حصليتلى مشكلة غريبة جدا فى الحساب بتاعى على الهوت ميل
مش بيقبل كلمة السر و كل ما بعمل reset لكلمة السر بيقبل الباسورد الجديدة عادى
و اجى اجرب بالباسورد الجديدة نفس المشكلة برضة !!!
بعت للدعم الفنى جميع البيانات المطلوبة و منتظر الرد
بس فى حد جرب الطريقة دى قبل كدة و جابت نتيجة ؟
ولا خلاص بخ كدة
لأ , انا الaccount بتاعى اتسرق قبل كدا و اللى سرقه غير كل حاجة و بعتلهم رجعوه تانى و جربت مرتين متقلقش ان شاء الله هيرجعوه
انا بعتلهم كل البيانات اللى كانت مطلوبة فى الفورمة المخصصة لذلك
وعلى فكرة كانت كتيرة بشكل ملحوظ علشان يتاكد انك صاحب الحساب فعلا
وفى خلال 24 ساعة كانوا رجعولى حسابى تانى - لا تقلق
ربنا يسهل
انا فعل مليت كل البيانات حتى الغير مطلوبة
هو الأكاونت بيتسرق ازاي مش فاهم ؟؟؟ يعني حد بيبقي عارف باسووردك منين طيب ؟؟ ولا هاكرز ولا ايه ؟؟؟ وبيستفيد ايه ؟
اقتباس:
المشاركة الأصلية كتبت بواسطة zakiali
بتحصل بطرق كتير, طبعا اسهلهم انك تنسى و تسيف الباسورد على كمبيوتر في نت كافيه و لا حاجة زي كدة
في بعد كدة عن طريق الميسنجر, فيرس ينزل عند حد من اصدقائك و يبعتلك لينك لصور او اي كلام, لو دخلت, بالسلامة كدة (دي اتعملت فيه على الياهو).
الطريقة الصعبة انه يكسر الحماية بتاعت الموقع و دي عملية صعبة جدا و اساسا الهاكرز اللي بالمستوى ده مش حيدورو على free mail يسرقوه.
ابعد عن مواقع phisher الى هيا بتبقى نفس الصفحى الاساسية لكن صفحة وهميةاقتباس:
المشاركة الأصلية كتبت بواسطة Sherif Khalifa
وابعد عن البرامج المشكوك فيها
وخلى بالك من الى بيبعتلك ايميل ويقولك اضغط هنا وبيطلب منك الاسم وكلمة السر
دايما تنزل البرامج من المواقع الاصلية بتاعتها واذا كان على الالعاب انت عندك الاكركات المشهورة وبلاش من الحاجات الغامضة لان بتوع الهاكر بيعمولو حاجة اسمها انكربت على الفايل فالبتالى الانتى فايروس مش بيكتشفة الا بعد وقت
نزل انتر فايروس كويس واعملة ابديت على طول
من الوقت للتانى ابقى امسح الملفات المركونة فى صفحى الويب الى هيا histroy
واخيرا اوعى تدوس او تستقبل حاجة من واحد صاحبك على الياهو او الماسنجر اكتر من المحادثة متعملش ولو هو تبص على صورة قولة ارفعها على موقع للصور
هو ممكن الى اخد ايميلك يكون غير كلمة السر والسؤال السرى بس ادام اداك الباسورد الجديد يبقى خير ان شاء الله وابعت للدعم الفنى وهما هايحلوها باذن الله
واخيرا اوعى تدوس او تستقبل حاجة من واحد صاحبك على الياهو او الماسنجر اكتر من المحادثة متعملش ولو هو عايزك تبص على صورة قولة ارفعها على موقع للصور ويكون مشهور بس متنزلهاش على جهازك ولو كان ملف متنزلوش عندك وخد اسمة ونزلة من الموقع الاساسى
واخر اخر حاجة متكتبش باسورد سهل او كلمة ممكن حد يقدر يخمنها خليك فى الحاجت الصعبة ولو انت مشترك فى كذا منتدى متخليش الباسوردات كلها زى بعضها
بس فى موقع جميل جدا بيبحث عن الحاجات المشكوك فيها بس بردة لو هيا معمولها انكربت مش هتبان على العموم هو بيبحث 46 انتى فايروس وبيجبلك النتيجة فى الاخر
VirusTotal - Free Online Virus, Malware and URL Scanner
لو اتبعت الكلام دوة مفيش حد هايقدر يعرف الباسورد بتاعك من اصلة ولا هايعرف يجيبة