أستلمت جين 2 أمبارح ... الحمد لله .

أزيكم يابروتوناوية .. لو تفتكروا أنا صاحب التوبيك ده

http://www.nilemotors.net/Nile/176915-test-drive.html

الحمد لله أستلمت أمبارح العربية gen 2 2010 AT من التوكيل وصلت التوكيل الساعة 11 صباحا ومشيت بالعربية

الساعة 6 مساءا بعد تقريبا 7 ساعات من المعاناة بس كانت أجمل معاناة لأن بعديها خدت المفتاح اللى كان بقالى

حوالى 4 شهور مسنيه .. المهم وصلت التوكيل أنا وحسام صاحبى وبعدين قبالنا الأستاذ محسن ودفعت فى الخزنة

وبعدين رحت كارفور لحد ما العربية تتغسل لفينا ساعة ورجعنا وكنا طبعنا التوبيك الهايل بتاع midosalah اللى

فدنا فى الأستلام :

http://www.nilemotors.net/Nile/179029-2.html

فحصنا العربية من كل حاجة وماشاء الله كانت كويسة ولكن لازم تحصل حاجة تزعل .. اللى حصل أن كان فى

زى حوالى 0.5 سم بويه حمراء فى الأسبويلر وجبت المسئول عن التسبيم المدعو محمد العسيوى اللى بيسلمك

الحاجات الهايفة زى الأريال بتاع الراديو والدواسات علشان تتطلع أى حاجه فى الأخر وتديهالو , قلتلو أيه ده راح ندى

واحد معاه بقطنة فيها تينر ولما جه يمسحها الدهان طلع وزادت بقت 1 سم المهم قالى فى واحدة تانية جوا بدلها

هنغسلهالك .. رحت وقفت معاهم جوا وهما بيغسلوها علشان أفحصها من برة لقيت فيها بوية سوداء ولما

طلعوها بره كان تقريبا فى أثار لحام وسوء تقفيل نسبيا مش زى العربية الأولنايه كانت تقريبا كويسة جدا خرجوها

بره والتانية رجعت تانى ولقتهم دهنا ال 1 سم اللى كانوا فكرينوا بويه حمراء واللى عرفت بعد كده من أيمن لما

كلمته أن البطانة تحت لون العربيه لونها أحمر ... الراجل اللى أسمه محمد العيسوى قلى أنت زعلان ليه مأغلبية

العربيات اللى هنا بتترش قبل مايتم أستلامها بالكود بتاع اللون بتاع العربية وبعدين قلتله أيه اللى أنت بتقولوا ده

قالى لو العربية دى مريحاك خدها وتعالالى فى أى وقت بعد كده أبقى أغيرلك الأسبويلر .. طبعا أنا حسيت أنها

مش باينا أقوى وفنفس الوقت لما قالى دى غلطة من أننا وأحنا مسئولين نغيرهالك فى الوقت اللى يكون عندنا

الكلبسات ونفس لون العربيه تعالالنا وأحنا نغيرهالك .. أستلمت العربية الحمد لله وخدتها وفولت 92 من أمارات مصر

... مع أنى كنت عاوز أحطلها 95 فى الأول بس ٌلت علشان المتور يتعود على 92 علشان طبعا ماكنتش هفضل

أحطلها 95 على طول .

الجانب المضئ : العربية ماشاء الله ثبات .. هاى تك ... كاسيت وسماعات محترمين صالون مريح .. عفشة مش

ناشفة خالص السيراتو أنشف بكتير .. المالتى فانكشن ده مريح أوى .. سينسور بارك مفيد طبعا ..فرامل عادية

جدا غير العربية البايظة اللى كنت بجربها فى التيست درايف زى ماأيمن كان قايلى بالظبط .. ربنا يباركله . فى

لسه بعض الحاجات هاتيجى بالتعود زى مقاسات العربيه والزجاج الخلفى طبعا الروئية منه قليله بس حاسيت

فى الأخر أنها ميزة أنه قفلك الكادر .


