لفتره صغيره جدا معروض عليا كيا برايد سيدان موديل 98 ,عاوزكم تساعدوني في تسعيرها
بسم الله الرحمن الرحيم
فيه كيا برايد سيدان موديل 98 معروضه عليا و كنت عاوز اعرف سعرها كام في السوق
و مواصفاتها
مانيوال
عاملها بتاع 200 الف كيلو بس معمرتش خالص
كربراتير
تكييف
رشه بره نظافه عشان يجدد الرخصه فاترشت و هيه محتاجه شويه سمكره عشان ضيق الوقت
فريقه جوا
حاله الفرش و التابلوه جيده نوعا ما
الراجل صاحبها طالب مني 35.000 جنيه بس انا بصراحه مستغلي التمن اوي
لانها عامله بتاع 200 الف كيلو و كمان لسه محتاجه شغل سمكره عشان فيه شويه نقر بسيطه في الشنطه و الكبوت و الاجناب و هكذا
فايرت من اخواتنا الاعضاء يقولولي هل تستاهل التمن ده و لا كده غاليه و ايه هوه سعر السوق دلوقتي
و شكرا جزيلا مقدما و جزالكم الله كل خير