لأ مش هقبله و أدينى بدور أهو :)
لأ مش هقبله و أدينى بدور أهو :)
الفكره مش فكره انى اكون متقبل متهيالى الى بيشتغل فى غير مجاله بيبقى مضطر.. وفى ناس بتشتغل فى غير مجالها بس بيبقى للافضل وفى العكس...
بالنسبه لموضوع فودافون فدى شركه اوت سورس الى صاحب الموضوع معاها لكن فودافون نفسها صعبه شويه وواضح فعلا ان محدش عاجبه حاله:majd(2):
فى جميع الاحوال هقبل الشغل اللى بالواسطة ايا كان فى مجالى او لآ
لان مفيش شغل من غير واسطة غير نادر جدا ده ان وجد
يعنى اقبل اى شغل لحد لما تلاقى غيره
ومين فينا شغال فى تخصصه
:-)
كلامك صح بس مش فى كل الحالات...
بص لو اتنين فعلا راحوا انترفيو و واحد فيهم من غير واسطة ممكن يعرف يبين انه كفء و مجهز كويس و يجبر الشركة انها تاخده مظبوط. اللى بيختبره فى الغالب بيعرف يقيمه و يلمس فى انه كويس.
بس مش كل الحالات بتمشى كده...فى شركات أصلا لو انت مش معاك واسطة مش هتتصل بيك اساسا و لا تجيبك انترفيو. بيجيبوا صاحب الواسطة على طول...فين هتبين لهم انك كفء و تستاهل؟ و فين الفرصة اللى هتخليك تجبرهم انهم يعينوك؟
بص هو الجزء الأول من سؤالك ان امعرفش عن الشركتين دول بس ناس كتير حكولى فى شغلى ان فى شغلانتهم السابقة فى شركات معينة كان فى ناس بتتعين بواسطة و مش بيعملوا حاجة و بياخدوا مرتبات عالية جدا.
التفسير بسيط و هو قوة الواسطة ...فى واسطة بتكون قوتها انها تزقك للشغل بس و فى واسطة جامدة جدا جدا ممكن تكون مع صاحب الشغل نفسه لدرجه انه يخاف يمشيك لو انت مش كفء عشان ممكن يكون معرض لأحراج ادام واسطتك (يعنى من الأخر مستفيد أو استفاد بواسطتك) اكتر من وجودك السلبى بالشركة.
كفء أو غير كفء ممكن يكمل و ده حسب قوة الواسطة.
النص التانى من سؤالك...
من كلامك انت بتقول: ادامك شغل واسطة امامك حالا و الخيار التانى تستنى و تدور لحد ما تلاقى الشغلة اللى انت عايزها...
طيب لو هنفرض انك اخترت الخيار التانى..هل المنطقى انك تفضل عاطل من غير شغل لحد ما تيجى الفرصة؟
هتفضل فى البيت مثلا؟
الأحسن تشتغل و لو أي حاجة..عشان تاخد خبرة و لو فى أي حاجة تانية..لو مفيش خبرة يبقى عشان عقلك يشتغل و لو شويه صغيرين فى الشغل ده...لو مش هيشتغل يبقى عشان توفر دخل و متاخدش مصروف من الوالد..و لو مفيش دخل يبقى عشان احتكاكك مع الناس و حياتك الأجتماعية و لو مفيش يبقى عشان ميجيلكش احباط و يأس لما تفضل من غير شغل.
و انت فى شغلك ده انت مش نهاية المطاف..دور برضه ليه بتفرض انك لو بدأت شغل مش فى مجالك يبقى هتكمل فيه للأبد. اشتغل فيها مؤقتا و انت بتدور. موضوع التعيين فى مجالك فى شركة كبيرة لسه فى علم الغيب ... يعنى الخيارات اللى فعلا ادامك هى: أشتغل فى شركة مش مجالى و لا أفضل عاطل؟
ربنا يكرمك :)
حقيقة مقدرش اجزم
بس انا مش هسلم على طول ابدا ، اصل دى حياتى وهاعيشها زى ما انا عاوز
فى ناس كتير قوى بتعلق "فشلها" على "الواسطة" و "الحظ" و "الرزق" -تواكل و ليس توكل
و تيجى تقيمهم فعلا متلاقيش حاجة
فلو حتى هشتغل عامل هبقى راضى و احاول اطور نفسى دايما - عشانى انا قبل ما يكون عشان اى حد تانى
و هيجى اليوم اللى احقق فيه اللى عاوزه بس الصبر حلو :)
ربنا يبارك لك يا باشمهندس محمد :)
قدمت على ماجستير على هذا الاساس عشان حتى و لو ملاقيتش شغل يرضينى الفترة دى ابقى بعمل حاجة مهمة مع اى شغل تانى
و اللى عاوزه ربنا هيكون :)
الحمد لله رفضت الواسكة عشان محدش يكون ليه عليا جميل كبير زي ده
و الحمد لله لقيت شغل و مبسوط اوي فيييه
لسه الموضوع فيه طريقين طريق بيفضل الواسطه وطريق بيفضل يدور بنفسه ..المهم الظروف دايما مش على هوى حد سواء دول او دول
ربنا يوفقنا جميعا والمهم فى النهايه نلاقى شغل كويس