فولكس بيتلز افضل ولا فيات 127 باب واحد

**i_Am_Legend** · 18-03-2008 05:47 PM

فولكس بيتلز افضل ولا فيات 127 باب واحد
وايهما افضل من حيث قطع الغيار والثبات والقوة واعادة البيع انا بسال الاخوة المحترفين فى مجال السيارات وياريت تردو عليا لانى محتاررررررررررررررررررررر رررررر ولكم جزيل الشكر وللعلم انا عايزها هالف بيها كتير وان شاب 23سنة

**thegoodhacker** · 18-03-2008 05:52 PM

الفيات 127 ستكون افضل من وجهة نظر وفرة قطع الغيار واسعار قطع الغيار و سهولة اعادة البيع
اما من حيث القوة و الثبات فالبيتلز افضل طبعا
خللي بالك من موضوع تكهين السيارات القديمة التي مر عليها اكثر من 25 سنة ... الموضوع ده منظره حيتطبق فعلا

**i_Am_Legend** · 18-03-2008 05:53 PM

المشاركة الأصلية كتبت بواسطة thegoodhacker

الفيات 127 ستكون افضل من وجهة نظر وفرة قطع الغيار واسعار قطع الغيار و سهولة اعادة البيع
اما من حيث القوة و الثبات فالبيتلز افضل طبعا
خللي بالك من موضوع تكهين السيارات القديمة التي مر عليها اكثر من 25 سنة ... الموضوع ده منظره حيتطبق فعلا

فعلا الموضوع هيطبق بجد

**i_Am_Legend** · 18-03-2008 05:57 PM

المشاركة الأصلية كتبت بواسطة atkatoo

فعلا الموضوع هيطبق بجد

معقولة مافيش حد بيرد 10 مشاهدات ومافيش رد

**د.أحمد سمير** · 18-03-2008 10:47 PM

المهم الحالة ..
127 أعطالها كثيرة فوق الوصف ، وغير ثابتة على الطريق ، وفراملها زبالة لازم تحدف بيك خاصة لو كنت لوحدك ووزنك تقيل .
من الآخر وعن تجربة أنا لا أنصحك بيها على الإطلاق ..

البيتلز أكثر اعتمادية وقوة وثبات وتتحمل المشاق ، ولكن المهم حالتها تكون كويسة لأن قطع غيارها غالية بس معمرة ، واليكانيكية اللي بيفهموا فيها قليلين لن تجد منهم محترفين سوى في الجيزة والحرفيين فقط .
وربنا يوفقك للصالح

**Ahmad_Nawwara** · 18-03-2008 10:48 PM

شوف يأستاذنا العزيز .:. أنا كنت لغاية النهارده الصبح محتار برضه في شراء سياره مناسبة لي والأخوه بالمنتد ى نوروني وساعدوني بكل حب واخلاص وشهامه وانا كمان هحاول اقدم المشورة .. انا بعد اللف والدوران والسؤال والدراسات الأقتصاديه والفنيه والمنطقيه استقريت والحمد لله والشكر له على الفيات 127 بس مش ام بابين لكن ام أربعة أبواب .. علشان تبقى براحتك لو عايز تركب حد وراك بسهوله بدل البهدله وخصوصا لو كان مقلبظ زي حالاتي .. دي حاجه .. حاجه تانيه ..أم اربعه ابواب برضه منظر واشيك .. وبيعها اعتقد انه هيكون اسهل شويه ... بس اهم حاجه تبقى عربيه سليمه.. عموما في مصر وزي ماانا شفت ان 127 عمليه جدا جدا ومصاريفها معقوله الى حد كبير ... وربنا يوفقك لما فيه الخير

**ahmed azab** · 18-03-2008 11:26 PM

انا مش هاتكلم !!!!!!!!
التوقيع هيقولك ايه راي من ست سنين

**i_Am_Legend** · 19-03-2008 01:15 AM

يا جماعة انا متشكر ليكم ةعلى الردود الجميلة دى بس انا بسال لوحد عندة عربية تكون كويسة وحالتها تمام 127 باب واحد او بيتلز يكلمنى وانا اخلص معاه على طول ان شاء الله
ودة رقمى 0105185389 احمد ايمن

**i_Am_Legend** · 19-03-2008 01:32 AM

المشاركة الأصلية كتبت بواسطة azab

انا مش هاتكلم !!!!!!!!
التوقيع هيقولك ايه راي من ست سنين

يا باشا انت خبرة فيها انا قدامى واحدة مو68 رشة برة وجوة وعاملة 10000 وبفكر اخدها اية رايك وياريت تقولى مشاكلها اية واول ما اجيبها اعمل فيها اية واروشها ازاى والتكلفة كام وعند مين انا اسف انى طولت عليك

**فادى** · 19-03-2008 01:47 AM

ال127 بدون جدال رغم أنها أصغر حجما.
ال127 سيارة تنتمى لفئة المينى, 900 سى سى .
البيتلز سيارة تنتمى لفئة السوبر مينى, و محركها يترواح بين 1300-1600 سى سى.
و لكن!!
البيتلز كارثة متحركة و رأيى أن هذه السيارة أخذت أكثر مما تستحق.
محرك فى الخلف, أمر ليس فى صالح الثبات على الطرق السريعة.
من ناحية التكنولوجيا, فان ال127 تسبق البيتلز بسنوات ضوئية:
- محرك فى الأمام بوضعية عرضية.
- نظام تعليق متطور جدا.
من ناحية أخرى البيتلز:
- محرك منبطح يبرد بواسطة الهواء(و هذه فى حد ذاتها كارثة), أقرب الى محرك دراجة نارية تم تكبيره منه الى محرك سيارة.
- محرك فى الخلف.
- نظام تعليق موغل فى القدم.
- صوت مزعج!!
- محرك قليل الكفاءة.
و الى يقولك انو البيتلز دفع خلفى متسمعش كلامه, لأن الدفع الخلفى ميزته الأساسية لما بيكون المحرك فى الأمام و الدفع من الخلف, أما محرك فى الخلف و دفع خلفى فده نظام قديم أقل فى مزاياه من الدفع الخلفى التقليدى.
من ناحية الأعطال فالاتنين هيعطلوا, لأن عمر أى سيارة منهم هيتعدى ال15 سنة على الأقل, و لكن ال127 أسهل فى صيانتها على ما أظن.