فى حاجه عاوز أقولها فى بعض الناس بتدخل تشعوط الدنيا .. فى حاجة عاوز أقولها .. هو الناس ليه بتشترى بروتون علشان تشتم فيها ..الموضوع ببساطة .. فى توكيل وفى صيانة ومعاك ضمان تبقى فين المشكلة وأن شاء الله مايطلعش فى مشاكل مع أى حد .

أخيرا بدعى لكل واحد أن ربنا يهديه
بشكر الكينج أيمن على متابعته الدايمة وأرائه التى بنسبة كبيرة مايحالفها الصواب .. وأحب أقوله ربنا يكرمك دايما يابروتونى ياقديم :satelite:

1000 مليون مبروك يا باشا و ربنا يحفظهالك و يكفيك شرها

الف مبروك علي العربية وربنا يديك خيرها ويكفيك شرها انشاء الله

الف مبروك يا معلم و يحميك من شرورها و يديك خيرها و تستمتع بيها بدون نق ولا حسد يعكنن عليك ان شاء الله

الف الف الف الف الف مبروك يا اخي وربنا يديك خيرها ويكفيك شرها يا رب ويكفيك ويكفيها شر وعين الحسود يا رب العالمين ... تحياتي لك اخي واهلا بك وسط عائلة بروتون ..

الف مبروك علي العربية و ربنا يكفيك شرها

اهم حاجة انك تكون مرتاح في العربية و متزعلش من الحاجات البسيطة دي

الف مليوووووووون مبروك علي العربية وربنا يديك خيرها ويكفيك شرها ان شاء الله

الله يبارك فيكم جميعا ... وربنا يبعدنا عن أى حاجه وحشة .. وكنت عاوز أقول أن الكتالوج بتاه العربية فى حاجات حلوة كتير وفى أجابات لأسئلة كتير كان بعض الأعضاء بيسأل عنها ..

اقتباس:

---

المشاركة الأصلية كتبت بواسطة boyzoone

حوالى 4 شهور مسنيه .. المهم وصلت التوكيل أنا وحسام صاحبى وبعدين قبالنا الأستاذ محسن ودفعت فى الخزنة

روحتوا انتم الانتين مع بعض بس

وبعدين رحت كارفور لحد ما العربية تتغسل لفينا ساعة ورجعنا وكنا طبعنا التوبيك الهايل بتاع midosalah

اه في السيبر الي في كارفور حتي بالاماره كل مرحله في صفحه صح

زى حوالى 0.5 سم بويه حمراء فى الأسبويلر وجبت المسئول عن التسبيم المدعو محمد العسيوى اللى بيسلمك

الحاجات الهايفة زى الأريال بتاع الراديو والدواسات علشان تتطلع أى حاجه فى الأخر وتديهالو

وانت الي كمان الي قلتله علي موضوع ال PDI صح

---

صحيح خير تعمل شرق الدلتا
:khd::khd::khd:
:mad2::mad2::mad2:
:H_angry[1]:

ألف مبروك علي العربيه و ربنا يكفيك شرها و متنساش تدبحلها حاجه مهم اوي

اقتباس:

---

المشاركة الأصلية كتبت بواسطة betza

صحيح خير تعمل شرق الدلتا
:khd::khd::khd:
:mad2::mad2::mad2:
:H_angry[1]:

---

أيوه يأسلام صح أنت عرفت منين ... أنا نسيت ياجماعة أقولكو أصل أسلام كان معانا برده .

ياحبيبى ربنا يباركلك على المجهود اللى عملتوا معاى وعقبالك جينا 2011 أن شاء الله

بس عجبانى أوى حكاية شرق الدلتا دى :S_thum1[1]:

اقتباس:

---

المشاركة الأصلية كتبت بواسطة spiderloking

ألف مبروك علي العربيه و ربنا يكفيك شرها و متنساش تدبحلها حاجه مهم اوي

---

الله يبارك فيك ,,, أن شاء الله فى أقرب وقت هدبحلها

اقتباس:

---

المشاركة الأصلية كتبت بواسطة boyzoone

أيوه يأسلام صح أنت عرفت منين ... أنا نسيت ياجماعة أقولكو أصل أسلام كان معانا برده .

