اقصى سرعة

**hazem_khidr** · 25-04-2007 05:38 PM

235 بعربيه نيسان بلو بيرد 2200 سي سي و كان الكلام دا و انا في الامارات علي طريق ابو ظبي دبي مش عاوز اقولكم ان اساسا هناك السرعه 120 كم/س و طرق اماره دبي بتديك 40 كيلو سماح يعني لحد 160 كم/س ما تتصورش تخيلو بقي الطريق دا عامل ازاي و كان احساسي كاني مثلا ماشي هنا علي 140 ولا حاجه و حاولت اقفل الامبير بتاعها (240 كم) بس ما امكنش كنت خلاص داخل علي كاميرات حكم هناك علي الطريق اماكن الرادرات ثابته و تصورك من غير لجان و من غير حاجه و انا من كتر السفر علي الطريق دا حفظت اماكنهم .
و مره جبت 208 كم/س بعربيه هوندا سيفيك 2006 1800 سي سي و دي ما نزلتش هنا ابدا و العربيه دي بحق من احلي العربيات المتوسطه اللي ركبتها بحياتي كانت ممتعه فعلا و مش حاسس بيها باي هزه و ثابته جدا جدا جدا و انا بقول الرقم 218 بالتحديد علشان الامبير ديجيتال لكن لفات الموتو امبير عادي!!!!
انما في مصر هنا ما جبتش اكتر من 160 كيلو بالسوزوكي سويفت بتاعي علي طريق مصر اسكندريه الصحراوي

**مهندس محمد صلاح** · 25-04-2007 07:17 PM

210 بعربية ستروين CX 2500 جاز على طريق الاوتوروود بباريس فرنسا والطريق حرير وزى المرايا وممكن الواحد يشوف وشه فيه

**Dr Ahmed** · 25-04-2007 07:35 PM

لا حول ولا قوة الا بالله...

انا مرة واحدة قلت اجرب شديت بالعربية اللانسر لحد 140 وقلت كفاية كده ..
والاخوة اللى ساقوا على 180 و 200 و 230 نفسى أعرف ليه؟؟

على 140 كنت على طريق مصر اسكندرية ولو كان طلعت لى قطة قدامى كان ممكن اتقلب لا قدر الله امال لو كاوتش فرقع وللا مطب وللا فرملة مفاجأه هيحصل ايه؟؟

لا بجد والله ياريت ناخد بالنا بالذات الشباب بدل ما حد يندم وقت لا ينفع الندم

**Abdallah** · 25-04-2007 07:41 PM

عن نفسى يا دكتور احمد لان اليوم دة كان يوم خطوبتى وكان معايا كام عربية ورايا وواحدة منهم عطلت ووقفت لحد ما صلحناها وفوجئت انى معدش ادامى غير حوالى ثلث ساعة وانا كان ادامى حوالى 45 دقيقة قيادة على 90 وانا من النوع الى مش بحب اتاخر على مواعيد فما بالك ميعاد زى دة وعموما انا شاكر نصائحكم وانا عن نفسى مش من هوا الجرى ابدا واقصى سرعة بالنسبالى 100 او 120 على الساحلى وواسأل الله ان يجنبنا الشر ويسترها معنا اجمعين.

**baher** · 25-04-2007 07:59 PM

انا بقى اقصى سرعه كانت حوالي 190 بعربيه اوبل فيكتر موديل 2000 وكانت ع طريق الاسماعليه الصحراوي وكنت راجع من الاسماعليه رايح طنطا وقررت اخدها صحراوي زراعي ووصلت طنطا بعد ساعه ونص بس من طلوعي من الاسماعليه وشعوري كان متعه في الأول وبعد كده قلب لقلق وتوتر لأني كنت مستعجل وكنت مضطر امشي كده بس بهد ماوصلت وحمدت الله ع السلامه موش هعملها تاني ابدا

**baher** · 25-04-2007 08:00 PM

وفي مره برده بس كنت في السعوديه مع صديق سعودي وعربيته كانت كابرس من الموديل اللي كان بيسموه صابونه وهو اللي سايق وطبعا الطرق في السعوديه موش هقؤلكم المهم انا بتكلم معاه وببص ع أمبير السرعه صعقت لأنه تقريبا شبه مقفل الأمبير يعني حوالي 270 انا صممت يا يهدي يا ينزلني :lol:

**معاذ الشرباصى** · 25-04-2007 08:10 PM

انا كانت اقصى حاجة 170 كم بتويوتا ياريس و كنا 6 افراد كبار و 2 صغيرين, و التكييف على السرعة التالتة فى طريق مارينا بالليل طبعا, كنت بحاول الحق عربية لكزس جيب :D , و ابن خالتى جاب بيها 185كم (عربية موتورها شديد, بس ثبات وحش)
و المرة التانية ميجان 2005 نفس السرعة على الدائرى بس للاسف كان لازم ادخل دخلة المعادى, فمكملتش

انا عارف ان فى ناس كتير ضد السرعة, بس الواحد بيجس بمتعة, اكيد مش بمشى 24 ساعة بسرعة بس برده كل شوية الواحد لازم يعمل دماغ :D

**abo3bdolrahman** · 25-04-2007 11:40 PM

أنا لا أؤيد الجرى بالسرعات العالية دى و أرى أن لغاية 140 كم كويس بس المرتين اللى جبت فيهم 200كم كان على كوبرى السلام اللى فوق قناة السويس وده بقى يابانى يعنى طريق حرير ده غير إن إنحدار الكوبرى جامد
ملحوظة:
أقصى سرعة قانونية على الكوبرى هى 80 كم و كاميرات الكوبرى تعمل 24 ساعة!

**mbluethunder** · 26-04-2007 12:08 AM

كانت أقصى سرعه 160 كم على طريق العلمين الساعه 6 مساء بعربيتي الحاليه كيا بيكانتو وفضلت على السرعه ده لمسافة 60 كم والطريق كله 120 كم . بس حوالي نصف تنك البنزين خلص في نصف الطريق وكانت حوسه ( هاقلوكوا على الحكايه ده بعدين ) . العربيه كان فيها 3 أشخاص غيري . بس المشكله أن الطريق ده كحل بليل وأنا كنت قلقان جدا لحاجه تتطلع في نصف الطريق ولا طوبه .

بس الواحد بيلجأ للسرعات العاليه ده أما لهو مستعجل أو الطريق فاضي ومافهوش أحد ولو مشي على 100 أو 120 هايحس بالملل

هو طبعا السرعات العاليه ده خطر جدا جدا وخاصة على الطرق المصريه بتعتنا

وشكرا
م/محمد علاء

**M_ElSabaa** · 26-04-2007 11:42 AM

220 كم - جولف 2 GTI 1800.CC - وادى النطرون - العربية كانت ثابتة جدا (انا كنت مركب عفشة Koni وجنوط 15)

الموضوع: اقصى سرعة

LinkBack

أدوات الموضوع

عرض

-

-

-

-

المواضيع المتشابهه

اقصى سرعة

اقصى سرعة

اقصى سرعة

اقصى سرعة للنسيان صنى

اقصى سرعة جبتها

الكلمات الدلالية لهذا الموضوع

المفضلات

المفضلات

ضوابط المشاركة