ريموت الإنذار ال 2 way باظ

**ZALABANY** · 27-09-2010 07:41 AM

أنا مركب إنذار 2 way من سنه تقريبا واسمه spy كان ب 450 جنيه تقريبا الريموت اللي في الشاشه ابتدي يعلق ادوس على زرار الفتح والقفل العربية ما تستجيبش اقعد ادوس كذا مره بقوم شغال اقفل وافتح تمام ارجع بعد شويه الاقي الاشاره بتاعه الشبكه بتاعته اختفت ومش شغال تاني مش عارف اعمل ايه والريموت التاني اللي جاي معاه من غير شاشه هل ممكن التوكيل يصلحه او يديني ريموت تاني ياريت تفيدوني

**karimfahmy99** · 27-09-2010 07:54 AM

هل راجعت على البطارية بتاعت الريموت ؟؟

هل وقع علية حاجة سائلة ؟؟

و اية مشكلة الريموت التانى المفروض انك مكنتش بتستعملة برضة نفس الاعراض ؟؟ و برضة بسيط بعد المدة دى على البطارية ؟؟

**ZALABANY** · 27-09-2010 08:05 AM

أسف سعره كان 350 مش 450 البطاريه ليها 3 شرط في المءشر بتاعها هي فيها شرطتين يعني لسه شغاله
بالنسبه للريموت الاحتياطي فهو من غير شاشه ما اقدرش اعرف العربية حصلها حاجه او اتخبطت او اتسرق زي الريموت ال 2 واي اللي فيه المشكله بس هو شغال تمام

**karimfahmy99** · 27-09-2010 08:20 AM

المهم مفيش اى حاجى ادلقت على الريموت . عموما شرطتين ممكن يكون ضعيف فى الامبير بتاع البطارية . مش هتخسر حاجة هات 2 جداد و حطهم و جرب . بس هات انرجايزر مش اى بطارية

بالنسبة للسعر همة كانوا فعلا ب 350 و بعدين 375 و عدوا ال 400 لما نقص الجهاز و كان علية طلب و لسة بدور علية و مش لاقى و كنت مستعد ادفع لغاية 450

**ZALABANY** · 27-09-2010 08:43 AM

هاجيب بطارية جديده واجرب النهارده ربنا ييسر

**karimfahmy99** · 27-09-2010 08:48 AM

المشاركة الأصلية كتبت بواسطة zalabany

هاجيب بطارية جديده واجرب النهارده ربنا ييسر

خير ان شاء اللة . و زى ما قلتلك هات انرجايزر العادى او البلاتينيوم

**ZALABANY** · 27-09-2010 09:21 AM

شكرا على أهتمامك وردك ومرورك الكريم

**ahmed_su** · 27-09-2010 10:10 AM

لو الريموت التانى شغال كويس

يبقى ندور على ايه اللى حصل للريموت الـ 2Way

ادوس على زرار الفتح والقفل العربية ما تستجيبش اقعد ادوس كذا مره بقوم شغال اقفل وافتح تمام ارجع بعد شويه الاقي الاشاره بتاعه الشبكه بتاعته اختفت ومش شغال تاني

من كلامك

ممكن يكون وقع او اتخبط مثلا... لانه من الداخل مكون من جزئين "بوردتين"

راكبين فوق بعض بواسطة سوكت من السهل يحدث انفصال للبنوز الملحومة

لان الريموت تقيل نسبيا فلو حصل انه وقع او اتصدم ممكن يعمل الحكاية دى

لو ليك فى الموضيع دى فك الريموت والقى نظرة على اللحامات "القصدير" ممكن جدا يكون واحد منهم

منفصل - المهم تابعنى بالاخبار

**ZALABANY** · 27-09-2010 11:46 AM

طيب يا بشمهندس هو التوكيل بتاع الإنذار دا فين بالظبط يعني بفرض انه باظ هل ممكن اشتري واحد تاني او يبرمجوا واحد تاني وموضوع البطاريات كده يبقى مش السبب ولا اجرب قبل ما افك الريموت

**ahmed_su** · 27-09-2010 12:02 PM

الوكيل فى شارع سوق التوفيقية

بس معرفش بيقوم بالاصلاح ولا لاء بس تخمينى انه لاء

وبرضه للاسف معرفش بيبيع ريموت لوحده ولا لاء

بس خلينا نمشى الخطوات اللى فى ايدينا ...، وجود شرطتين فى مؤشر

البطارية يعتبر كويس - بس لقطع الشك باليقين غير بواحدة جديدة ماركة كويسة

انرجيزر او فارتا لونج لايف - بعد كده فك الريموت - و لو انت ساكن قريب منى ممكن اشوفهلك