ممكن حد يقولى اشترى ياريس فول ابشن ولا نيسان صنى اتومتيك
عرض للطباعة
ممكن حد يقولى اشترى ياريس فول ابشن ولا نيسان صنى اتومتيك
اهلا بيك :)
حضرتك السؤال دا مقرر جدا و ممكن حضرتك تاخد لفه في قسم النيسان و تويوتا و قسم المقارنات و علي اساس المكتوب تقدر تحدد.
بالنسبه للعربيتين فهما ممتازين جدا و شوف راحتك ايه.
عاوز توفير و تقفيل ياباني محترم يبقي ياريس.
عاوز عربيه واسعه و 1600 و معندكش عقد من التقفيل المصري و مش يهمك الشكل الحديث يبقي الصاني.
و لعلمك بره الصاني تتقارن بالكورولا مش بالياريس
لا مزيد عما قاله حازم خضر، مع انىا كنت متوقع انه يكون متحيز للياريس انطلاقا من نظرية "مين يشهد للعروسة" لكنه كان حيادى جدا
بالفعل ، الياريس مزيتها تقفيل بلد المنشأ واسم تويوتا العريق، كما ان صالونها اوسع من الإيحاء الذى يعطيه منظر السيارة الخارجى وشكلها احدث، وده على حساب مساحة غرفة المحرك الصغيرة ، وبالتالى ميزة اتساع الصالون يقابلها الإحتياج لمتخصص لعمل اى صيانات بالياريس لضيق مساحة غرفة المحرك،كما تتميز الياريس بتوفير استهلاك الوقود عن الصنى
الصنى تتميز بأنها فئة اكبر وده بينعكس على المظهر الخارجى واتساع الشنطة وسهولة الصيانة لاتساع غرفة المحرك وتميزها بتكنولوجيا غير معقدة الى حد ما، الى جانب طبعا المحرك الاكبر والقدرة الحصانية الاعلى، مقابل انها تقفيل محلى، لكن والشهادة لله من افضل السيارات المجمعة محليا فى مسألة التقفيل، كاما ان الصنى اثبت الى حد ما فى السراعت العالية مقابل ان عفشة الياريس اريح شوية
المجمل ان العربيتين ممتازتين، لكن هى الياريس اقرب لفكر شباب العشرينات بقدر ما ان الصنى اقرب لفكر رجال الثلاثينات وطالع
شكرا اوى يا جماعة على الافادة
تلامذتك يا باشمهندس :)اقتباس:
لا مزيد عما قاله حازم خضر، مع انىا كنت متوقع انه يكون متحيز للياريس انطلاقا من نظرية "مين يشهد للعروسة
الصنى تأ فيل مصرى كثير من الناس يشتكون منه
انا معايا العربيه يا أستاذ حماده و زي الفل و افتكر مفيش حاجه مضايقاني من التقفيل المصري
أسأل مجرب ولا تسالش غارف
انا معايا العربيه يا أستاذ حماده و زي الفل و افتكر مفيش حاجه مضايقاني من التقفيل المصري
أسأل مجرب ولا تسالش عارف