ياحبيبى ربنا يباركلك على المجهود اللى عملتوا معاى وعقبالك جينا 2011 أن شاء الله

بس عجبانى أوى حكاية شرق الدلتا دى :s_thum1[1]:

---

هاخود حقي لما اشوفك

:36_1_40[1]::36_1_40[1]::36_1_40[1]:

مليون مبروك يباشا وربنا يباركلك فيها ويديك خيرها ويبعدك عن شرها باذن الله
تحياتى

ألف مليووووون مبرووووووك,انشالله ربنا يخليك مبسوط بيها ويكفيك شرها ويبعدك عن مشاكلها وتكون سبب راحه لييك...

وعقبااالى كده يااارب لما اجيب البيرسوونا,ياريت تصورهالنا عشان نشوفها

الف مليون مبرووووك ربنا يباركلك فيها
متتخيلش انا مبسوط اد ايه ان فى حد استفاد كده من التوبك بتاع الاستلام يارب ميكونش انت اخر واحد
وعقبالى ادعووووووووووووولى
الف مبرووك مرة تانية

الف مبروك يامعلم انا حاسس انك مستلم من الاسكندريةلو ممكن تدينى رقم تليفونك

مبروووووك جين2 الجميله ربنا يديك خيرها ويكفيك شرها :120105~352:
اهلالالالا بيك :36_1_1[1]:
ربنا يوفق

الف مبروك علي العربية وربنا يديك خيرها ويكفيك شرها ان شاء الله

اقتباس:

---

المشاركة الأصلية كتبت بواسطة midosalah

الف مليون مبرووووك ربنا يباركلك فيها
متتخيلش انا مبسوط اد ايه ان فى حد استفاد كده من التوبك بتاع الاستلام يارب ميكونش انت اخر واحد
وعقبالى ادعووووووووووووولى
الف مبرووك مرة تانية

---

التوبيك جامد جدا ويستاهل ربنا يكرمك

:ma::ma::ma:

اقتباس:

---

المشاركة الأصلية كتبت بواسطة AhmedElwakeal

الف مبروك يامعلم انا حاسس انك مستلم من الاسكندريةلو ممكن تدينى رقم تليفونك

---

معلش خيرها في غيرها احمد من الهرم

:10D5C8w1107::10D5C8w1107::10D5C8w1107:

ألف مبروك
:)

الف مليون تريليون مبروووووووووووك ربنا يبارك لك فيها ويكفيك شرها ويعطيك خيرها ان شاء الله

جبت لونها اية بقي

اقتباس:

---

المشاركة الأصلية كتبت بواسطة boyzoone

الله يبارك فيك ,,, أن شاء الله فى أقرب وقت هدبحلها

---

والله أعلم الموضوع ده بدعة...ولكن تصدق
ربنا يبارك لك فيها ويكفيك شرها

حمد الله على السلامة.. وأهلاً بيك أخيراً...
وربنا يبارك لك فيها و يكفيك و يكفيها الشر والسوء..

الف مبروك............ ربنا يرزقك خيرها ويبعد عنك شرها
ويديم علينا نعمه وييحفظها من الزوال

اقتباس:

---

المشاركة الأصلية كتبت بواسطة أبوعائش

والله أعلم الموضوع ده بدعة...ولكن تصدق
ربنا يبارك لك فيها ويكفيك شرها

---

اظن البدعه ان نقول ادبحلها
الصح ادبح للغلابه لوجه الله لانعامه عليا بنعمه كويسه والله اعلم :ask:
ربنا يوفق

اقتباس:

---

المشاركة الأصلية كتبت بواسطة khpopo

اظن البدعه ان نقول ادبحلها
الصح ادبح للغلابه لوجه الله لانعامه عليا بنعمه كويسه والله اعلم :ask:
ربنا يوفق

---

+111111111
و ان كان المضوع ده مبقاش ينجح حاليا يا استاذ خالد بسبب تطور البهايم اللى فالشارع

اقتباس:

---

المشاركة الأصلية كتبت بواسطة Tarek Gen 2

+111111111
و ان كان المضوع ده مبقاش ينجح حاليا يا استاذ خالد بسبب تطور البهايم اللى فالشارع

