عرض للطباعة
السلام عليكم ورحمة الله وبركاته
ياجماعه بإختصار شديد ليا واحد صاحبي معاه لانسر بومة 2008 1600 العربيه عدادها حاليا عدي ال80 الف ومع ذلك محصلش فيها غير انه بيغير زيت وفلتره احيانا وطبعا طبعا بنزين 80
دلوقتي عاوز اعرف العربيه دي ماشيه ولا شغاله لحد دلوقتي ازاي
ومن يوم مااشتراها عمرها مادخلت توكيل اصلا او اتعملها اي نوع صيانة ييجي علي بالكم
صاحبي دة من الاسماعيليه
بسم الله ماشاء الله
ربنا يباركلو فيها
بنزين 80 !!!!!!!!!!!!!!!
مش معنى انها ماشيه يبقى كله تمام
العربيه دي ممكن او لازم هتلاقيها بتأخر في الدوران لان فلتر البنزين متغيرش ومعاد تغيره كل 40 الف كلم ومعاه زيت الفتيس الاتوماتيك وسير الكاتينه عال 60 الف وبعدين كل 40 الف دي الصيانات الدوريه
اما بالنسبه للتيل طبعا حسب المشي لكن في المجمل ده مش صح الي صاحبك بيعمله لازم تتابع الصيانه الدوريه في مكان كويس على الاقل مركز خدمه وكل 20 الف على الاقل علشان العربيه تفضل ماشيه معاك لان لا قدر الله لو سير الكاتينه اتقطع اقل شئ انك هتحل وش سلندر وتغير طقم صباب
ليه يا هيثم الحقد ده؟؟؟؟؟
تلاقي صاحبك بس نيته صافية وقلبه ابيض وبيحب احمد عز والحزب الوطني
ربنا يبارك له فيها
هيبقى عمرها قصير وهتفتح بقها فى أى وقت خاصة بعد الموضوع ده
اتصل بصاحبك بكرة اطمن عليه وعالعربية بعد الكلام اللي اتقال. ولو قالك ان في حاجة حصلت فالعربية علي فجاة وميعرفش السبب قوله احنا عارفين السبب واعمل عبده عشان صداقتكو تستمر
لو فضل كده هتنهار انهيار مفاجيء .. مش هيلاحق عليها طلبات متقلقش .. وسعتها هتسأل .. هو ازاي كان مكبر دماغه كده
عادى دا فى بى امات ماشة برضة 80
ياباشا انا عندى واحد صحبى معة لانسر 1300 2008 عاملة 96000 الف كيلو
و مغيرش اى حاجة فى العربية غير الزيت
و العجل لسة مغيرة من اسبوعين
وحالة العربية نظيفة جدا و لو شفتها هتقول انها عاملة 30 40 الف كيلو
طبيعى جدا ياهيثم ومحدش يستغرب فعلا ياجماعه وانا عارف ومتاكد من الكلام ده
ومعاك لغايه 120 الف بس طبعا لازم تغيير السيور قبل ال90 وانا جربت الكلام ده بنفسى فى عربيه 2005 كل اللى غيرته دراعات الاسكترا فقط لا غير
في ناس بتخلط البنزين 90 مع 80 أو 92 مع 80، هل ده كويس ولا أيه.؟
فعلا انا ليا واحد قريبى كان جايب لانسر وشغلها فى مكتب تأجير وبعد ما استلم العربيه من المكتب
كانت عملت 90 ألف كيلو واكتشف فى التوكيل لما وداها انها معملتش اى نوع من انواع الصيانه
وعملها الصيانة المطلوبة وماشية معاه ماشاء الله زى الفل وبعدين اللانسر من العربيات الى بتتحمل
اوى لأن لو العربية ديه اى كلام مكانتش اصلا هتقعد لحد 50 ألف بحالة كويسه بدون صيانة
خلينا نشوف ايه اللى كان المفروض يتغير فى الفترة دى غير الزيت
فلتر البنزين فى المقابلة اللى فاتت الناس اجمعت ان طالما انت مبتجيش ناحية الربع الاخير من التانك مش محتاج تغيره ابدا , حتى الناس اللى مبتعملش كدا العربيه ماشية معاهم تمام ولا الفلتر اتسد ولا حاجة
التيل اكيد طبعا اتهرى والفرامل بقت ضعيفه وبياكل فى الطنبوره
فلتر الهواء بالتنظيف يمشى عليه عادى بس اكيد هتلاقى فيه حتت مقطوعة وكدا غلط ممكن يدخل منه وبر او اى حاجه صغيرة جوا وتعمله مشاكل كبيرة
البوجيهات هى اللغز الوحيد بالنسبة لى ازاى كل ده ولسه شغالة !!!
