الموضوع: الكروز ام السيراتو ايهما تتفوق

ياجماعة انا محتار جدا مابين الكروز الهاي لاين مش التوب والسيراتو الهاي لاين خليجي وكل ما ادخل مقارنة مابين العربيتين دول في اي منتدى بخرج من غيؤ افادة نهائيا لأن تلاقي ناس تشكر في الكروز وتخسف بالسيراتو الارض والعكس برضوا
فأنا بقيت محتار جدا مابين العربيتين ومتردد بقالي شهر تقريبا كل ما اقول هاجيب ديه خلاص حد يقولي عيب في العربية يخلني اعيد حسباتي مرة تانية
بالنسبة لموتور العربيتين انا في واحد قالي معلومة وعاوز اتأكد منها منكوا قلي ان ماتور السيراتو اقوى بالتأكيد من الكروز وهو ماتور النترا في الاساس لكن قلي السيراتو 4 نقلات فقط اما الكروز 6 فاهنا الافضليه هاتكون للكروز رغم ضعف ماتورها الا انها ماتورها هايكون معمر اكتر من السيراتو واقل استهلاك بالنزين علشان السيراتو بعد 120 انت هاتبتدي تحمل على الماتور اما الكروز فاتكون ماتور مرتاح جدا وعلى 180 كمان وتتفوق في سرعتها على السيراتو ولكن على سرعات عاليه ده مع العلم اني مش من محبي الجري الا نادرا لما الاقي الطريق واسع ويسمح للجري فقط

بالنسبة للثبات في عرفت انا الكروز تتفوق على السيراتو في الثبات فاعاوز اتأكد الكلام ده برضوا صحيح
وبس اتنمى من حضراتكوا ان المقارنة تكون في العربيتين دول بس لأن كل ما ادخل على موضوع الاقي واحد اقترح عربية تانية غير الي في المقارنة والكل يتجه الى العربية ديه وينسوا صاحب والموضوع ويزودوا حيرتوا اكتر مع العلم انوا بيكون في امس الحاجة الى قله الاختيارات علشان ميتعبش
مع العلم اني في عربيات فعلا تفوقت على العربيتين دول بجميع المقايس ده من وجهة نظري زي الفيات لينيا والبرافو والدايو لاسيتي ولكن 3 مشكلتهم واحدة وهى سعر اعادة البيع العربيات ديه والله مش واخده حقها في السوق المصري نهائي وزي غيرها كتير غيرهم بس نعمل ايه احنا لازم نمشي مع السوق علشان الخسارة ماتكونش كبيرة
اتنمى اني مكنتش صدعتكم بس كنت بقول وجهت نظري وياريت تفدوني علشان خلاص انا مقبل على الشراء اليومين دول بأذن الله

المشاركة الأصلية كتبت بواسطة yasserelsayad

انت اصلا فى الاستطلاع مختار الكروز .. ايه لزمة الموضوع دا بقى وانت اصلا متحيز للكروز

استاذ ياسر انا مش معنى اني اختارت الكروز في الاستطلاع معنى كده ان انا متحيز ليها والا مكنتش اعدت شهر محتار ما بينهم وربنا يعلم كل الحكاية انا متحيز للكروز في حاجات والسيراتو في حاجات تانية هاتقولي زي ايه
هاقولك الكروز كاشكل خارجي والتابلوه وعشفة والسيراتو زي الماتور والكماليات تتفوق في السيراتو اكتر من الكروز
يعني انا لو لقيت استطلاع في سيراتو وكروز وفيات لينيا او برافو بكل تأكيد ومن غير ما افكر لحظة هاختار لينيا او البرافو بس مش معنى كده اني انزل اشتيرها علشان قولت قبل كده ملهاش سوق
من الاخر انا مش هاعمل موضوع زيادة عدد وعارف ان المنتدى مليان بالمقارنة مابين العربيتين بس انا شايفهم مش مفديين
وشكرا لحضرتك