[overline]اريد ان اعرف مقدار الزيوت التي يتم تغيرها لي اجزاء السياره
المحرك ----- كام لتر زيت بالفلتر و بدون الفلتر و افضل الانواع
الفيتيس الاوتوماتيك مقدار زيت و افضل الانواع
زيت الباور مقدار الزيت و افضل الانواع[/overline]
عرض للطباعة
[overline]اريد ان اعرف مقدار الزيوت التي يتم تغيرها لي اجزاء السياره
المحرك ----- كام لتر زيت بالفلتر و بدون الفلتر و افضل الانواع
الفيتيس الاوتوماتيك مقدار زيت و افضل الانواع
زيت الباور مقدار الزيت و افضل الانواع[/overline]
5 مشاهدات ولا يوجد اي رد
اين اشراف القسم
يا باشا اكيد الرد جاى لك بالتفصيل اصبر شويه ممكن يكون الناس مشغوليين وعلى العموم زيت المحرك من غير فلتر محتاج 2.5 لتر و بالفلتر 2.75 لتر واحسن الانواع شل و موبيل 1
اهلا بيك معانا فى اسرة نيسان
انت لو كنت اخدت جولة كدا عقبال ما الناس ترد كنت لقيت كل الاجابات موجودة ومثبتة فى الموضوعات الهامة فى القسم
وحتلاقى الاجابات وسط المشاركات اكيد
وطبعا مع اللف ده وانت كعضو جديد اكيد حتفيدك جدا و, لان الحمد لله كل موضوعات القسم مفيدة وغنية بالمعلومات المفيدة لينا كلنا , ومتجمعة عشان السرعة فى الرد
وبخصوص الادارة والمشرفين مش بيدخلوا يردوا على اجابات الاعضاء ,والاسئلة والاجابات بتكون من الاعضاء واللى بيردوا الاعضاء
بخصوص استفساراك واسف على التاخير
زيت الصنى تحديدا بتاخد بالظبط 2.8 لتر بالفلتر بخصوص زيت الماتور ومفروض انك بتحاسب على 3 لتر ,ولو حطيت 3 بالظبط غلط وبتلاقى غطا الزيت بيرشح
ولو كنت غلطان فى المعلومة ياريت ملاك الصنى يصححوا الملعومة عشان المعلومة تتاكد بيهم
وبيتغير زى ما انت بتحب يا اما كل 3 الاف او 5000 او 10 الاف والانواع كتيرة , وافضلهم موبيل وشل
اما زيت الفتيس بتاخد 3 كيلو وبيتغير كل 40 الف كيلو
والتيدا كمان زي الصنى فى النقطة دى عشان ملاك التيدا يستفادوا من المعلومة
وبتغير باى نوع بردوا موبيل او شل
واللى عرفه من زمان من ايام ما كان معايا بولو كان افضل زيوت الفتيس شل
اما زيت الباور , فده مش بتغير وبيتزود كل ما بينقص
اتمنى انى اكون قدرت افيد حضرتك
وتحت امرك فى اى استفسار
السلام عليكم
الله ينور يا احمد باشا
عندي مشكله صغيره هي :
انا غيرت زيت من اسبوع تقريبا ووقفت علي ايد الواد في البنزينه علشان يحط 2.75 ك وكمان غيرت فلتر لكن للاسف مش فلتر اصلي لاني لفيت الغردقه كلها ملقيتش فلتر نيسان اصلي فاجيبت واحد ياباني
المهم المشكلة اللي ملاحظها ان لمبة الزيت اللي في التابلوه بتاخر ثواني مش بتطفي مع باقي اللمبات اللي جنبها ( البطاريه وحاجه كمان ) انا مش عارف هي كده ولا لا لاني مكنتش بابص علي الحاجات دي قبل كده فهل هي فعلا بتاخر عادي ولا في مشكله
اخوكم مصطفي
يعني ايه الزيت تقيل انا حاطط زيت موبيل 10 الاف وهو اللي دايما بحطو وكمان الموضوع ده بيكون الصبح فقط او لما بركن العربيه لحد لما تبرد وكمان مقاس الزيت مظبوط (لسه مشيك عليه النهارده الصبح قبل ما ادور العربيه )
انا شاكك في الفلتر لكن اعتقد الزملاء ممكن يكون عندهم خبره اكتر مني ويفيدونا
اللى انا اعرفه وقريته كتير فى موضوعات عن الصنى ومنكم شخصيا
ان مفروض الصنى بتاخد بالظبط بالفلتر 2,8
ومن غير فلتر 2,5
وبخصوص تغير الفلتر فمفروض انه بيقعد لغاية 10 كيلو وانت وراحتك عاوز تغير كل 5000 فدى حاجة بترجعلك
انا فى عربيتى القديمة مثلا (كان معايا بولو ) بغير زيت كل 5000 معاه فلتر
