتبت بواسطة mahmoud_afifi

ربنا يخليكي , وعلى فكره الموقف بتاعك ده طبيعي الي انتي عملتيه. انا بشوف رجاله كتير بيحصلها كده وطبعا بيكسروا على العبد لله

بس بدل ما اتخانق معاهم واضيع من وقتي دقايق بقوم مكبر دماغي.

اما بالنسبه للمواقف .. مفيش اكتر منها. مره كنت متأخر عن الكليه و فاتت مني اول محاضره قولت لازم الحق التانيه وبرضه كنت متأخر يعني . قمت نازل جري و أخدت عربية اخويا الوسطاني عشان اخويا الكبير كان عامل حادثه بعربيته واخد عربيتي. طبعا واخد الدائري جري وغرز وقبل منزل محور 26 يوليو قلت الحمدلله الدائري خلص على خير. ببص قدامي لقيت ميكروباص قام كاسر عليا .. زمرتله عشان يوسع ابدااااا .. وطاخخخخخ اخدلي الجنب اليمين من العربيه. من عصبيتي دوست فرامل بقى عشان اقف اشوف ايه الي حصل. العربيه قربت تقف و طاخخخخخخ تاني .. السواق الغبي خبطني من ورا

كنت عاوز اضربه بصراحه بس شكله كان مبرشم وعربيته اتبهدلت قلت الحمدلله انه ماطلعش منها سليم وهيدفع.

تاني موقف بس بعربيتي بقى , رايح نفس الكليه الفقر الصبح , قلت لازم احترم نفسي وامشي هادي , الناس كلها بتجري وتسابقني وانا محترم ومؤدب. جيت عند محور المريوطيه عشان اكمل اروح الدائري ماعرفش ايه الي حصلي قمت جااااري جايب كل الي سابقوني وماشي على 180... طبعا جبت الناس دي كلها عشان هما مشيوا هادي عشان في رادار كان لسه جديد ساعتها على محور المريوطيه. هوووب وصلت للجنه قولت اتلقطت رادار. قمت مدي انتظار وزي الشاطر مستني الامين يقولي اقف. زمرتله حتى عشان يوقفني

قام عسكري قالي امشي !!!! قولتله امشي ؟؟ قالي أه.
قلت مصلحه وقمت ماشي بس هادي وبصص في المرايه احسن يرجعوا في كلامهم ويوقفوني. ماحدش عبرني
قمت مكمل جري تاني

والناس كلها فاكرني ابن حد من الكبار الي في البلد عشان مايوقفونيش

انا بقول تغير الكلية احسن او تروح مواصلات

**Donzi** · 29-09-2010 12:36 AM

المشاركة الأصلية كتبت بواسطة yoko

بسيطة أنا الحمد لله عمري ما أفرمل حتى مش انقل حارة غير لما أبص في المرايا بس بلاويه أكتر من كده بكتير

طيب ساكت ليييه

ما تحكي يا يوكو قول يا راجل قول مفيش حد غريب

.

-

الموضوع: حمار سواقة !!!

LinkBack

أدوات الموضوع

عرض

-

-

-

-

-

-

-

المواضيع المتشابهه

حكمه من حمار ؟؟!!!!!!!!!!!!!!!!!!!!!!!

حمار سواقة "محدش يفهمني غلط وإدخل إقرا التوبيك الأول"

حمار يعني حمار

الكلمات الدلالية لهذا الموضوع

المفضلات

المفضلات

ضوابط المشاركة