ياجماعة الغوث اغيثونى اريد شراء نيواكسنت 2008 ومافيش حد عارف اخد منه رأى صحيح عو اعرف عنها كل حاجة ناس تقول وحشة وناس تقول 2008هندى وناس تقول مافيهاش عداد حرارة وناس تقول دى الانترا على صغير وناس تقول حلوة وممتاذة وثبات وخلافة ايه هوا الصح يا ناس
اجبها ولا لأ انا ها اسافر بيها كل يوم لايقل عن 130 كيلو
ياريت لو حد عندوا صور للمانيوال بتاعت السيارة دى من الداخل والخارج
العربية دي واحد صاحبي لسه جايبها وانا هقولك علي تجربتي الشخصية لها
ماتورها 1600 مانيول بتنزل من غير كاسيت وانذار ودول بيتركبوا هنا في غبور
نتكلم الاول عن الصالون وده مساحته وسعة تكفي خمس اشخاص مرتححين ووضعية الصالون مرتفعة بالتالي مريحة جدا في الخروج والدخول من العربية والخامات المستخدمة في الصالون الي حدا ما جيدة
بنسبة كبيرة - اما التابلوه فكانت حاجة من الحاجات اللي لفتت انتباهي وبالتحديد توزيع العدادات انا راي ان هي جميلة جدا واضائتها مريحة والوان واضحة وسهلة القراءة والخامات المستخدمة في التابلوه مرضية بنسبة كبيرة مع توزيع جيد جدا للازرارو دركسيون قابل للتعديل لضمان اسهل تحكم في العربية بلنسبة لوضعية الكراسي الامامية وكرسي السائق جميل جدا يتيح افضل رؤية ومتابعة لابعاد العربية خصوصا وان وضعية العربية بشكل عام مائلة الي الامام نسبيا- من ضمن المزايا بالصالون مخرج للطاقة بالتابلوه بعيد عن الولاعة وطفاية سجاير بورتبول ولكن غير مضيئة لان الجزء الخلفي مفهوش طفاية
*بالنسبة للشكل الخارجي للعربية برضوا هاقولك بأخنصار
مقدمة العربية ووشها جميل وهادي جدا مع فوانيس كبيرة مما يضمن توزيع جيد للأضائة علي الطريق
وخطوط انسيابية للهوا علي الجسم بشكل عام وميل نسبي للمقدمة عن المؤخرة علشان الهوا بيضغط بشكل مستمرعلي الخلفية مدلها ثبات اكتر خصوصا في السرعات العالية اما الشنطة والفونيس الخلفية فشكلهم بشكل كبير جيد والعربية بشكل عام عالية عن الارض
*بالنسبة للاداء
العربية مجهزة بتعليق وعفشة رياضية معقدة جدا وصعبة لدرجة ان التوكيل نفسه بيخاف يشتغل فيها
ولكن ثبات هايل واحساس بالمطبات متوسط
بالنسبة للماتور والتسارع فمش هاقولك حاجة غير انها هيونداي الماتور استجابته سريعة جدا وفتيس نقلاته جميلة فديما هاتحس انها بتخطفك في كل نقلة
اما في السفر فهي ثابتة جدا ( علي فكرة صحبي ده بيشتغل في طابا ) بيسافر بالعربية عالطول وبيمشي بيها 180 مرتاح جدا ولفترات كبيرة وعزل لصوت كويس جدا
في النهاية تقيمي للعربية بشكل عام جيدة ده (راي شخصي)
اف الف شكر اخ عزب ربنا يخليك على المعلومات الجميلة دى
بس انا مش مع حضرتك يا استاذ عزب
في نقطه ان عفشتها رياضيه....
النيو اكسنت عفشتها برضوا خفيفه ذي باقي هيونداي بخلاف الالنترا و الكوبيه
انا مع واحد صاحبي نيو اكسنت و عفشتها من الاخر تعباااااااانه ...
عامله زي الاكسنت القديمه اللي معايا ...كأنك ماشي في مرجيحه....
و عومت منه العربيه كذا مره
انا ركبت عربية منها تاكسى العاصمة هى ضيقة وبالنسبة لاستخدام تاكسى العاصمة فكانت العربية متبهدله على الاخر مع ان فترة الاستخدام قليلة
وبعدين النيو اكسنت مش منتشره متخليك فى الماتريكس او الجيتس احسن ولا ايه رايك كل ما كانت العربية منتشرة بيكون سعر اعادة البيع افضل وقطع الغيار باذن الله متوفرة باسعار افضل
اة يا باشا انا بقا النيو اكسنت دية بصراحة كدا انا مش بعرف ازوق الكلام مش حلوة وبتعوم وقريبة من الفيرنا شوية فى سواقتها وبعدين بصراحة انا شوفتها تاكسى عادى ودة بيجرحلى كرامتى انى اركب عربية اتعملت تاكسى وياريت عاصمة دا تاكسى عادى المهم يا باشا انا راىى بردة ان تجيب ماتريكس جميلة جدا واحسن من النيو اكسنت بمراحل وعن تجربة
هاى
انا اشتريت نيو اكسنت من 15 يوم
العربية دى تحفة بجد
اشتريها و مش تتردد ابدااااااااااا
النيو أكسنت تحفة هى هى الإلنترا بس على أصغر فى الحجم شوية .... العفشة رياضية والمساعدين بتاعتها غاز ومزودة بتقنية الeps اللى بتتحكم فى الدركسيون للمنحنيات والثبات على الطريق مالوش حل لغاية 200/س ..... يكفى إنها كورى 100% مش هندى ولا تركى ولا مصرى على فكرة العربية معايا من يناير ولو رجع بيا الزمن حشترى الأكسنت تانى
النيو اكسنت جميلة
دي عربيتي وانا عارفها
العربيه ثابته
وجميله
بس عفشتها خشنه جداااااااااااااا
حاجه تانيه وهي ان عزل الصوت زففففففففففففففففففففت
النيو اكسنت دايما بيتغير فيها اطمه الدريكسون الكهرباء وعدلوها ونزلوه زي الماتريكس
وكمان عفشتها مش كويسه علي الاطلاق وبدبدب وعلي فكره نور عشم اللي بيركب السنتر
والكاسيت مبهدلها اشتري بدلها جيتز بس ضيقه شويه بس اعطلها بسيطه جدا ولو عايز عربيه في نفس السعر ممكن ماتريكس وممكن كيار سيراتو التحفه القادمه إن شاء الله وفي نقطه فنيه لوحه نظام الحقن بتاعه الحقن الالكتروني في وش الماتور يعني لو جيه عليها ميه بالسلامه بس بردو هي شكلها كويس مش وحش ولو هاتيجبها يبقي مبروك والف مبروك مقدما