إستفسار بخصوص رادار اسكندريه - القاهره

**Sherlock** · 27-09-2010 03:05 PM

إمبارح كنت مسافر إسكندريه من القاهره مع صاحبى حوالى الساعه 3 العصر , بعد حوالى 100 كيلو او اقل شويه لقيت لجنه عديت عادى , تانى لجنه بعدها مباشره بمسافره بسيطه لقيته بيقولى رخصك و اركن على جنب علشان عديت السرعه المحدده .

صاحبى طلعله كارنيهه , المهم الأمين ادانى الرخص تانى و قال اتفضل مع السلامه علشان خاطر صاحبك بس .

هل ممكن يحسب المخالفه برضه فى الحاله دي ؟
مع اني اصلا كنت ماشى 95 و بشرب حاجه ساقعه وبدخن و متأكد اني معديتش السرعه المحدده !

طبعا دمي اتحرق , ازاى ابقى ماشى زى ما هما عايزين و يحصل كده , اخدت باقي الطريق على مزاجى وحسب ما الطريق يسمح .

**rompo10** · 27-09-2010 04:10 PM

هاتيجي عليك مخالفه علي المرور

**MMamdouh** · 27-09-2010 04:28 PM

مخالفة الرادار اما يسحب رخصتك و تدفع الغرامة لما الرخصة توصل المرور او تدفع 150 جنية تصالح فورى و تمشى

طالما رخصتك معاك و مدفعتش حاجة يبقى مفيش حاجة

MMamdouh

**fineart607** · 27-09-2010 11:36 PM

لو انا هديك مخالفة لانك بتدخن ههههههههههههههه

لا ان شاء الله مفيش مخالفه مش تقلق واكيد الكارنيه عمل شغل ينفع تبعت لى واحد

انا كنت معدى السرعة ووقفت قبل الكامين وفتحت كبود السياره وبعدها دخلت فى وسط الهيصة وعدت تقدر تقول انا بقى اطمن ولا لا

**authority973** · 28-09-2010 05:31 AM

حصل معايا نفس الموقف قبل بوابات اسكندرية بشويه بس انا كنت معدى السر عة القانونية ومعايا صاحبى نقيب شرطة, و كان رائد قاعد تحت شمسيه و و موقف حواليه امم, امين الشرطة اللى وقفنا حتى معديناش علطول لما صاحبى طلعله الكارنيه قالله كلم الظابط يا باشا, نزله فعلا و راحلة, و مشينا عادى و كنت قلقان ليكون سجلها مخالفة و كانت هتبقى 300 جنيه على الاقل فى الترخيص بدل 150 فورى, المهم و انا برخص فعلا ملقيتش اى حاجة, ولو كنت لوحدى كنت دفعت ال 150 جنيه, البلد كلها ماشية كدة للاسف!.

**I.S.L.A.M** · 29-09-2010 01:03 AM

الى انا اعرفة ان الردار الغبى دة مزود5 كيلو من عنده !! ابقى امشى 5كيلو اقل فى سرعتك وخلاص لان لاقيت ناس عندها مثبت سرعة واطلقت رادار!!

**sonystar** · 29-09-2010 02:43 AM

طيب انا كنت ماشى وطاير يمكن 160 وفجى بعدى عربية لقيتة برعش نور قولت اكيد فى حاجة لسة بهدى لقيت الكمين علطول روحت راكن

قولت اعمل اية اعمل اية لقيت طريق جمب اللجنة وقولت بس دا الطريق اللى ههرب منة وعديت من جمب اللجنة ومحدش شفنى

فا يترى اية اللى هيحصل

ها هتتسجل ولا هتتنسى ولا اية ظرفهاا