المشاركة الأصلية كتبت بواسطة ahmed anwer
الردود مش سطحية و لكنها تؤكد إن إحنا إحترفنا الشكوي فقط
و أبسط مثال شوف اي حد صاحبك
جايب عربية زيرو بالتقسيط و بيدخل عياله مدارس ناشيونال أو انترناشيونال و قعدته كل يوم بتلاتين خمسين جنية
و أسبوع الساحل أو غيره في الصيف مقدس ،، و خروجة كل أسبوع المتينة ليه و للعائلة يصرفلوه فيها مبلغ محترم
و اللحمة أم 100 جنية موجودة علي الغدا أو بيطلبوه ديليفري
و يمكن في الخباثة حاجزله شقة و لا اتنين ،،، استثمار للعيال
(( ربنا يوسع علي الناس جميعا و يزيدهم ))
و أول ما يقعدك معاك يشتكي و يقولك لو تعرف ماشية إزاي دي ماشية بالتيلة
طب يا عم أنتا عايز أيه أكتر من اللي أنتا فيه عشان تقول الحمد لله !!!!!
مصر شعب غني و بلد فقيرة
و أنا شايف إن الأحوال الإقتصادية أحسن من الأول
و حتي العشوائيات و الأحياء الشعبية بص فوق أسطح البيوت و تشوف غابات الدش و كله بياكل لحمة علي الغدا عادي
و الأقاليم حدث و لا حرج ،،، أسعار الشقق في الزقازيق و طنطا و المنصورة أغلي من القاهرة
المتعلمين ، أصحاب الحرف و الصنعة و حتي أصحاب القدر الكافي من القدرة علي العمل
بيقدروا يعيشوا عيشة مقبولة
ابسط حاجة لو اشتغل عامل تحميل أو ينظف عربيات ،،، و شوف دلوقتي بقوا بياخدوا كام
و يبقي الهامش الطبيعي من كبار السن و الأرامل و من بلا عائل و أصحاب العجز و المرض
دول اللي محتاجين مساعدة و إهتمام و من حقهم يشتكوا
لكن طبعا كأسلوب حياة زي الزفت علي الكل
* أسلوب حياة غير صحي
* رعاية طبية و تعليم علي ما تفرج
* حقوق و واجبات غير واضحة و مش مضمون وصولها
* نظام ........................ اللا نظام
* تلوث و زبالة في كل مكان ،،، الراقي و الشعبي