---

هههههههههههههههه ة :ma:
جامد جدى ياطارق فعلا والله طرق عجب العجاب بقت :36_1_1[1]:
ربنا يوفق

الف مبروك ربنا يديك خيرها ويكفيك شرها
ابقى ادعي اللهم اني اسالك خيرها وخير ما صنعت له واعوذ بك من شرها وشر ما صنعت له
بخصوص الذبح:
الذبح عند شراء السيارة إن كان على وجه الفرح بنعمة الله ، وشكرها ، فلا بأس ، وإن كان يعتقد المسلم أنه لا بد أن يذبح لئلا يصيبه مكروه في السيارة ، فهذا حرام لا يجوز ، فالنفع والضر بيد الله تعالى ، وعليه يتوكل المؤمنون

اقتباس:

---

المشاركة الأصلية كتبت بواسطة أبومريم

الف مبروك ربنا يديك خيرها ويكفيك شرها
ابقى ادعي اللهم اني اسالك خيرها وخير ما صنعت له واعوذ بك من شرها وشر ما صنعت له
بخصوص الذبح:
الذبح عند شراء السيارة إن كان على وجه الفرح بنعمة الله ، وشكرها ، فلا بأس ، وإن كان يعتقد المسلم أنه لا بد أن يذبح لئلا يصيبه مكروه في السيارة ، فهذا حرام لا يجوز ، فالنفع والضر بيد الله تعالى ، وعليه يتوكل المؤمنون

---

+111111111111

ولو هتدبح سواق مكروباص يبقى افضل و ثوابها كبير خصوصا انك هتفوز بدعاوات لا تحصى من الناس ولو فاضى خلص على التباع فى سكيتك يبقى انتى كدة 100 فل و اربعتاشر :Oc_sun1[1]:

اقتباس:

---

المشاركة الأصلية كتبت بواسطة Tarek Gen 2

+111111111111

ولو هتدبح سواق مكروباص يبقى افضل و ثوابها كبير خصوصا انك هتفوز بدعاوات لا تحصى من الناس ولو فاضى خلص على التباع فى سكيتك يبقى انتى كدة 100 فل و اربعتاشر :Oc_sun1[1]:

---

طبعا ياطارق أنت تقصد الربعتاشر راكب اللى فى المكروباص , أخلص عليهم بالمرة :ma:

اقتباس:

---

المشاركة الأصلية كتبت بواسطة أبومريم

الف مبروك ربنا يديك خيرها ويكفيك شرها
ابقى ادعي اللهم اني اسالك خيرها وخير ما صنعت له واعوذ بك من شرها وشر ما صنعت له
بخصوص الذبح:
الذبح عند شراء السيارة إن كان على وجه الفرح بنعمة الله ، وشكرها ، فلا بأس ، وإن كان يعتقد المسلم أنه لا بد أن يذبح لئلا يصيبه مكروه في السيارة ، فهذا حرام لا يجوز ، فالنفع والضر بيد الله تعالى ، وعليه يتوكل المؤمنون

---

جزاك الله خيرا يا ابو مريم...ده كان قصدي..لأني شفت الناس هنا ربطت بين شراء العربية والذبح
واديها خمسات على العربية !!!!!!!!!!
فتوى للشيخ الحبيب أبو محمد رضا صمدي -حفظه الله-:
إن كان شكرا لله فلا شيء فيه في حد ذاته ، بشرط ألا يذبحه عند السيارة أو المنزل الجديد كما يفعل
العوام ، أما لو فعله تقليدا للعادات فلا يخلو من ابتداع ، وغالب من يفعله يقصدون منه دفع الحسد
ونحو ذلك من المقاصد غير المشروعة ، فمن باب سد الذرائع نفتي عوام الناس بعدم فعله إلا أن نبين
لهم بالتفصيل ما يجب فعله حتى يخرجوا من صفة التقليد لما عليه غالب الناس من شرك وابتداع .
ولكن لو أولم على تجدد نعمة فنرجو ألا بأس .
والله أعلم .

دمتم بعافية