الموضوع: فولكس بيتلز افضل ولا فيات 127 باب واحد

محرك فى الخلف, أمر ليس فى صالح الثبات على الطرق السريعة.

مين بس الى قال كدة

البيتلز ثابتة جدا جدا

- محرك منبطح يبرد بواسطة الهواء(و هذه فى حد ذاتها كارثة), أقرب الى محرك دراجة نارية تم تكبيره منه الى محرك سيارة.

و فيها اية ؟

عربية بتبريد هواء و مبتسخنش افضل من عربية تبريد مياة و بتسخن

انا مش بتكلم على البيتلز و ال 127 بس دية مش حاجة تعيب العربية

و مين قال انة اشبة بمحرك موتوسيكل دية حاجة و دية حاجة تانية خالص

- محرك فى الخلف.

برضة مش عارف اية المشكلة

- نظام تعليق موغل فى القدم.

بصراحة مقدرش افتى فى دية علشان معرفش

- صوت مزعج!!

ماشى بس ال 127 مش هادية برضة




انا رأى البيتلز بس بشرط الحالة

كفاية انها من اشهر العربيات فى العالم اسأل اى حد فى العالم كلة تعرف البيتلز حيقولك اة طبعا اسألة بقى تعرف ال 127 حيقولك مين دية !

و على فكرة البيتلز بتنتج لحاد دلوقتى بس مش فاكر فين بالظبط بس لسة بتنتج هية و الفان القديمة مش عارف اسمها اية




شوف رأى الأخ كريم منير كان معاة 3 بيتلز قبل كدة ورا بعض

المشاركة الأصلية كتبت بواسطة فادى

ال127 بدون جدال رغم أنها أصغر حجما.
ال127 سيارة تنتمى لفئة المينى, 900 سى سى .
البيتلز سيارة تنتمى لفئة السوبر مينى, و محركها يترواح بين 1300-1600 سى سى.
و لكن!!
البيتلز كارثة متحركة و رأيى أن هذه السيارة أخذت أكثر مما تستحق.
محرك فى الخلف, أمر ليس فى صالح الثبات على الطرق السريعة.
من ناحية التكنولوجيا, فان ال127 تسبق البيتلز بسنوات ضوئية:
- محرك فى الأمام بوضعية عرضية.
- نظام تعليق متطور جدا.
من ناحية أخرى البيتلز:
- محرك منبطح يبرد بواسطة الهواء(و هذه فى حد ذاتها كارثة), أقرب الى محرك دراجة نارية تم تكبيره منه الى محرك سيارة.
- محرك فى الخلف.
- نظام تعليق موغل فى القدم.
- صوت مزعج!!
- محرك قليل الكفاءة.
و الى يقولك انو البيتلز دفع خلفى متسمعش كلامه, لأن الدفع الخلفى ميزته الأساسية لما بيكون المحرك فى الأمام و الدفع من الخلف, أما محرك فى الخلف و دفع خلفى فده نظام قديم أقل فى مزاياه من الدفع الخلفى التقليدى.
من ناحية الأعطال فالاتنين هيعطلوا, لأن عمر أى سيارة منهم هيتعدى ال15 سنة على الأقل, و لكن ال127 أسهل فى صيانتها على ما أظن.

نبدأ بالنقاط اللى هتفق معاك فيها
صوت البيتلز مزعج، مع العلم ان صوت ال127 مزعج برضه بس بدرجة اقل شوية
صيانة ال127 اسهل

فيما عدا ذلك مش هقدر اتفق معاك فى اى حاجة،

يعنى مثلا لما نيجى نقول ان موتور 127 فى الامام وده يديها ثبات اكثر ضاربين عرض الحائط بقاعدة عجلات الفولكس والتى تعتبر واحدة من السيارات القليلة جدا التى تكون فيها قاعدة العجلات اكبر من السيارة نفسها وبالتالى فهى سيارة مستحيلة الإنقلاب تقريبا ونهمل تجارب كل من استعملوا السيارتين التى تؤكد ان الفولكس تحتاج معجزة لكى تقلبها لكن ال127 لو داست على زلطة بتنقلب وذكريات الإنقلاب بسيارة 127 تشكل قاسام مشتركا للكثير من افراد الشعب المصرى، يبقى كلامنا محتاج مراجعة

عندما نتكلم عن المحرك المنبطح باعتباره سبه وننسى ان المحرك المنبطح هو الإختيار الأمثل للسيارات الرياضية، وننسى ان انخفاض مركز ثقل المحرك المنبطح يعطى ثبات غير عادى للسيارة ......هممم

لما نيجى نتكلم عن محرك الفولكس قليل الكفائة وننسى ما مادرسناه فى مادة المحركات فى كليه الهندسة من انه طبقا لدورة اوتتو فإنه كلما زاد الضغط والحرارة زادت المساحة تحت منحنى الخرج من المحرك وبالتالى زادت كفائته ،وما درسناه ايضا من ان المحرك المبرد بالهواء يستطيع العمل فى درجات حرارة اعلى من ذلك المبرد بالمياه مما يعطيه كفاءة اعلى طبقا لما سبق، مدعوما بتجارب كل من استخدموا البيتلز من توفير استهلاكها للوقود حتى انها ، وهى ال1300 سى سى لا تحتلف فى استهلاكها للوقود عن ال 127 ذات ال900 سى سى، ولى تجربة شخصية فى هذا الصدد لاننى امتلكت كل من السيارتين

