ثبات و تميز بيجو 206cc , استرا 2007 , ستروين C4 , بيجو 307

**nouranwar** · 27-09-2010 02:38 PM

بيجو 206cc , اوبل استرا 2007 , ستروين C4 , بيجو 307

ايهما الافضل ؟ محتاج مشاركاتكم و ارائكم و نصائحكم علشان اعرف اختار
هما في حدود من 75,000 الي 85,000 بتختلف الاوبل و البيجو مانيوال و الستروين و ال307 تبترونيك
كان في دماغي المازدا3 لكن مع دخول ال206cc و الاسترا طلعتها من دماغي
عايز اعرف الثبات و الامان و السرعة القصوي و الشكل و الاكثر تميز و شبابية
بجد محتاج رأيكم علشان انهي التردد اللي انا فيه ده
و شكرا مقدما علي مشاركاتكم

**tito_1980** · 27-09-2010 03:17 PM

انا استبعد الاوبل عشان مشاكله كتير
و كمان استبعدت السيتروين عشان مش منتشره خالص
فالاختيار هيبقي بين الاتنين البيجو
و اخترت ال 307 عشان فئه اكبر و اعلي
بس اسأل علي اسعار قطع الغيار و توافرها فين الاول

**mahmoudawad247** · 27-09-2010 08:36 PM

أهلاااا ازيك عامل ايه

المقارنة فى فئات زى بعض

الأسترا و 307 نفس الفئة و عدد الكراسى ،،، و 1600 سس

أما 206 cc حاجة تانية و فئة تانية خالص

فى رأى شوف انهى توكيل أحسن فى الصيانة و التعامل و اتجه عليه

يعنى لو توكيل أوبل احسن يبقى ماشى
لو توكيل بيجو احسن يبقى ماشى

و متبصش لبند السعر لأنه كله غالى

بص لبند نظام التوكيل و انهى احسن فى الصيانة

و لتوفير الوقت

طلع c4 من المقارنة خالص لسببن
1- سوقها بالنسبة للباقى وحش
2- توكيلها كفاءة قليلة و صيانة عالية

مميزاتها
1- سحبها جميل جدااااا

و ده مش يكفى عيوبها

**thug** · 28-09-2010 05:47 PM

المشاركة الأصلية كتبت بواسطة eng_ahmed_90

انا استبعد الاوبل عشان مشاكله كتير
و كمان استبعدت السيتروين عشان مش منتشره خالص
فالاختيار هيبقي بين الاتنين البيجو
و اخترت ال 307 عشان فئه اكبر و اعلي
بس اسأل علي اسعار قطع الغيار و توافرها فين الاول

اخيرا شوفت حد بورسعيدي في المنتدي ده ,,,,,منور ياباشا

رأيي الأوبل انسبهم لسبب
البيجو قطع غيارها نار ومش موجوده وملهاش سوق هنا في مصر
والسيتروين سوقها نايم في مصر
الأوبل سوقها كويس وقطع غيارها مناسبه نسبيا والعربيه ثبات وشكل وكل حاجه بس عيبها توكيلها هيقرفك شويه بس هي أنسبهم
وربنا يجيب اللى في الخير في النهايه
ولعلمك انت مختار مويل 2007 يعني عربيه الماني ×الماني مفيش مسمار مصري

**nouranwar** · 29-09-2010 10:58 AM

انا رايح النهاردة ان شاء الله اتفرج علي واحدة استرا و اشوف ايه الكلام
اول امبارح رحت شفت البيجو ال 206 و ال c4 بجد الاثنين احلي من بعض
ال 206 حاجة شبابي و تميز جدا جدا بس فعلا ضيقة جدا جدا جدا من ورا جدا كمان
ال c4 تميز و امكانيات للصبح عداد دجيتال و كفاية الدركسيون باللي فيه :) و غير منتشرة يعني ده لوحده تميز
و هقولكم علي رأيي بالليل ان شاء الله في الاسترا لما اشوفها اذا مكانتش اتباعت :(
و مشكووووووووووووور علي ردودكم و اهتمامكم

**tito_1980** · 29-09-2010 11:29 AM

اخيرا شوفت حد بورسعيدي في المنتدي ده ,,,,,منور ياباشا

المنتدي منور باصحابه يا باشا انت منين بقه من بورسعيد ؟

البيجو قطع غيارها نار ومش موجوده وملهاش سوق هنا في مصر

اسمحلي اختلف معاك شويه في النقطه دي البيجو موجوده بدرجه توافر معقوله مش زي السيراتو مثلا و قطع غيارها موجوده هي غاليه اه بس موجوده و الكلام طبعا في القاهره لكن عندنا في بروسعيد مفيش طبعا الا في كام حته 307 شفتهم بالصدفه و اكيد يعني ليها قطع غيار في بورسعيد

والسيتروين سوقها نايم في مصر

متفق معاك تماما في النقطه دي

الأوبل سوقها كويس وقطع غيارها مناسبه نسبيا والعربيه ثبات وشكل وكل حاجه بس عيبها توكيلها هيقرفك شويه بس هي أنسبهم

انا الصراحه مبحش الاوبل دي خالص تجاربه سيئه عندي في العيله و التوكيل مقرق شويتين تلاته

