الموضوع: لغز فقر ورفاهيه المصريين فى مصر

المشاركة الأصلية كتبت بواسطة makka

والله حضرتك بتتكلم من برج عاجى او زى مارى انطوانيت لما قالولها الناس مش لاقيه تاكل العيش ردت عليهم مش لاقيين عيش ياكلوا جاتوه.
حضرتك حتى قلت اقرب مثال شوف اى حد صاحبك انا مليش اصحاب كده ومعرفش حد كده انا اصحابى واحد شغال بـ1000 جنيه محاسب من الساعة 8 الصبح لحد الساعة 11 بالليل والتانى مندوب فى شركة قطع غيار سيارات بياخد 1300 جنيه بيطلع مع سواق جامبو من المنصورة لحد اسوان ويرجع دول فى 10 ايام يقعد 5 ايام مش فى بيتهم فى الشركة يظبط المخزن ويسافر تانى 10 ايام ويقعد 5 ايام وعلى كده
________________________________________________

عندهم كام سنة ؟؟ و خبراتهم أيه

و دي البداية و هتشوف إن شاء الله ربنا هيكرمهم بأيه و هيتطوروا إزاي

أنا أول ما خلصت الكلية سنة 98 و اشتغلت في شركة و مرتبي 600 جنية ،،

و اسمي مهندس ديكور حتي لو مكنتش أعرف حاجة في الدنيا ،،

هوا حضرتك عايز أيه يخلصوا الدراسة يطلعوا يلاقوا كل حاجة في الدنيا ؟؟؟
__________________________________________________ _____

واصحاب المهن اللى حضرتك بتتعامل معاهم بينصبوا عليك عشان انت غنى فبيتهيألك ان دول واكلينها والعة بمعنى لما حضرتك بتخش على كهربائى السيارات تقوله عايز كام يقولك 150 جنيه بس لما بيخش عليه سواق التاكسى يقوله 20 جنيه وسواق التاكسى يديله 5 جنيه ويقوله حلو كده على نفس الشغلانه اللى عملهالك.
وبعدين الدش بـ150 جنيه بتركيبه مستكترهم على الغلبان.

__________________________________________________

أنا محدهشي بيستكردني غير بمزاجي

طب أسأل أي حرفي نجار - استورجي - ميكانيكي - كهربائي

قوله الصنايعي اللي بيشتغل معاك يوميته كام ؟؟

________________________________________________
انا مصدوم فعلا من ردود البعض مصر بقت شريحتين بينهم وبين بعض لوح سميك جدا من الظلام الدامس اللى بيعدى الظلام دا من الاغنياء بيكتأب بسبب حال الناس والفقير اللى بيعدى الظلام دا بيرتكب جنايه مش عايز ينزل احسن حاجه يتقفل الموضوع علشان الناس هنا متخسرش بعض.
________________________________________________

يا افندم مفيش صدام و لا حاجة

و لما ضربت مثل مقلتش الناس كلهم كده

بس الناس كلهاااااااااااااااااااااا ااااا بتشتكي

الغني بيشتكي و المستور بيشتكي و مش شايفين الفقير اللي يستاهل يشتكي

حتي الكلمة اللي بقالها مية سنة الناس بترددها و كلنا عارفين إنها كذب

واحد بياخد 200 ،،، 300 جنية يعيش إزاي ؟؟؟

هوا مين اللي بياخد 200 ،، 300 جنية ؟؟

مهندس قريبي كان شغال في الحكومة بيقولي أنا مبقولشي زي بقية الناس أنا باخد 200 ،، 300 جنية

عشان الناس كلها عارفة إن دوول الأساسي و بعدين علاوات و بدالات و حوافز ( في النطاق الشرعي ) فمش هنفصل نضحك علي بعض