وبخصوص الانواع بيفضل تركيب الاصلى بتاع التوكيل لسبب , لان عشان تجيب اى نوع تانى مش اصلى ويابانى وخلاص حيكون سعره مش اقل من 40 جنية , فالاصلى ب50 جنية ,عشان كدا الناس بتجيب الاصلى بتاع نيسان دايما من غير ما تشغل بالها بالانواع الاخرى فى السوق
وبخصوص حضرتك يا استاذ مصطفى
انت بتقول انك حطيت 2,75 لتر واللى اعرفه مفروض تحط بالظبط 2,8 فممكن والله واعلم يكون ده ماثر فى ان اللمبة بتتاخر لثوانى , وعلى العموم استنى لما يدخل حد من ملاك الصنى ويفيدك اكثر فى الموضوع ده ويعطيك التاكيد فى موضوع اللمبة
وتقبلوا تحياتى
فين ملاك الصني يا شباب
انا كملت الزيت لحد 2.8 لاننا معرفناش تظبطها علي 2.75 انا والفني بتاع البنزينه وبالنسبه لموضوع الفلتر الاصلي انا اضطريت اني احط اليباني لاني اللاصلي غير منوفر في الغردقه
في انتظار الردود من الساده ملاك الصني الخبره
ما فيش ولا واحد بس معاه صني ولا ايه
واحد من ملاك الصني اهو ياباشا :colsmil:
بالنسبه للفلتر بتاع التوكيل هو بيقعد 20 الف و دا كلام الراجل اللي في منفذ البيع
ممكن يكون موضوع اللمبه دا ان الفلتر مكتوم شويه او الزيت مش بيمشي فيه بسرعه بس عادي يعني ماتاخدش في بالك و حصلت معايا قبل كده و طنشت و غير الفلتر ببتاع التوكيل و ريحت دماغي
الفرق بينهم مش كبير بس الكيلو متر كاكتر
حضرتك لو ليك حد في القاهره ينزل ميدان الحجاز في توكيل نيسان يشتريلك كام فلتر كده تخليهم معاك في العربيه مش هايخصروا يعني و يبعتهملك في الاتوبيس او السوبر جيت او اي عربيه من الموقف رايحه الغردقه
ولو تعرف حد قولى وانا اروح و اجبلك الفلتر الاصلى من التوكيل وابعتهولك معاه
وعلى راى وليد هاتلك كام واحد معاك مش حيخسروا ابدا
السلام عليكم
والله انتو بتحسسوني دايما ان مصر بخير وان ان شاء الله المستقبل افضل كتير
ربنا يكرمك يا استاذ وليد وانت واحمد باشا انا بصراحه مش عارف اقولكم ايه انا فعلا سعيد جدا ان في ناس زيكم بعرفهم واتواصل معاهم حتي لو عن طريق النت بصراحه ده كتير قوي ربنا يجعل اللي بتقدموه للناس هنا في ميزان حسناتكم ويخصكم دائما بقضاء حواج الناس
فعلا فكره جامده اني اشتري كذا فلتر واخليهم في العربيه وان شاء الله في زميل ليا في الفرع الرئيسي للشركه في القاهره معاه صني هاخليه يبعتلي فلاتر
الف شكر مره تانيه للاستاذ وليد المحترم وصاحب الخبره الكبيره في الصني ( فوق ال 100 الف كيلو بالصني )
الف شكر للاستاذ احمد المجتهد جدا في خدمه اعضاء المنتدي عموما وليس نيسان فقط وربنا يكرمه علي مجهوده ان شاء الله ويجعله في ميزان حسناته
اخوكم مصطفي
معلش سؤال صغير
هو انا ممكن اغير فلتر من غير ما اغير زيت ولا ما ينفعش
ياباشا ربنا يكرمك والله احنا كلنا هنا بنساعد بعض باللي نقدر عليه و رينا يجزييك خير ان شاء الله
حضرتك لو غيرت فلتر بس ممكن الزيت اللي في الفلتر علي الاقل يقع فهاتتطر تزود زيت تاني دي حاجه اجهتادي كده من عندي انا ماجربتش الصراحه
ممكن اجابه نهائيه يا جماعه انا لحد دلوقتي ما غيرتش الزيت
الصني بتاخد كام لتر بفلتر و بدون فلتر
الكلام ده من ناس راحت غيرت فى التوكيل وكلام المهندسين ليهم
بالظبط بالفتر 2,8 لتر
ومن غير فلتر 2,5
أنا بغير زيت 2.75 بدون فلتر و3 لتر بالفلتر والله أعلم إن كان صح ولا لأ لكن على مدار عامين لم تحدث مشكلة
علما بأن العربية 1300 أوتوماتيك
المشكلة أنى غيرت زيت الفيتيس ب4 كيلو ورغم أنه لم تحدث مشاكل إلى أنىى قلقت جدا من الردود اللى بتقول أنه 3 ك بس هل ما فعلته فيه ضرر وكيف أتصرف؟؟؟؟؟