انا معايا اوبترا 2010 عاملة 5000 ك لما rpm بيوصل عند 2.5 علي الاول او التانى بحس برعشة وصوت الموتور بيعلا
عرض للطباعة
انا معايا اوبترا 2010 عاملة 5000 ك لما rpm بيوصل عند 2.5 علي الاول او التانى بحس برعشة وصوت الموتور بيعلا
والله وأنا كمان زيك يا باشا ، ولما سألت أعضاء هنا فى المنتدى قالولى لسه متحكمش عليها دلوقتى .
والنهارده الصبح كنت سايق عربيه نيسان صنى موديل 2010 بتاعة واحد صاحبى ولاحظت فيها نفس الموضوع ده ..!!!
يعنى الموضوع عادي لا انا كان معايا نوبيرا قبلها ومكنش فيها كده وسوقت اسبرازا مفهاش الموضوع ده في حاجه مش صح
معلش ده والعربيه بارده ولا فيه كل الاوقات
باسم معلش المقابله الجايه ممكن نجرب العربيه ونشوف مع بعض
لا يا باشا فى كل الأوقات .
نجربها يا باشا مع بعض ، بس المقابله إللى فاتت عمرو بدر ومحمد وفيق قالولى لسه متحكمش عليها دلوقتى ( 2300 كم بس ) .
صحيح يا باشا عملت إيه فى إللى بالى بالك ( السيكو سيكو ) ..... :C_laugh[1]:
طيب يلا علشان نفيش الهوامش
انتا باين عليك مشنشخ الانارخ
من الاخر
احنا لازم ندوش الدوشة بدوشة ادوش من دوشتها عشان متدوشناش
و لازم نظيط علي الظيطة ....عشان نستحمل ظيططها
مش كده ولا ايه
وهى سخنه اكتر ومش فى كل الاوقات و على فكره قلولى استنا ال 5000ك واستنيت و مفيش فيده
أنا يا باشا قالولى أستنى لغاية الـ 10000 كم ، وعلى العموم إنت عملت صيانة الـ 5000 كم ولا لسه ؟!!
لو لسه معملتش الصيانه لما تروح إستفسر عن الموضوع ده .
وأنا إن شاء الله حاجز صيانة الـ 5000 كم يوم الأثنين القادم ، وإن شاء الله ح أسأل على الموضوع ده وأرد عليك .
ويا رب يكون حد من الأعضاء عنده رد للموضوع ده ، علشان يفيدنا إحنا الإتنين .
هي الحالة دي بتحصل في بعض الأوبترا ولا في اي عربية اوبترا
اصل الحكاية دي مش عندي
شكرا على الرد لكن هما كده بيلعبو بينا ولا ايه قالو 5000ك عملناهم وقلولك 10000ك اية الحكايه بقي
انا عامل 80000كم
وبردك صوت العربيه عالى من اول ماجبتها زيرو
اعتقد دا الطبيعى بتعها
باسم هاتزعل لو قلت ليك انا مش فاهم حاجة
و الموضوع اول مرة اخذ بالى منة
لا انا محتاج دكتور فين احمد فوزي
ممكن توضيح الموضوع بالراحة وراعى ظروفى الصحية
يا أيمن باشا ... الموضوع بسيط جداً
إن وأنا ماشى بالعربيه ولما الـ RPM بيجى على الـ 2.5 بحس بزنه بسيطه ( او نقدر نسميها رجرجه بسيطه ) تحت رجلى ( من دواسة البنزين ) ، وطبعاً هى جايه من الموتور .
