سميتوا ولادكوا كده ليه؟

**GoldenManEye** · 19-03-2008 10:41 AM

المشاركة الأصلية كتبت بواسطة ehabradwan

انت لازم تصوروا بال..... مش كنت تمسحله بوؤه الاول
ياللا مش مهم . ماشاء الله يا باشا ربنا يباركلك فيه و ينبته نباتا حسنا

ال........... دى أحلى حاجة فى الصورة! :) بعد البرنس محمد طبعاً :)

**Karim_Monir** · 19-03-2008 12:09 PM

المشاركة الأصلية كتبت بواسطة OlaOsman

على فكرة بأه دي تاني مرة تحصل على فكرة و برضه انت اللي تقول لي الموضوع متكرر

ده استنصاد بأه

طيب اديني لينك الموضوع عشان يبقى اسمك عملت حاجة مفيدة في الموضوع ده :p

اهوووووووو
عشان ماتقوليش اني مستنصدك
نييييييييييييييييييييهههه ههههه
مع انه طلع عيني على ما جبتة

http://www.nilemotors.net/Nile/showt...t=%DF%E4%D2%ED

**CryptonX** · 19-03-2008 01:15 PM

والله انا قريت الموضوع " سميتو و لا دوكو ؟ "

و افتكرتك بتسالي على نوع دهان سيارة ( دوكو ) جديد :)

الحمد الله معنديش ولاد لسة ! ( خاطب بس )

بس لو حسمي ... حسمي اسامي عربية ... علشان في موضة احداث نعمة دلوقتي اني اسمي بنتي اسمي خواجاتي يمكن انضف من مستوايا الاجتماعي و لا حاجة .

ولد : وسيم - شادي

بنت : نسرين - نادين

**ehabradwan** · 19-03-2008 02:55 PM

المشاركة الأصلية كتبت بواسطة analyzer

ايهاب باشا
هى الصورة دى جت مفاجئه كدا الباشا كان بيتمشى تحت الطرابيزة وانا دايخ عليه وقاتل الشقه بحثا عنه
وبعدين لقيته تحت طرابيزة الانتريه قمت مصورة زى ما هو كدا علشا لما يكبر ابقى ازله بيها وقوله
يا ابو ال............. الى انت شوفتها دى ( طبا ده مش هيحصل )
لو ممكن اسئل سؤال هو حضرتك عندك اولاد
اصل عارف قبل ما اتجوز كنت بقرف جدا من الاطفال ولو طفل شرب من او اكل مش ممكن المس اى حاجه هو مد ايده فيها وكمان مكنتش بشيلهم ولا المسهم اصلا بس بعد ما اتجوزة وخلف اختلف النظرة تماما زى ما golden باشا قال دى اجمل حاجه فيهم ومفيش اب او ام ممكن يقرف من ابنه
انا اسف لو طولت عليكم
بس ياباشا ولا يهمك خالص انا شيلت الصورة من التوقيع خالص

يا باشا انا كنت بهزر معاك طبعا ال..... احلى حاجة فالصورة .
انا الحمد لله عندي عبد الله هو في سن محمد كده ( سنتين تقريبا ) و عمري طبعا ماقرف منه زي مانت قلت بالظبط

وبعدين انت زعلتني بجد لما شيلت الصورة انا كنت بهزر والله .أوعى تكون زعلت

**analyzer** · 19-03-2008 03:02 PM

ايهاب باشا مفيش زعل ولا حاجه ابد
انا شيلت الصورة لانها كبيرة شوية ومش متظبطه فى الحجم وجالى ميل انى اظبطها لانها عاملة مشكلة
وبصراحه انا مليش فى الجرافيك خالص
وانا ماشى بمبدء الباب الى يجيلك منه الريح سده واية ..............

**mido777** · 19-03-2008 03:16 PM

انا سميت جودى

كنت مره قابلت نادر السيد فى بلجيكا ايام ما كان بيلعب فى نادى بروج وكان معاه بنته وماشاء الله عليها كانت زى القمر .... فقررت انا اسمى الأسم ده لما ربنا يرزقنى وقد كان....

ومعناه : اسم الجبل اللى استوت عليه سفية سيدنا نوح

ومذكور فى القرأن فى سورة هود.. الأية 44

بسم الله الرحمن الرحيم

وَقِيلَ يَا أَرْضُ ابْلَعِي مَاءكِ وَيَا سَمَاء أَقْلِعِي وَغِيضَ الْمَاء وَقُضِيَ الأَمْرُ وَاسْتَوَتْ عَلَى الْجُودِيِّ وَقِيلَ بُعْداً لِّلْقَوْمِ الظَّالِمِينَ

صدق الله العظيم

**hazem_khidr** · 19-03-2008 08:32 PM

رغم اني لسه مش متجوز و مفشكل خطوبتي قريب لكن حقول علي اسامي في دماغي :)
ولد : محمد او ضياء
بنت :نادين

**mshamy** · 19-03-2008 08:56 PM

و الله انا سميت أحمد لسببين 1- كنت عايز اسميه على اسم الرسول صلى الله عليه و سلم و بعدين اتحطيت في خانة ايك علشان ابويا سماني محمد لنفس السبب و برضه ابويا اسمه محمد قولت حرام الواد كمان يبقى محمد "العيال في المدرسة مش حتعتقه":o و تذكرت قوله تعالى على لسان سيدنا عيسى " ومبشرا برسول يأتي من بعدي أسمه أحمد" على حسب ما أنا فاكر الأيه
2- مراتي حلمت بانها حتجيب و لد أسمه احمد حتى قبل ما نعرف نوع الجنين ايه

اتكلنا على الله و أحمد ماشاء الله دلوقتي عنده سنه و 3 شهور