نصيحة بخصوص m11

**aagomaa** · 27-09-2010 03:01 PM

بعد التحية لجميع اعضاء سبرانزا .. برجاء من اللى عندة سيارة m11 يرشدنا عن عيوبها و مميزاتها بعد تجربته ليها علشان انا بقكر فى انى اشتريها و مش بسمع عنها كتير غي شويه العيوب ... و هل فعلا هى ما بتشتغلش بكامل طاقتها الا مع بنزين 95

و لكم جزيل الشكر

**samehsalem** · 27-09-2010 07:20 PM

معايا العربية من شهر 11 اللي فات وعامل بيها 20 الف كيلو لحد دلوقتي والحمد لله مفيش عندي اي مشكلة جوهرية في العربية كلها حاجات عادية وبتحصل في اي عربية في مصر بس هو الدينامو اللي باظ عندي وده كل اسبيرانزا موديل 2010 مش m11 بس وتم تغييره الحمد لله علي حساب الضمان...غير كدة الحمد لله معنديش اي مشكلة تاني ...ربنا يهديكي للاحسن ويكون اختيارك مظبوط انشاء الله وباقي الوحوش ملاك m11 يقدرو يفيدوك..

**egypt0777** · 27-09-2010 07:33 PM

انت طلبت نصيحة بتوع ال m11 عموما انا حمتنع عن الرد مع انى معترض اصلا على شراء عربية من ابو الفتوح لسوء وردائة مكوناتها

عموما ربنا يباركلك و تكون موفق فى اختيارك و تطلع من ذوات البطيخ الاحمر و يكفيك شر التوكيل

**ALshahba** · 29-09-2010 12:44 PM

^^^^^^^^^^^^^^
هههههههههههههه تعليقك فعلا يدل علي تعبك من ابو الفتوح ,,,,, عندك حق
ولكن الصراحه m11 تستحق الاقتناء

**hemaa_82** · 30-09-2010 02:38 PM

عايا العربية من شهر 10 اللي فات وعامل بيها 19الف كيلو لحد دلوقتي والحمد لله مفيش عندي اي مشكلة جوهرية في العربية كلها حاجات عادية وبتحصل في اي عربية في مصر بس هو الدينامو اللي باظ عندي وتم اصلاحه نزولا علي رغبتي لعدم الانتظار و الحمد لله علي حساب الضمان...غير كدة الحمد لله معنديش اي مشكلة تاني ...ربس العربية كبيرة لو كنتي بنت ... ابعادها كبيرة .... ربنا يوفقك للخير

**aagomaa** · 01-10-2010 11:42 AM

المشاركة الأصلية كتبت بواسطة hemaa_82

عايا العربية من شهر 10 اللي فات وعامل بيها 19الف كيلو لحد دلوقتي والحمد لله مفيش عندي اي مشكلة جوهرية في العربية كلها حاجات عادية وبتحصل في اي عربية في مصر بس هو الدينامو اللي باظ عندي وتم اصلاحه نزولا علي رغبتي لعدم الانتظار و الحمد لله علي حساب الضمان...غير كدة الحمد لله معنديش اي مشكلة تاني ...ربس العربية كبيرة لو كنتي بنت ... ابعادها كبيرة .... ربنا يوفقك للخير

شكرا على الرد ..انا مش بنت و راكب دايو لانوس 1 99 و عاوز اغير.. بس ايه موضوع ان العربية بتسقف على الغيار الاول و انها بتحتاج بنزبن 95
و شكرا

**mmmmgogommmm** · 02-10-2010 12:58 AM

موتورها هو نفسة موتور ال516 وموتور ال516 مبيسقفشوبعدين هو مصمم على بنزين93 مش 95 يعنى 92 ينفع جدا بس المشكلة ممكن تكون من كهربة العربية لانها لو كانت من الموتور كانت التيجو ال1600 كمان سقفت لانها نفس الموتور---------- من كلام الاعضاء انا شاكك فى ضبط الكهرباء او ردائة القطع المستخدمة فى دائرة الكهرباء ----- واللة اعلم

**hemaa_82** · 03-10-2010 03:59 PM

المشاركة الأصلية كتبت بواسطة aagomaa

شكرا على الرد ..انا مش بنت و راكب دايو لانوس 1 99 و عاوز اغير.. بس ايه موضوع ان العربية بتسقف على الغيار الاول و انها بتحتاج بنزبن 95
و شكرا

اسف علي التأخير ..... لله الحمد مفيش اي مشاكل سحب ... تقطيع... تسقيف ...
كله زي الفل و ما شاء الله حتي الان

المشاكل كالاتي :-

سوستة شكمان ..... تتغير علي الضمان و تم الموافقة
علبة مياة ردياتير فيبر....تتغير علي الضمان و تم الموافقة
لمبة فانوس امامي سهاري ....تتغير علي الضمان و تم الموافقة

مرفوع شكوي لحماية المستهلك للتأخير في استبدال الاجزاء عاليه و جاري الحل ان شاء الله

الطنابير تم تغييرها لوجود ريجة خفيفة جدا بدون تكلفة
الدينامو خلص الشربون و اتصلح في نفس اليوم بدون تكلفة
الCD صوته وطي علي جنب واحد بالنسبة للوظائف"CD & MP3 & SD memory " و شغال زي الفل راديو ... تم الاصلاح في شركة فيديو باص بجوار نادي السكة الرياضي بدون تكلفة

للامانة التوكيل فاهم "حتي الان" و التعامل كويس " حتي الان"

مكنتش متخيل انهم هيغيروا الطنابير بدون حتي نسبة اهلاك
مرخموش و قالوا لازم نغيير الدينامو و صلحوه في السريع بناءا علي طلبي " كانوا هيغيروه يوم الاحد بدل ما يصلحوه الخميس"

بس موضوع ان مفيش قطع غيار مع ان العربية بتتجمع في مصر" الشكمان بيزن ... صحيح علي خفيف بس برضه بيزن ... انا مالي بقي" هوه اللي خلاني ادخل حماية المستهلك

و برضه بعد سنه ... و بعد 20000 لسة الحمد لله مستريح و مش ندمان .... ربنا يديمها نعمة و الحمد لله من قبل و من بعد و ما شاء الله

**fineart607** · 07-10-2010 04:20 PM

والله عربيه رائعة العربيه زى الفل والتسقيف ده والله اختفى لكن بيظهر فعلا من الغش بتاع البنزين والفيرنا عندى بتسقف برده حتى مع 92
والله العربيه رائعة والمشكله الوحيده دلوقتى الى عندى مع الأرض الغير ممهده صوت تزييق فى الزجاج الخلفى

العربيه مبهره وسعرها اكثر من رائع طبعا احنا جبناها بالسعر القديم ب76000 تسليم فورى الله يسامحهم
بس الحمد لله مبسوطين منها واقاربنا جابوها ومبسطوين منها وربنا يديمها نعمة ويحفظها من الزوال

**odaoda** · 07-10-2010 05:17 PM

هى دى المشكلة
الاسعار بقت بتتغير بغباء
الاسبيرانزا ام 11 رخصت 6 الاف حنية
والبريليانس رخصت 10 الاف جنية دفعة واحدة
والله انا بقت حاسس انهم بينصبوا علينا
بص بالاماة
العربيات دى حظووووظ
اهم حاجة تتوكل على ربنا وملكش دعوة باى حد تانى
وهى اختيار اكثر من رائع ففئتها وتوكيل جيد وانتشار سريع
يا راجل عاوز اية تانى؟
ربنا يهديك للاصلح ياااااارب