اريد شراء عربيه فى حدود 45000-50000 الف تتحمل يوميا مشوار 100 كيلو متر

**hosamzaki** · 27-09-2010 09:31 AM

الى خبراء السيارات فى المنتدى اريد رأيكم فى شراء سياره فى حدود 45000-50000 الف. تتحمل يوميا مشوار 100 كيلو متر .لا يهم سيدان او هاتش باك .و تكون قطع غيارها اسعارها معقوله. و موديل حديث نسبيا و بها تكيف جيد.

**FrozenFire** · 27-09-2010 05:41 PM

بص ياسيدي، قدامك إختيارات كتيييير قوي قوي قوي
حنبدأ أولا بالكوري (وإن كنت ما بحبذوش عشان إنت كده تقريبا حتعمل 3000 كيلوا في الشهر).
المميزات:
قطع غيار مش غالية.
كل الناس بتفهم في صيانتها.
سوقها حلو قوي، يعني إعادة البيع سريعة مش حتقعد تدلل عليها.
تكييف حلو جدا
عائلية وشبابية في نفس الوقت
موفرة في البنزين
العيوب:
تقفيل مش بالكفاءة العالية.
العربية مع الوزن بتهبط جامد.
الأمثلة: لانوس 1، فرنا
ثانيا قدامك الياباني
تتفوق على الكوري في التحمل والعمر
وبرضه موفرة في البنزين وعائلية
ولكن يعيبه قطع الغيار أغلى من الكوري ولكن معمرة عن الكوري
الأمثلة: الانسر كريستالة أو الكرولا عيون
وثالثا قدامك الكبااااااار قوي
زي مثلا الفورد مونديو، الفكيترا، الأسترا، الإكسارا، 405
دول أوروبي وطبعا يضربوا الكوري والياباني في كل حاجة
ثبااااات مهول، تقفيل أعلى بكتير طبعا، وأعلى في كل حاجة.
ولكن يعيب الأوروبي كله
غلو قطع الغيار
مش أي حد يعمل له صيانة
وطبعا إستهلاك بنزين أعلى خصوصا لو حاجة 2000 سي سي

طبعا دي الملامح الرئيسية اللي ممكن تختار فيها
وأنصحك وبشدة إنك لازم تدخل على كل صفة في المنتدى تدور على مميزات وعيوب كل عربية على حدة من خلال تجربة أصحابها
ومهما كانت العربية اللي حتختارها أسأل الله أن يعطيك خيرها وأن يكفيك شرها
والسلام ختام

**hosamzaki** · 03-10-2010 10:57 AM

اشكركم على الرد السريع
فى ناس رشحت لى الجولف و الايبيزا ايه رأيكوا

**a7madramadan** · 08-10-2010 04:12 AM

الجولف هتجيب موديل قديم شوية علشان الميزانية 45-50 بس لولقيت حاجة لقطة بحالة ممتازة توكل على الله وعموما أنا اميل لإنك تشوف خيار تاني بس موديل احدث علشان ماتحسش ان العربية متبهدله وعاوزة مصاريف خارجية او داخلية او ميكانيكية وده شيء نسبي لما تشتري عربية مستعمله لإن لكل عربية ظروفها

ونصيحة .... حاول تقلص الخيارات بالآتي :

هل يفرق معاك اسعار الصيانة وقطع الغيار ؟
هل يفرق معاك تصليحها بعيد او قريب منك (تحتم التصليح في التوكيل او لأ) ؟
هل البنزين يفرق معاك لو استهلاك كتير ؟
اييه الستايل الي بتميل ليه نظرا لاحتياجاتك او زوقك : سيدان / هاتشباك / ستايشن (شنطة طويلة قوي ورا) ؟
هل في ماركات مفضلة عن غيرها ؟
هل يفرق معاك شعبية العربية او ندرتها ؟

وربنا يكتبلك الي فيه الخير

**JapRuleZ** · 08-10-2010 04:32 AM

المشاركة الأصلية كتبت بواسطة hosamzaki

الى خبراء السيارات فى المنتدى اريد رأيكم فى شراء سياره فى حدود 45000-50000 الف. تتحمل يوميا مشوار 100 كيلو متر .لا يهم سيدان او هاتش باك .و تكون قطع غيارها اسعارها معقوله. و موديل حديث نسبيا و بها تكيف جيد.

subaru impreza 2002

**shiko85** · 08-10-2010 04:56 AM

نصيحه, يا ريت تنقل الموضوع لقسم السيارات العام او مقارنه السيارات افضل و يسهل عليك بدل ما تعمل الموضوع فـ 4 اقسام
هتوصل للمعلومه اسهل كتير لان كده المفروض الموضوع محصور فالقسم المطروح فيه و سيتم الرد بناء على ذلك يعنى فالأوروبى هيكون البحث فالسيارات الأوربى فقط و هكذا مما قد يجعلك فحيره و ستحتاج الى مقارنه بين افضل السيارات من الـ 4 اقسام
http://www.nilemotors.net/Nile/18397...000-100-a.html
http://www.nilemotors.net/Nile/18397...000-100-a.html
http://www.nilemotors.net/Nile/18397...000-100-a.html http://www.nilemotors.net/Nile/186363-a.html

**oct** · 19-06-2011 01:37 AM

ماتشوف بيجو 307 موديل 2005 ممكن تيجيب حاله كويسه ب 60000 وبصراحه عربيه جامده ومش هتندم انك اشتريتها بالاضافه ان عفشتها روعه وانت بتتحرك كتير يعنى هتريحك ... نصيحه فكر فى الموضوع ده

**abdalah_hashem** · 19-06-2011 10:23 AM

اللانوس حلوة من ناحية قطع الغيار والميكانيكية واعادة البيع وكدة
وممكن برضة الكريستالة

**SYD** · 28-08-2011 07:36 AM

بص ياباشا

طالما بتعمل 100 كم في اليوم يعني انت عايز عربية موفرة يعني بالكتير تستهلك منك 6 او 7 لتر بنزين يوميا

الموضوع دة مش هتلاقيه في اي عربية في الدنيا غير الفولكس

عليك وعلي البولو ال1000 سي سي موديل 2002
هتلاقيها في حدود 45000 ومكيفة وباور وجميع الكماليات

عربية قطع غيارها معمرة جدا
سريعة
ثابتة
دمها خفيف

الله المستعان
،
،