ولعلمك انت مختار مويل 2007 يعني عربيه الماني ×الماني مفيش مسمار مصري

ربنا يباركلك فيها

**mahmoudawad247** · 29-09-2010 11:46 AM

ازيكو يا شباب

هو موضوع التوكيل ده يحير الواحد بس من خلال التجربة فى مصر لقيت ان التوكيل بيعتمد على محورين

1- قرف يعنى انت و نصيبك
2- لو التوكيل أخد نسبة 51 % رضاء عملاء يبقى ده توكيل كويس جدااا

3- توكيل تويوتا اللى واخد أحسن توكيل على مستوى الشرق الأوسط فى الصيانة فين ناس مش عاجبها قوى

يعنى دلوقتى فيه توكيل سئ للغاية و ده ابعد عنه خالص ،،، الناس متفقه عليه و فيه توكيل معقول و ده ممكن نتحمله

و دخل معيار

1- سعر إعادة البيع و سرعة البيع

**thug** · 30-09-2010 02:02 AM

المشاركة الأصلية كتبت بواسطة eng_ahmed_90

المنتدي منور باصحابه يا باشا انت منين بقه من بورسعيد ؟
[OVERLINE] انا من بورفؤاد ساكن عند نقابه المعلمين ان شاء الله ياهندسه وحضرتك ؟؟ وياريت تعرفنا عليك اكتر [/OVERLINE]

اسمحلي اختلف معاك شويه في النقطه دي البيجو موجوده بدرجه توافر معقوله مش زي السيراتو مثلا و قطع غيارها موجوده هي غاليه اه بس موجوده و الكلام طبعا في القاهره لكن عندنا في بروسعيد مفيش طبعا الا في كام حته 307 شفتهم بالصدفه و اكيد يعني ليها قطع غيار في بورسعيد
[OVERLINE]انا معاك انا بحب اصلا البيجو اوى عربيه استايل وشبابي وشفت واحده في راس البر عقدتني ,,,,لكن العربيه فعلا قطع غيارها مش موجوده وتوكيلها معرفش ايه نظامه بأمانه [/OVERLINE]
متفق معاك تماما في النقطه دي
طب تمام اتفقنا اهو
انا الصراحه مبحش الاوبل دي خالص تجاربه سيئه عندي في العيله و التوكيل مقرق شويتين تلاته
[OVERLINE]انا بحب الأوبل الصراحه ومش شايف مشاكلها كتير اوى يمكن عشان عربيتي قديمه ومشاكلها معروفه "فيكترا ايه " [/OVERLINE]
ربنا يباركلك فيها
[OVERLINE]الله يخليك ياباشا[/OVERLINE]

**nouranwar** · 30-09-2010 12:01 PM

رجالة امبارح شوفت الاسترا بصراحة كعربية تحفة و شيك جدا جدا و استايل جامد الصراحة فمحتار بطريقة عجيبة عايز انهي الموضوع و اشتري بقي علشان زهقت
العربية الاسترا اللي شفتها حالتها كانت وحشة جدا لكن كعربية عاوز اشوف واحدة تانية لو هنستقر عليها معاكم هنا

دلوقتي علشان تبقي خياراتنا واضحة للجميع ال 206 cc عجباني موت استايل و شبابي لكن ورا ضيقة موت
ال C4 استايل برضه و حركات و مالتي تحفة و امكانيات لكن الصيانات في ستروين بيقولوا بتوصل ل 2500 جنيه الصيانة العادية بتاعتها
الاوبل الاسترا استايل برضه و جامدة جامد من جوه
و البيجو ال 307 بصراحة عايز اسقطها علشان مش مميزة و منتشرة و الاسترا افرس منها في نفس الفئة
ياريت اللي ليه صاحبه هنا في المنتدي و ليه خبرة في اي نوع من الانواع ديه يخليه يشارك علشان مروحش و اشتري ماتريكس تاني

**thug** · 30-09-2010 11:34 PM

لا ماتركس مين صلي عالنبي
بص مبدأيا اهم حاجه الحاله في كل دول ,,,,والكلام ده معروف وأكيد ناس كتير نصحتك بيه
بس انت شكلك عايز شبابي ,,,,,مرحتش شفت الأسترا gtc برده ,,,,,الأزاز البانوراما تحفه وعربيه خطيره

مشاهدة نتائج الإستطلاع: بيجو 206cc , استرا 2007 , ستروين C4 , بيجو 307 ايهما افضل

الموضوع: ثبات و تميز بيجو 206cc , استرا 2007 , ستروين C4 , بيجو 307

LinkBack

أدوات الموضوع

عرض

ثبات و تميز بيجو 206cc , استرا 2007 , ستروين C4 , بيجو 307 - انشر الموضوع فى :

-

-

-

-

-

المواضيع المتشابهه

المقابلة الاولى لقسم ستروين - بيجو

ستروين ولا بيجو

هل ال ستروين ax ماتورها ماتور بيجو 306 ؟؟؟؟؟؟؟؟؟

مطلوب بيجو 205 او ستروين ax

بيجو 205 - ستروين ax - فورد فيسيتا - ابيزا

الكلمات الدلالية لهذا الموضوع

المفضلات

المفضلات

ضوابط المشاركة