ربنا يباركله فيها بس نبه عليه ان دلوقتى لازم يغير السيور علشان العملية متقلبش معاه بدراما
اللانسر بتثبت كل يوم قد ايه هى عربية حمارة شغل متفصلة للمصريين :)
طيب انا عندي لانسر 2006 1600 ماشيه 130.000 ولغايه دلوقتي مغيرتش غير زيوت وفلاتر وكاوتش :)
طيب التيل!!؟؟اقتباس:
المشاركة الأصلية كتبت بواسطة vtc
انا بكمل 30 الف والتيل بيصفر على طول ولازم يتغير ازاي بتحافظو عليه كده؟
وغير السيور علشان تبقى في المضمون
انا تيل الفابريكة عندى غيرته على 40 ألف وكان لسه فيه يقعد 10 كمان مستريحاقتباس:
المشاركة الأصلية كتبت بواسطة ralliart
هههههههههه انا اصلا قلتله عاوزك تراسل ميتسوبيشي يمكن يبعتولك واحدة هدية عشان ترحم الي معاك
هيه الفكره ان العربيه دي بتشوف الويل وطبعا العداد في الفترة دي بيظهر يعني ايه الويل
ونسيت اقولكم ان العداد دة غيرت 7 مرات زيت وبيمشوا علي ال10 الالاف موبيل 1 اكتر من 11 الف دي اقل واجب ...
انا عاوز اقول حاجه اللي اتعلمتوا من الموضوع دة ومن كلام الاخوة انه دليل فعلي لعربيه محترمة وحمالة آسية
بس برضه مستغرب العربيه دي بتمشي كده ازاي ههههههههههه والله في المواسم بس بتشوف بنزين 90 ولا 92 علي الماشي يعني ميكملش صفيحه انما غير كده 80 سك علي ابوه
دة انا مبعملهاش في عربيتي الكرباتير وبخلط كمان
انا كنت عاوز اسال سؤال لو البلية خشنة عندي اعرفها ازاي لاني شاكك في كده ياريت لو حد يقدر يقولي لاني بسمع صوت خشن في اللفات القليله للموتور يعني بتختفي بعد 2000 او لما توصلها تقريبا
اول حاجه واحشـــنــي بجد يااجدع الناس :Ob_mak1[1]:اقتباس:
المشاركة الأصلية كتبت بواسطة أبو إياد
تاني حاجه هو دراعات الاسكترا دي بتبقي ايه بالظبط يعني بحس بإيه عشان اعرف انها عايزة تتغير
وانت والله واحشنى اكتر وعاوز لما انزل الزقازيق اشوفكاقتباس:
المشاركة الأصلية كتبت بواسطة haitham10
بالنسبه لدراعات الاسكترا بتتاثر وتبوظ بسرعه لو مركب جنوط اكبر او كاوتش اعرض من المقاس الاصلى وبتبان فى حالتين اول لما تيجى تدور الموتور بتحس برجه خفيفه اوى
واى واحد غشيم هايقولك قواعد بس هى بتكون دراعات الاسكترا
والحاله التانيه طول ما فى ارض متعرجه تحس بخبطات جامده وده عيب شائع فى الانسر او اضعف حاجه فى العفشه
بالنسبه لمعالجه العيب لو بتوع العربيه الاصلى ممكن تكبسهم مره واحده بس
لكن هايتغيروا بعد كده والتيوانى بتاعهم كويس جدا ومافيش فيه اى عيوب وسعرهم 200ج
انا عرض الكاوتش عندي 205اقتباس:
المشاركة الأصلية كتبت بواسطة أبو إياد
وفعلا ..فعلا
شكلي كده عندي دراعات سكاترة...
واحشني موووت يابوإياد
أنا جبت الطلب إلي كنت قولتلك عليه من بورسعيد ..على 1800
الاربعة
اقتباس:
المشاركة الأصلية كتبت بواسطة a7med_pharma
والله وانت واحشنى جدا ونفسى اشوفك ويسلام بقا لو فى المعموره
ومبروك عليك الحاجات سعرهم كده فى الجون
ههههههههه ياجماعة كلامنا جاب نتيجة .. الفردة عنده اتخرمت وبيسلم عليكم وبيقولكم العربيه لا بتاخر في دوران ولا في اي حاجه وبطلوا نق عشان المرة دى جت علي فردة كاوتش الجايه ياعالم وهيدفعكم فلوسها ههههههه بيحلم طبعا
بالنسبة لدراعات الاسكترا دى شكلي انا كمان محتاجها يابو اياد .. تاني حاجه يارب اشوفك فعلا بس ابقي عرفني عشان انا مش من الزقازيق فعشان الحق ارتب اموري واجيلك ياحبي وعشان عاوز اشوف فارما هو كمان
يا جد عان أغلبية شعب مصر مش بيعملوا صيانه عاديه أو فى التوكيل
الواحد فاضى يصرف على التوكيل ولا على عيله
والله وربنا بيسترها
اقتباس:
المشاركة الأصلية كتبت بواسطة dr ahmed
+1111111111111111111
هتقع كلها مره واحده
والله انا حذرت وعملت الي عليا لان الاهمال دة مش توفير ابدا
حتي الكاوتش بقاله سنتين من يوم مااشتروها زيرو متغيرش