هل فيه علاقة بين التيل ومستوي الزيت الباكم
اولا السلام عليكم.
ندخل فالموضوع: من كام شهر لاحظت نقصان مستوي الزيت الباكم في قربة الزيت اللي عالماستر الرئيسي فالموتور. بس مش النقصان الرهيب يعني ( تحت الماكس بحاجة بسيطة ) مع الوقت لاحظت المستوي بينقص كمان ( برده مش نقصان فظيع ) روحت كشفت علي كل حاجة وخراطيم وكدة والحمد لله مفيش اي ترشيح او تسريب من اي مكان. لحد مامستوي الزيت وصل عند الشفة بتاعة القربة. قولت اروح اجيب زيت واكمل القربة. الراجل بتاع الزيت قالي هو ناقص اوي قولتله تعالي شوف كدة.
بعد ماشاف قالي لا كدة مش ناقص ده عشان التيل بدء يتاكل فالزيت بيعوض النقص فالتيل ولو غيرت بتيل جديد هتلاقي الزيت كله رد فالقربة تاني. فده اللي عايز استفسر عنه فعلا الكلام ده مظبوط ولا لاء؟؟؟
تاني حاجة عايز استفسر عنها قالي ان العربيات الجديد فيها لمبة بتنور لو الزيت الباكم قل بس انا مش عارف اللمبة ده عندي ولا لاء وانا عربيتي لانسر 2001 ( مكوة ).
وشكرا مقدمااااااااااااااااا