لا ادرى ما الكارثة فى المحرك المبرد بالهواء، المحرك المبرد للهواء انسب للمناطق شديدة الحرارة وشديدة البروده حيث ان وسيط التبريد لا يتجمد ولا يتبخر فى اى مكان على الكرة الأضية مثل الماء، وبالتالى نجد انه فى الأيام التى ينفجر فيها شلال الماء المغلى من رادياتير ال127 لكى تتكوم واقفة على كوبرى 6 اكتوبر نجد الفولكس تعمل بكل كفاءة، صحيح ان الصفع يزيد منها فى ايام الصيف الحارة، وقد تدخن ايضا فى الجو الحار بسبب تمدد الشميز اوتساع الخلوص، لكنها لا تتوقف، وتعود لطبيعتها بمجرد برودة الجو، العيب الأساسى للمحرك المبرد بالهواء هو الصوت المرتفع لبلووار الهواء

وهناك ميزات عديدة اهلمت انت ذكرها للبيتلز منها المتانة الغير عادية للشاسيه والصاج دون تضحية بخفة الوزن، ومنها القابلية لإعادة المحرك جديد بالكامل لإمكانية تغيير الشمايز، ومنها ارتفاع العزم بدرجة خرافية حتى انها تسبق فى الإنطلاق سيارات اعلى كثيرا فى الفئة والموديل تصل حتى السيارات الألمانية ذات محركات ال 1600 سىسى ، والخفة الغير عادية لعجلة القيادة نظرا لعدم وجود وزن فوقها

لو كانت البيتلز سيارة سيئة لما استمرت عالميا منذ عام 1949 الى عام 1999 ، اى خمسون عاما كاملة لها مشترون من كل دول العالم بما فيها دول اوروبا ، ويكفى ان تعرف انها فى التسعينات كانت تباع فى المانيا بسعر يفوق سعر سيارات مثل البونتو والكليو ، بالرغم من انها من انتاج المكسيك ،ومع ذلك كان عليها طلب استمر حتى آخر سيارة انتجها مصنع المكسيك قبل اغلاق خط الأنتاج

يبقى لى ان اذكر صاحب المداخلة الأصلية ان ميزة ال 127 تتمثل فى رخص قطع الغيار ،وتوافر الميكانيكية، والهدوء النسبى عن البيتلز، وذلك تحريا للإنصاف

المشاركة الأصلية كتبت بواسطة atkatoo

يا باشا انت خبرة فيها انا قدامى واحدة مو68 رشة برة وجوة وعاملة 10000 وبفكر اخدها اية رايك وياريت تقولى مشاكلها اية واول ما اجيبها اعمل فيها اية واروشها ازاى والتكلفة كام وعند مين انا اسف انى طولت عليك

معقول 10 آلف كيل بس وفي أربعين سنة؟؟؟
ولا انا فاهم غلط؟

معقول 10 آلف كيل بس وفي أربعين سنة؟؟؟
ولا انا فاهم غلط؟
__________________

اكيد قالبة عداد اكثر من مرة

كفاية اني اقولك علي حاجتين..
اولا اكيد كلام الاستاذ سبعاوي رد كافي جدا
بس هاقولك تجربتين واحدة شخصية معاها اني كنت راكبها مع واحد قريبي علي المطلع و الملف اللي بعد الازهر بارك علي صلاح سالم.. وكنا ماشيين علي الملف ده و بناكل غرز فيه علي 110 و العربية عادي جدا كأننا ماشيين علي 40 ثبات خرافي.. و سحب مش طبيعي.. بالنسبة لعربية عمرها فوق ال25 سنة.. مع العلم انها كانت مجنطة جنوط عرض 195 مش الاصلي بتوعها بصراحة..

تناني حاجة بقي ان في واحد داعتي معاه واحدة موديل 74 الماني 1600 سي سي وقالي علي حاجة انها الموتور بتعه اممكن يتكبر زي ما الواحد عايز.. بمعني انه لو حابب يعملها 1800 ولا حتي 2000 بيخرط و يغير الشمايز و البساتم بمنتهي السهولة و البساطة..

اخر حاجة.. الحاجة الوحيدة اللي مش عجبتني فيها كانت الدواسات بتاعتها بلصراحة وخاصة الفرامل و الدبرياج

معلومات قيمه بجد .. مشكورين عليها .. لكن تعقيب صغير :
لو البيتل سليمه وبحاله جيده .. لاتقارنها سياره .. ولكن أين هي هذه السياره ؟؟
أنا شاهدتها في ألمانيا العام الماضي وكانت موديل 64 وركبتها مع صديق ألماني .. كانت خرافه .. وتتفوق على كثير جدا من الموديلات الحديثه .. ولكن .. الألمان يحافظون عليها كأثر ويدللونها بشكل يثير الأعجاب والحيره من فرط نظافتها ومتانتها وكأنها موديل 2008 بدون مبالغه .. لكن في مصر .. !!!!!!!!!!