ومن كام يوم كنت سايق عربيه نيسان صنى 2010 أوتوماتيك ، وحسيت فيها بنفس الموضوع عند الـ 2.5 برضه .:g:
طيب انا بكرة هاركز فى الموضوع دة عندى و هاقول لك بعد كدة
معلش يا بسوم انى ماخدش بالى من الموضع بتاعك قبل كدة
انا برضه مش فاهم اوى لان الزنه دى لازم تتجرب ماينفعش تتوصف
بس انا عندى تفسير وغالبا 90 % هايكون صح
لو افترضنا انك ماشى على التانى والفتيس عايز ينقل على التالت
بتبقى انت مش مريحه فمش عارف ينقل , يعنى بتبقى دايس على دواسة البنزين بنسبه معينه
ولا منك ماشى على التانى مرتاح ولا منك مخلى الفتيس ينقل على التالت
ودى حاجه محتاجه تركيز عشان تحس بيها
حد فهم حاجه :):)
انا جربت عندى مافيش حاجة
و اظن انها مش هاتعدى تربيط حاجة و ابقى قل لنا عملت اية
باسم انت رايح التوكيل يوم الاثنين مش كدة ؟
حجزت فى فرع اية ؟
أيوه فاهمك يا حسام ....
بس للأسف ممكن ميبقاش التفسير ده لسببين :
1 . لأنى جربت أخلى الفتيس على الـ N وأدوس على البنزين فلاحظت نفس الملاحظه .
2 . الموضوع ده بيتحس وإنت سايق طبيعى ، يعنى مخلى كل نقله تاخد حقها ( مش مثبت رجلى على الـ 2.5 بس ) .
وعلى فكره الزنه دى النهارده ركزت فيها جداً وأنا رايح الشغل ، لقيتها ساعات بتحصل وساعات متحصلش .
وكمان الزنه أو الرجه البسيطه دى عامله زى متكون ماشى على أسفلت محبب ( مش ناعم ) فممكن تحس بـ Vibration تحت رجلك وفى العربيه ، بس برضه بقول بسيط مش جامد .
بص يا باشا ....
أنا حاسس إنى ممكن يكون وش الموتور ( الفبره البلاستيك ) هى إللى عايزه تتربط مش أكتر ، بس مش عايز أفتى فيها لغاية مـ أروح يوم الإتنين .
وأيوه يا باشا رايح يوم الإتنين اللى جاى إن شاء الله ، وطبعاً يا باشا مقدرش أحجز فى مكان غير فرع التجمع الخامس ، ده كفايه إن حضرتك إللى مرشحولى ، وربنا يسهل وأقابل مهندس / محمود ، وأعمل تقرير عن الصيانه إن شاء الله .
انا عند عرضى لو عايزنى اكون معاك
او اتصل بية و هو جنبك و ادهولى اكلمة
يا باشا ربنا يخليك لينا ، أنا مش قلقان خالص من حاجه ، وبعد الكلام إللى سمعتوا عن المهندس / محمود من حضرتك ومن بعض الأعضاء ، يخلينى رايح وأنا متطمن جداً إنى ح أتعامل مع رجل محترم وأمين جداً .
على فكره أنا ح آخد معايا زيت موبيل 1 قبل مـ أروح ... صح مش كده ؟!!! علشان أنا عارف إنهم هناك بيستعملوا شل بس .
وإسمحلى بس أقول للمهندس / محمود إنى جاى من طرفك .
طبعا تقول لة و هبعتلك كلمة السر على الخاص
كويس انك اخذت معاك الزيت تمام كدة استاذ
راجع الخاص يا باسم
هاهاها
هو فى اسرار عليك برضو ا
رايح امتى علشان ابعتلك كلمة السر بتاعة اليوم الى انت رايح فية
انت تأمر
و هانفسش الهوامش
و ابو زرزور هيكون معاك خطوة بخطوة
هانت انت ابعتلى العربية اخلصهم فى 5 ايام
و بكدة تروح الصيانة بسرعة هاهاهاها
انا كمان عندى نفس العيب ده وعربيتى اوبترا 2006
معاك بس قولى الميعاد
يعنى مفيش حد فدنا في الموضع ده هى العربية كده ولا ايه