ماتور المية ساير جايبه من شهرين إتحرق...أعمل إيه

أنا هتشل بعد ما الماتور القديم الله يمسيه بالخير باظ و عمره الإفتراضي إنتهى عداه العيب و أزح جبت ماتور إيطالي ساير 1 حصان ب 900 جنيه مقعدش شهرين على بعض و إتحرق !!!

و السباك قالي أجيبلك أنا واحد إيطالي قلت لأ ما أنا ناصح بقى أنزل شارع الجمهورية و أجيب واحد

كالبيدا كان أغلى بس يارتني جبته

رحت محل إسمه مارينا و سبيروني

و جبت ماتور ساير إيطالي ببلونه و أوتوماتيك إيطاليين برضه
بس السباك قالي ده مش إيطالي و لا البلونه إيطالي دولا صيني و بيحطوا عليه العلامه بس
و ساير بيبقى محفور عليه الإسم ( لما جه يركبه قبل ما يبوظ )
و قالي ده مايجيش في زمتي ب 300 جنيه و مكنش مصدق إني جبته ب 900
( بصراحه كانت فاكره بيقول كده عشان انا مخلتوش يجيبه هو )
حتى أنا لاقيت العلامه تكت حديد ملزوقه شكلها بجد عره أوي

المهم الفاتوره فيها إسم الماتور بس من غير إسم العميل هل ده معناه إن الفاتورة دي أبلها و اشرب ميتها !!

تنصحوني بإيه عشان ما يتنصبش عليا أرحلهم و لو ما يرضيوش يعملوا حاجه أشتكيهم في حماية المستهلك
و هل الفاتورة اللي من غير إسمي مالهاش أي لازمه

و لا أنا كده زبون و مقدرش أثبت إن الماتور أي كلام و إن ممكن يكون ده سوء إستخدام مني

الواحد برضه ما بليقيش فلوس في الشارع عشان يدفع 900 في ماتور يقعد شهرين !!

الواحد فقد الثقه في التجار خالص

:H_angry[1]::H_angry[1]::H_angry[1]:

هات واحد جديد والمره دى ابقى اسأل كويس واستعوض ربنا فى 900 جنيه انا عندى محل اكسسوار سيارات لو واحد اشترى منى حاجه مثلا من حاجات الكهرباء وركبها ومشتغلتش يجيبهالى تانى اوك اغيرهاله لكن بعد ما تشتغل شهرين لا طبعا مش هغيرهاله والفاتورة اللى معاك طالما ملهاش رقم ومش مكتوب عليها فاتورة بيع ومش مختومة بختم المحل ومش عليها تاريخ ولا اسم المحل تبقى ملهاش لازمة. ولو كل الحاجات دى متوفرة هيصلحلك الماتور وخلاص مش هيغيره لو عليه ضمان.

اقتباس:

---

المشاركة الأصلية كتبت بواسطة makka

هات واحد جديد والمره دى ابقى اسأل كويس واستعوض ربنا فى 900 جنيه انا عندى محل اكسسوار سيارات لو واحد اشترى منى حاجه مثلا من حاجات الكهرباء وركبها ومشتغلتش يجيبهالى تانى اوك اغيرهاله لكن بعد ما تشتغل شهرين لا طبعا مش هغيرهاله والفاتورة اللى معاك طالما ملهاش رقم ومش مكتوب عليها فاتورة بيع ومش مختومة بختم المحل ومش عليها تاريخ ولا اسم المحل تبقى ملهاش لازمة. ولو كل الحاجات دى متوفرة هيصلحلك الماتور وخلاص مش هيغيره لو عليه ضمان.

---

كلام سليم
وبعدين يا اخى الفاضل كل الماركات التجارية بتعمل اسمها التجارى محفور على الغطاء او اى مكان على الموتور
وبعدين حضرتك ما اخدتش فاتورة ضريبية علشان تشتكى بيها المحل دى اللى حضرتك اخدته دا بيان مالوش اى لازمة
استعوض ربنا وهات واحد كويس
وربنا يعوض عليك

الفاتوره عليها تاريخ و عليها إسم المحل و عليها تاريخ

بس الإكسسوارات الكهربائية حاجه و ماتور ميه ممكن يعد لغاية 20 سنة شغال و يبوظ بعد شهرين حاجه تانية

انا شايف إن حضرتك مش خسران حاجة أكتر من اللي خسرته بالفعل
اتصل بحماية المستهلك
وكويس ان الايصال او البيان أياً كان مسماه اللي معاك عليه اسم المحل