بس الناس حابه كده

عندهم كام سنة ؟؟ و خبراتهم أيه

و دي البداية و هتشوف إن شاء الله ربنا هيكرمهم بأيه و هيتطوروا إزاي

أنا أول ما خلصت الكلية سنة 98 و اشتغلت في شركة و مرتبي 600 جنية ،،

و اسمي مهندس ديكور حتي لو مكنتش أعرف حاجة في الدنيا ،،

هوا حضرتك عايز أيه يخلصوا الدراسة يطلعوا يلاقوا كل حاجة في الدنيا ؟؟؟
----------------------------------------------
عندهم 30 سنة ومتخرجين سنة 2001 مش عارف المفروض يستنوا كام سنه كمان؟!
مهندس قريبي كان شغال في الحكومة بيقولي أنا مبقولشي زي بقية الناس أنا باخد 200 ،، 300 جنية

عشان الناس كلها عارفة إن دوول الأساسي و بعدين علاوات و بدالات و حوافز ( في النطاق الشرعي ) فمش هنفصل نضحك علي بعض

بس الناس حابه كده
-------------------------------------------
انا ابويا طلع معاش من سنتين وطالع مدير عام مرتبه موصلش 1000 جنيه ومعاشه 900 جنيه وعمرنا مصيفنا فى مارينا كبيرنا راس البر اسبوع كل 3 سنين ولا حاجه حمايا دكتور ومدير مستشفى مرتبه موصلش 1000 جنيه لكن العياده شغاله فى حين ان معاه دكاتره زمايله معندهمش عيادات يستاهلوا الزكاه وتبص عليهم تقول دا بشوات ودكاتره.
------------------------------------------------------
انا اول شغلى كان ب275 جنيه فى شركة ترجمه وصل بعد سنتين لـ350 جنيه سافرت قطر اشتغلت Tellerفى بنك قطر التجارىout source بـ1500 ريال قطرى فى حين النيبالى والهندى موظفين البنك كانوا بياخدوا 12000 ريال قطرى مستحملتش كده روحت دورت على شغل لما طلعت عينى اشتغلت محاسب بـ750 جنيه فى شركة ادوية من 9 الصبح لـ5 حصلى ظرف صحى سبت الشغل وكنت متجوز ولما قدرت اقف على رجلى قالولى فى الشركة دا احنا جبنا حد تانى ب300 جنيه بيعمل شغلك دورت على شغل تانى لقيت شغل بـ400 جنيه محاسب مردتش بيه دا انا فاتح بيت لقيت جامعه خاصه بتفتح قدمت فيها بعمل انترفيو لقيت ولد معايا بيقلولى عايز كام قلتلهم مش اقل من 1000 جنيه قالولى كتير سألوا الواد انت عايز كام قالهم 250 جنيه فرحوا بيه قوى بعت العربيه اللى جابها ابويا من مكافأة نهاية الخدمة وفتحت محل اكسسوار سيارات ودلوقتى بصفيه مش جايب همه كهربا ومياه وايجار وحارس ودفاع مدنى وقرف دا اللى قدامى فى المنصورة او اروح القاهرة قال يعنى القاهرة ناقصة زحمة عشان اخد 2000 جنيه دا لو اخدتهم بس ااجر شقة بكام ليا انا ومراتى يا بشمهندس دى مقفلة زى الدومينو دلوقتى عندنا حتة ارض ابويا كان فى الخليج زمان اشتراها اهى تعملها ربع مليون اهو احاول اعمل حاجه انا فى نظر ناس كتير حواليا بيه وباشا عندنا عمارة وحتة ارض وعربية حلوه بس لما بروح ربنا اللى عالم بجيب الزبادى لبنتى ازاى.
ومتقليش انى معملتش اللى عليا انا مؤهل كويس جدا بتكلم انجليزى كويس جدا معايا شهادات من ميكروسوفت ومن IBM ودخت والله دخت على البنوك والشركات شركة انترنت عرضت عليا 2000 جنيه مرتب بس اجيب 80 خط نت فى الشهر غير كده مليش مرتب ههههههههههه وطبعا بالنسبه لك انا واحد من اللى بيشتكوا ومكنزهم على قلبى